Bôk Bơthô 3:19 - Sơ̆p Hlabơar Nơ̆r 'Bok Kei-Dei

¹⁹ Yua kơ tơdrong kon bơngai đei thoi yơ, kon sem brem đei thoi noh mơ̆n; kon bơngai lôch, kon sem brem kư̆m lôch; 'bar khŭl noh tă kơ dui jơhngơ̆m ngăl, kon bơngai ưh kơ đei kiơ hloh kơ kon sem brem; đĭ-đăng tă kơ tơdrong kơđei ngăl.

Bôk Bơthô 3:19 ပူးပေါင်းရင်းမြစ်များ

II Sam 14:14

Đĭ-đăng lu bơ̆n bu bu kư̆m lôch, thoi tuh đak tơ teh, ưh kơ gơh chup iŏk dơ̆ng. Mă-lei Kră Yang 'Bok Kei-Dei ưh kơ đei iŏk lê̆ tơdrong arih bơngai mă hơmet wă ăn bơngai đơ̆ng jăk wih brŏk.

Horiso 104:29

Layơ Ih ôn muh măt, lu sư rŭng răng. Layơ Ih pơdrâu kial dui jơhngơ̆m. Lu sư lôch păng brŏk tơ 'mui teh.

Horiso 49:12

Kon bơngai mă khan mơdrŏng tih kư̆m pă oei ling-langi Lu sư thoi sem brem gô hiong răm.

Horiso 49:13

Âu boih trong mă lu sư kiơ̆, noh jơ̆ tơdrong kơtul kơ hlôh lu sư. Đei bơngai kư̆m lăp kơ tơdrong lu sư pơma. Sêla

Horiso 49:20

Bơngai mơdrŏng mơng, Mă-lei ưh kơ hlôh wao Kŭm thoi sem brem gô hiong răm.

Bôk Bơthô 1:14

Inh 'bôh boih dôm tơdrong đei jang tơ ala teh âu; đĭ-đăng tơdrong kơ đei ngăl, mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 1:17

Inh kư̆m nŏng kơ hŏk wă kơ băt tơdrong hơgei păng wă kơ băt tơdrong kơtul bơlŭk; inh băt kơnăl tơdrong noh kư̆m mơ̆ng kơ kial bơbơ̆t tơ yơ, sư kiơ̆ tơ noh.

Bôk Bơthô 2:14

Bơngai hơgei sư đei măt hơdah trong sư yak, na bơngai kơtul bơlŭk sư yak chơjơ̆ lăm măng mu. Mă khan lei, inh kư̆m băt 'bar trong noh kư̆m gô tơdrong răm lei-lăi.

Bôk Bơthô 2:16

Tơpă đe kư̆m ưh kơ 'blŏk kơ bơngai hơgei dah bơngai kơtul ling-lang khŏm khŏm ôh, yua kơ bơ̆n băt lăm năr hơtuch kơnh bơngai hơgei dah bơngai kơtul đe kư̆m hiơt đĭ. Ơ! Bơngai hơgei dah bơngai kơtul kư̆m lôch lei-lăi.

Bôk Bơthô 7:2

Năm tơ hnam đe lôch, 'lơ̆ng hloh kơ năm tơ hnam đe et sa tih; yua kơ lei bơngai arih athei 'blŏk dah đei jơ wă tơchĕng kơ tơdrong noh.

Bôk Bơthô 9:12

Ưh kơ đei bu băt ôh layơ sư lôch thoi ka đom lăm hơnhuăl, thoi sem 'leh hơđong, kư̆m thoi noh mơ̆n, kon bơngai bơ̆n đom lăm năr tơdrong truh, 'bôh 'băi truh hloi ưh kơ tam băt.

Bôk Bơthô 9:2

Tôm tơdrong đei hơgăt kơ kon bơngai lei-lăi băl ngăl: Bơngai pơm 'lơ̆ng dah bơngai pơm kơnê̆, bơngai 'lơ̆ng rơgoh dah bơngai 'mê̆-'mach, bơngai pơyơ̆r tơmam soi dah bơngai ưh kơ pơyơ̆r, bơngai 'lơ̆ng dah bơngai pơm yoch, bơngai đei nơ̆r pơkăm pơkă dah bơngai hli kơ nơ̆r pơkă, đĭ-đăng đei iŏk hơdai minh tơdrong đơ̆ng 'Bok Kei-Dei 'măn lê̆ boih.

Jo 16:29

tơdah lu đe noh lôch kư̆m thoi lu bơngai nai lôch, tơdah lu sư kư̆m chu pŭ thoi lu bơngai nai pŭ, lei Kră Yang ưh kơ đei wơh athei inh.