Bôk Bơthô 3:7 - Sơ̆p Hlabơar Nơ̆r 'Bok Kei-Dei

⁷ Đei năr hek lê̆, đei năr sĭt ming; Đei năr ngăn, đei năr pơma.

Bôk Bơthô 3:7 ပူးပေါင်းရင်းမြစ်များ

Bl 37:29

Rubên hơlơ̆k dơ̆ng tơ sơlŭng đak lăng jua ưh pă 'bôh boih sư hek lê̆ ao sư kơdih.

Bl 37:34

Jakôp hek lê̆ hơbĕn ao sư kơdih, sư iŏk 'bi hơbĕn păng grong sơ'ngon đunh năr kơ kon drŏ-nglo sư lôch.

Bl 44:18

Juđa năm jê̆ tơ Jôsep păng lung apinh thoi âu: Yua kơ ih pơm tih hơtŏ kơ hơngiĕng Pharaôn, apinh ih mơnat, 'nĕ kơ hil blĕk kơ đĭch đam ih, asong inh pơma minh nơ̆r kơ ih mơ̆ng yŏng tơ'ngla.

Bl 44:34

Yua kơ tơdah 'lơ̆p âu ưh kơ brŏk, lei liơ nhôn pơ̆n brŏk tơ 'bă nhôn? Liơ inh pơ̆n lăng tơdrong kơnê̆ gô truh kơ 'bă inh.

II Sam 1:11

Đawit hek hloi ao sư, đĭ-đăng lu bơngai kiơ̆ sư kư̆m pơm thoi noh.

II Sam 3:31

Đawit khan kơ Jôap hăm đĭ-đăng kon pơlei kiơ̆ sư tơ noh: “Hek bĕ ao, asu 'bi tơ akâu, na nhơ̆m hmoi kơ Apner;” lu bơngai năm 'bŭ yak adrol kơ hơbang tung Apner, Đawit kiơ̆ đơ̆ng rŏng kơ đe tung Apner.

I Pot 21:27

Lăp Ahap kơtơ̆ng nơ̆r pơma noh, sư hek ao sư kơdih. Sư iŏk hrŭk ao 'bi păng ơ̆t kơ sŏng sa; sư 'bĭch kơpal 'bi păng chu iŏk đon ala.

II Pot 18:36

Mă-lei kon pơlei thĕng đĕch, ưh kơ đei bu tơl minh nơ̆r; yua kơ pơtao khan bơih: “Lu iĕm 'nĕ kơ tơl!”

II Pot 5:7

Lăp pơtao đe Isơrael đŏk kơthơ noh, na sư hek hloi ao sư kơdih păng khan: “Inh Kră Yang 'Bok Kei-Dei hă na gơh pơlôch păng gơh pơrih? Na bơngai âu gơih nơ̆r sư khan athei inh pơklaih bơngai jĭ chin. Bơ̆n răp lăng inh băt sư 'maih chă tơdrong pơm ayăt kơ inh 'nâu.

II Pot 6:30

Kơtơ̆ng duch ei roi thoi noh, pơtao hek ao sư kơdih. Kơplah ei, pơtao oei nơnăm rok kơpal dur pơlei, na kon pơlei 'bôh sư hrŭk ao 'bi tơ lăm.

Esther 7:4

Yua kơ inh păng adrĕch adrung inh đe đĭ tĕch boih wă pơlôch pơrăm păng wă tơhiong lê̆. Tơdah đe tĕch nhôn wă pơm đĭch đĕch mă drŏ-nglo mă drŏ-kăn, lei rŏ inh kư̆m ngăn mơ̆n, yua kơ tơdrong pơmat-tat lu nhôn ưh kơ dang pơm rŭng răng pơhiơ̆k pơtao.

Jop 2:13

Lu sư hơ-oei tơ teh hăm Jop lăm tơpơh năr tơpơh măng; ưh kơ đei bu pơma minh nơ̆r, lu sư 'bôh Jop jĭ jăn pơmat-tat dêh.

