Bôk Bơthô 3:2 - Sơ̆p Hlabơar Nơ̆r 'Bok Kei-Dei

² Đei năr tơpŭ, đei khei năr lôch; Đei năr pơtăm, đei khei năr kĕch yuă;

Bôk Bơthô 3:2 ပူးပေါင်းရင်းမြစ်များ

Bl 17:21

Mă-lei Inh gô pơgơ̆p pơkă hăm Isăk truh sơnăm anăp dang âu, Sara gô tơpŭ kơ ih Isăk.”

Bl 47:29

Kơplah lăm năr sư wă jê̆ lôch, Isơrael krao Jôsep, kon drŏ-nglo sư păng khan thoi âu: Tơdah 'bă đei tơdrong pŭn hiôk 'bơ̆t anăp kon, dan bĕ ti 'bơ̆t blu 'bă lui gơnang đĭ gơh găt păng pơm tơpăt hăm 'bă, apinh kon 'nĕ kơ 'bŭ 'bă tơ teh đak Êyiptơ âu hŏ.

I Pot 13:2

Bơngai 'noh ôr khan kơ chơnang soi kiơ̆ thoi nơ̆r Kră Yang khan: “Ơ chơnang soi, chơnang soi! 'Nâu nơ̆r Kră Yang khan: 'Nâu đe gô tơpŭ kơ minh 'nu kon drŏ-nglo ăn kơ adrĕch hnam Đawit anăn sư Jôsia. Sư gô pơyơ̆r tơmam soi kơpal ih, lu 'bok soi đơ̆ng anih kơjung, lu 'bok soi noh bơngai mă soh tơmam 'bâu phu kơpal ih tơ rim anih kơjung păng đe gô soh kơting bơngai kơpal ih.”

II Pot 4:16

Êlisê khan kơ duch ei: “Sơnăm anăp, kơplah bơyan 'nâu mơ̆n ih gô pôk minh 'nu hơ'lơ̆p drŏ-nglo.” Duch ei tơl: “Ưh, ơ yŏng tơ'ngla inh, bơngai mă Kră Yang 'Bok Kei-Dei yua, ih 'nĕ kơ pơma hơlĕnh pơ'brơh kơ inh đam drŏ-kăn ih.”

Jop 14:14

Bơngai lôch, hăm gơh iung arih dơ̆ng? Đĭ-đăng năr jang gleh glăn inh, inh răp gô tơ̆p mă inh gơh lĕch.

Jop 14:5

Khei 'năr kon bơngai arih Kră Yang đĭ hơgăt lê̆ bơih. Kră Yang băt đĭ kơsô̆ khei 'năr sư arih Kră Yang hơgăt lê̆ bơih năr tôch sư, lei sư ưh kơ gơh arih hloh kơ năr noh.

Jop 7:1

“Chăl arih kon bơngai kơpal teh thoi bơngai linh jang gleh lap, hăm trŏ năr sư arih thoi bơngai jang apah kơ năr?

Horiso 113:9

Sư ăn kơ drŏ-kăn hơwŏng lăm hnam sư, jing mĕ chơt hiôk hăm lu kon sư. Halêluya!

Horiso 52:5

Kră Yang 'Bok Kei-Dei gô pơrăm ih hlŏng hloi, Sư gô rôp ih, dui tơlĕch đơ̆ng anih ih. Păng buch lê̆b ih đơ̆ng teh lu bơngai arih. Sêla

Tơdrông Pơđơk 24:27

Pơm đang tơdrong jang ih tơ 'nguaih pơgar bĕ, choh bĕ mir na ih; Đơ̆ng rŏng kơ noh pơm bĕ hnam ih.

Êsai 28:24

Bơngai choh chŭn, wă rei adrĕch 'ba hăm trŏ hrăn choh hơnơ̆ng hloi? Hăm trŏ choh pơjuă hĕch bơih na hrăn nŏng kơ 'bơ?

Êsai 38:1

Kơplah noh pơtao Hesekia jĭ dêh wă jê̆ lôch; Êsai 'bok khan lê̆ adrol kon drŏ-nglo Amôt năm mơ̆t roi kơ pơtao păng khan: “Kră Yang khan thoi âu: Hơmet bĕ dôm tơdrong jang ih lăm hnam ih, yua kơ ih wă lôch, ưh pă arih bơih.”

