Bôk Bơthô 3:22 - Sơ̆p Hlabơar Nơ̆r 'Bok Kei-Dei

²² Na inh 'bôh kon bơngai bơ̆n 'lơ̆ng hloh noh athei hiôk chơt lăm tơdrong jang kơdih; noh boih tơdrong apah kơ sư; yua kơ ưh kơ đei bu gơh ba bơ̆n wơ̆t hơlơ̆k 'bôh dơ̆ng dôm tơdrong truh đơ̆ng rŏng kơ bơ̆n lôch.

Bôk Bơthô 3:22 ပူးပေါင်းရင်းမြစ်များ

Jop 14:21

Dah lu kon tơdăm sư đe pơyom, sư kư̆m ưh kơ băt; Dah đe pơjăm lu sư, sư kư̆m ưh kơ 'bôh.

Bôk Bơthô 10:14

Bơngai kơtul kơwao juăt kơ pơma lơ, pơma chơgăm; mă-lei, kon bơngai ưh kơ đei bu băt ôh tơdrong kiơ gô truh păng ưh kơ đei bu băt lê̆ adrol tơdrong kiơ gô truh kơ sư đơ̆ng rŏng kơ lôch.

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Bôk Bơthô 2:18

Inh kư̆m areh dôm tơdrong đêl inh jang pơm pơjing tơ ala teh âu, yua kơ wă pơsư̆ ăn đĭ kơ bơngai đơ̆ng rŏng kơ inh.

Bôk Bơthô 2:24

Tơdrong 'lơ̆ng hloh mă kon bơngai gơh pơm noh sŏng sa, nhă đak păng chơt hiôk lăm tơdrong jang. Inh 'bôh boih tơdrong noh Kră Yang 'Bok Kei-Dei ăn.

Bôk Bơthô 6:12

Yua kơ dôm lu năr lăm chăl arih kon bơngai ưh kơ yua kiơ păr hiong thoi yơ̆p thoi ngôi, hăm đei bu băt tơdrong kiơ 'lơ̆ng đei lơi yua kơ bơ̆n? Hăm đei bơngai bu gơh khan lê̆ adrol tơdrong kiơ wă truh kơ bơngai 'nâu, đơ̆ng rŏng kơ sư lôch?

Bôk Bơthô 7:14

Lăm năr hiôk athei chơt, lăm năr pơmat-tat, lăng bĕ. Pŭn hiôk dah pơmat-tat. 'Bar tơdrong noh đơ̆ng Kră Yang 'Bok Kei-Dei ăn.

Bôk Bơthô 8:15

Inh pơư hloi tơdrong hiôk chơt noh 'lơ̆ng, yua kơ lăm ala teh 'nâu ưh kơ đei tơdrong kiơ 'lơ̆ng hloh kơ kon bơngai bơ̆n sŏng sa, nhă đak păng hiôk chơt; noh boih tơdrong mă apah 'mong ăn kơtơ̆ng tơdrong bơ̆n bơ̆jang arih gleh hrat, đơ̆ng Kră Yang 'Bok Kei-Dei đei ăn kơ bơ̆n tơ ala teh âu.

Bôk Bơthô 8:7

Yua kơ kon bơngai ưh kơ đei bu băt adrol tơdrong kiơ wă truh; lei na ưh kơ đei bu gơh khan lê̆ adrol kơ năr dơning sư thoi yơ?

Bôk Bơthô 9:12

Ưh kơ đei bu băt ôh layơ sư lôch thoi ka đom lăm hơnhuăl, thoi sem 'leh hơđong, kư̆m thoi noh mơ̆n, kon bơngai bơ̆n đom lăm năr tơdrong truh, 'bôh 'băi truh hloi ưh kơ tam băt.

Bôk Bơthô 9:6

Mă đĭ kơ tơdrong 'mêm, tơdrong areh, tơdrong pơjah tơgar, đĭ-đăng kư̆m gô hiong hiach đĭ; lu sư kư̆m pă đei kiơ lăm dôm tơdrong jang lăm ala teh âu.

Da 12:13

Bê̆ ih năm bĕ, dĭng truh chăl tôch. Ih gô pơdơh; păng truh tơ năr tôch ei, ih gô iung arih na iŏk tơmam apah.

Mathiơ 6:34

Thoi noh na đơ̆ng âu tơ anăp, iĕm 'nĕ pă tơchĕng minh tơdrong kiơ kiơ. Năr dơning măk ai kơ năr dơning, năr âu măk ai kơ năr âu, yua kơ tơdrong kơ'bah bơ̆n rim năr đĕch.

Both 12:18

Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 12:7

Tơ noh 'bơ̆t anăp Kră Yang 'Bok Kei-Dei lu iĕm, chơt hiôk sŏng sa hăm hnam dơnŏ, yua kơ dôm tơdrong jang đơ̆ng tơpang ti iĕm kơdih, na đei Kră Yang 'Bok Kei-Dei lu iĕm ăn pŭn hiôk kơ iĕm.

Both 28:47

Kơplah đei mŭk tơmam rơkah rơkai, iĕm ưh tam lăp đon jơhngơ̆m hiôk bơ̆jang kơ Kră Yang 'Bok Kei-Dei.