Horiso 39:2

Inh ĕnh pơăm, ưh pă đei pơma, Dĭng mah nơ̆r 'lơ̆ng pă đei lĕch đơ̆ng 'bơ̆r inh, Tơdrong pơmat-tat inh rai tŏk.

Bôk Bơthô 3:6

Đei năr chơchă, đei năr sư hiong, Đei khei năr răk mong, đei năr hŭt lê̆;

Êsai 36:21

Lu sư oei hreh đĕch, ưh kơ đei tơl tơwih minh nơ̆r, yua kơ pơtao Hesekia đei pơkă khan: Lu iĕm 'nĕ tơl tơwih.”

Je 36:24

Pơtao păng lu 'bok pơgơ̆r kơtơ̆ng dôm nơ̆r noh, mă-lei ưh kơ hli ưh kơ hek ao lu sư kơdih.

Je 8:14

“Liơ lu bơ̆n hơ-oei tơ âu? Bĕ bơ̆n akŭm băl! Bĕ bơ̆n kơdâu ôn mơ̆t oei tơ lăm lu pơlei tih kơjăp noh păng lôch tơ noh, yua kơ Kră Yang 'Bok Kei-Dei pơkă wă pơlôch pơrăm bơ̆n! Sư ăn boih kơ bơ̆n nhă đak bơnhŭl yua kơ bơ̆n pơm yoch boih hăm Sư.

Nhom 3:28

Trŏ, sư athei ngôi minh drô̆ păng ngăn, yua kơ Kră Yang đei dan boih 'long ăt tơ sư.

Jôel 2:13

Hek bĕ jơhngơ̆m lu iĕm, 'nĕ kơ hek hơbĕn ao lu iĕm.” Wih brŏk bĕ tơ Kră Yang 'Bok Kei-Dei lu iĕm, yua kơ Sư iơ̆m dim, păng băt mơnat hiơ̆ kơ hil, păng 'bĕnh kơ tơdrong 'mêm mơnat, păng Sư băt tơplih huay pă pơrăm.

Am 5:13

Yua kơ lăm chăl kơnê̆ dêh yua kơ thoi noh lu bơngai hơgei gô mơ̆ng đĕch; lăm chăl thoi âu.

Am 8:3

Lăm năr noh, dôm lu tơdrong hơri lăm hnam pơtao gô jing nơ̆r nhơ̆m hmoi Kră Yang khan. Gô đei lơ akâu bơngai lôch đe gô klơ̆m hŭt lê̆ tơ jơ̆p anih hreh tơthĕng.

Mi 7:5

'Nĕ kơ lui kơ bơngai jê̆ iĕm păng kư̆m 'nĕ gan lui gơnang kơ buăl juăt iĕm; athei kơchăng tơdrong ih wă pơma hăm bơngai drŏ-kăn 'bơ̆t kơtơh ih.

Jang 4:20

Nhi athei roi đĭ tơdrong nhi 'bôh Yêsu pơm păng đĭ tơdrong Sư pơma đĕch.”

Jang 9:39

Na Pêtrôs năm kiơ̆ hloi bre sư tơ Pơlei Japa. Lăp sư truh tơ hnam boih, đe năm ba sư tŏk lăng tơ hnam kơpal ei. Lu yă adro tơ'bôh kơ Pêtrôs ao yă Đêka đêl sĭt boih, wă kơ Pêtrôs băt kơ yă Đêka sư oei arih sư gơh tơgŭm đe. Lu yă adro hơdai nhơ̆m hmoi ơh mơ̆n.

I Sam 10:16

Sôl roi kơ ma sư: Sư đei roi kơ nhi khan aseh iĕ akăn măr iĕm 'bôh bơih. Mă-lei Sôl ưh kơ đei roi gah Samuel tơ'bôh kơ sư tơdrong jang wă pơm pơtao ôh.