Êsai 38:5

“Ih năm khan dơ̆ng kơ Hesekia: Kră Yang 'Bok Kei-Dei Đawit 'bok ih khan thoi âu: Inh kơtơ̆ng bơih nơ̆r ih krao khan, Inh 'bôh bơih đak măt ih lĕch, Inh gô asong ăn kơ ih arih thim pă mơjĭt-pơđăm sơnăm dơ̆ng.

Êsai 54:1

Ơ bơngai drŏ-kăn hơwŏng, bơngai ưh kơ đei hơiơch hơri bĕ. Ơ bơngai tam mă jĭ rơneh, hơri jreo hiôk chơt bĕ, yua kơ kon hơ'lơ̆p bơngai drŏ-kăn tŭk gô đei lơ hloh kơ kon hơ'lơ̆p bơngai drŏ-kăn mă đei klo, Kră Yang khan thoi 'noh.

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

Je 45:4

Ih athei khan kơ Baruk: ‘Kră Yang khan: Tơmam kiơ Inh pơjing boih Inh gô pơrăm lê̆ sư, kiơ mă Inh đei pơtăm boih Inh gô buch lê̆ sư. Inh gô pơm thoi noh tơ jơ̆p-jang lăm dêh Juđa âu.

Mathiơ 15:13

Na Yêsu pơma pơjuang kơ lu bơngai ei thoi âu: “'Long kiơ 'Bă Inh tơ plĕnh ti ưh kơ đei pơtăm, 'long noh Sư buch tŭk pơđĭ.

Luka 1:13

Mă-lei linh jang 'lơ̆ng ei khan kơ sư: “Ih 'nĕ kơ hli. 'Bok Kei-Dei kơtơ̆ng nơ̆r ih krao khan apinh sư wă kơ đei kon. Na akăn ih ning-mônh gô tơpŭ kơ minh 'nu kon drŏ-nglo. Na ih anăn sư Yôhan.

Luka 1:20

mă-lei ih khan ưh kơ lui kơ inh. Ning-mônh ih gô 'bôh tơpă. Yua kơ ih ưh kơ lui na ih jing ưh kơ gơh pơma đơ̆ng dang ei truh kơ năr ih 'bôh tơdrong inh roi ăn kơ ih hei.”

Luka 1:36

Ih lăng kơtum ih, Êlisabet. Sư kră tơpă boih, na sơ̆ đe khan kơ sư bơngai hơwŏng, mă-lei dang ei sư akâu kơhioh, đei tơdrâu khei boih.

Yo 16:21

Thoi bơngai drŏ-kăn, truh năr sư wă jê̆ tơpŭ, sư sơ'ngon kơlih kơ sư jĭ. Hlôi sư tơpŭ boih sư hiơt kơ tơdrong jĭ sư kơlih kơ sư chhơp yua kơ đei hơ'lơ̆p boih.

Yo 7:30

Thoi noh na lu đe ei wă rôp Sư ră, mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.

Jang 7:17

“Hơdrol sơ̆ 'Bok Kei-Dei pơkă wă ăn kơ Abraham păng lu kon sâu sư oei tơ dêh bơ̆n âu. Na năr 'Bok Kei-Dei pơkă ei wă jê̆ truh boih, na lu bơngai Isơrael sơ̆ mă oei tơ dêh char Êyiptơ rai lơ tơpă,

Jang 7:20

Hơtai ei đei mĕ Môis tơpŭ kơ sư. 'Bok Kei-Dei lăp đon kơ nge Môis mơ̆n. Mĕ 'bă sư rong nge Môis tơ hnam lăp pêng khei.

Galati 4:4

Mă-lei truh boih năr 'Bok Kei-Dei pơkă, Sư wơh Kon Sư jur tơ ala teh âu. Kon bơngai bơ̆n tơpŭ kơ Sư, thoi noh na Sư kiơ̆ tôm tơdrong juăt kon bơngai.

Both 34:5

Môis, đĭch đam Kră Yang, lôch tơ lăm dêh char Môap, trŏ thoi Kră Yang khan.

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.

I Sam 2:5

Lu bơngai phĭ jơnap athei jang kơ đe wă kơ đei tơmam sa. Mă-lei lu bơngai pơngot pă đei pơngot dơ̆ng. Drŏ-kăn hơwŏng tơpŭ đei tơpơh 'nu kon, Mă-lei drŏ-kăn đei kon lơ bơih oei sơ'ngon.