Bôk Bơthô 5:1 - Sơ̆p Hlabơar Nơ̆r 'Bok Kei-Dei

¹ Kơchăng bĕ mưh ih mơ̆t lăm hnam 'Bok Kei-Dei. Năm mă jê̆ na mơ̆ng, 'lơ̆ng hloh kơ bơngai kơtul pơyơ̆r tơmam soi, lu bơngai mă ưh kơ băt sư đei pơm yoch.

Bôk Bơthô 5:1 ပူးပေါင်းရင်းမြစ်များ

II Ho 26:16

Wă sư pran kơtang boih jơhngơ̆m sư pơang truh tơ sư pơm yoch, pơm glăi hăm Kră Yang 'Bok Kei-Dei sư kơdih; sư mơ̆t lăm hnam Kră Yang, soh tơmam 'bâu phu 'bơ̆t chơnang 'bok soi juăt kơ soh tơmam 'bâu phu.

Jop 11:2

Hăm trŏ ưh pă gơh tơl dơ̆ng bơih nơ̆r pơma noh? Bơngai 'bơ̆r hơchĕm na jei sư ngăl hah?

Jop 22:12

Ưh kơ trŏ Kră Yang 'Bok Kei-Dei oei tơ kơpal, tơ lu tăl plĕnh ti hă? Lăng bĕ tơ sơnglŏng kơjung hloh pă băt dang yơ!

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Le 3:5

Kră Yang 'Bok Kei-Dei khan: 'Nĕ năm jê̆ tơ âu, plôh chơkhŏ ih bĕ, yua kơ anih ih oei dơ̆ng 'noh anih teh 'lơ̆ng rơgoh.

Le 30:18

Ih athei pơm kơthŭng păng jơ̆ng kơthŭng păng kong, wă kơ ôp 'nhao, na ih ming dan sư sơlam Bơsŭn Anih Akŭm hăm chơnang soi păng tuh đak lăm noh.

Tơdrông Pơđơk 10:19

Pơma lơ, tơ yơ mă huay kơ glăi. Bơngai bu kĕ wei hơpiĕt noh bơngai hơgei.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 21:27

Tơmam soi pơyơ̆r đơ̆ng lu bơngai pơm kơnê̆ Kră Yang areh dêh, pơma kiơ tơdah lu sư pơyơ̆r hăm jơhngơ̆m kơnê̆ tăm.

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Jang 10:33

Na inh athei bơngai jang kơ inh năm krao ih hloi. Na ih năm hloi tơ âu. Inh bơnê kơ ih tơpă. Nhôn akŭm tơ âu 'bơ̆t anăp 'Bok Kei-Dei mơ̆ng đĭ đơ̆ng nơ̆r Kră Yang 'Bok Kei-Dei athei ih bơtho.”

Jang 17:11

Lu bơngai Pơlei Bêrê ưh kơ sĭ thoi bơngai Pơlei Têsalônik ôh. Lu sư wă mơ̆ng kơchăng tơpă. Rim năr lu sư lăng sơ̆p hla bơar 'Bok Kei-Dei wă kơ băt tơdrong Pôl bơtho tơpă dah ưh.

I Kor 11:22

Dah iĕm wă sa et tơmam iĕm kơdih kuă kơ asong đe, lei iĕm kuă kơ kiơ kơ sa et tơ hnam iĕm kơdih? Kơlih kơ kiơ iĕm wă pơm kơnê̆ tơ lăm hnam 'Bok Kei-Dei păng wă pơjăm lu bơngai dơnuh? Inh 'nao pơma kiơ kơ iĕm dang ei hei, iĕm pơm thoi noh iĕm tơchĕng inh lăp đon kơ iĕm hă? Ưh ôh, inh ưh kơ lăp đon kơ iĕm ôh.

Hêbrơ 10:26

Bơ̆n băt boih tơdrong Yêsu Krist, mă bơ̆n wih lê̆ tơdrong lui pơm yoch dơ̆ng, bơ̆n ưh pă đei tơdrong soi kiơ mă gơh pơklaih bơ̆n đơ̆ng tơdrong yoch,

Ya 1:19

Ơ lu 'nhŏng oh mă inh 'mêm kơeng, bơ̆n băt kơ thoi noh boih, na đĭ-đăng kơ bơ̆n athei adrin mơ̆ng tơdrong đe bơtho, mơ̆ng mă tơpă, 'nĕ hăt kơ pơma hil kơ đe bơtho.

Jôsuê 5:15

Yŏng pơgơ̆r linh Kră Yang khan kơ Jôsuê: “Ih athei plôh chơkhŏ đơ̆ng jơ̆ng ih yua kơ anih ih oei dơ̆ng 'nâu anih rơgoh.” Jôsuê pơm kiơ̆ thoi noh.