Bôk Bơthô 3:16 - Sơ̆p Hlabơar Nơ̆r 'Bok Kei-Dei

¹⁶ Inh oei 'bôh dơ̆ng lăm teh đak âu. Lăm tơdrong tơpăt kư̆m đei tơdrong kơnê̆ lăm tơdrong khan tơpăt mă-lei oei đei tơdrong ưh kơ tơpăt.

Bôk Bơthô 3:16 ပူးပေါင်းရင်းမြစ်များ

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!

Bôk Bơthô 5:7

Tơ yơ đei tơdrong apo lơ păng pơma lơ hnang, 'noh kư̆m tơdrong kơ đei; mă-lei ih athei hli yom kơ Kră Yang 'Bok Kei-Dei.

Bôk Bơthô 5:8

Dah ih 'bôh lăm tơring ih đei bơngai mă đe pơjuă pơđep sư dah 'bôh pơm ưh kơ trŏ, ưh kơ tơpăt hơnơ̆ng, lei ih 'nĕ kơ chrêu kơ đon; yua kơ đei bơngai pơm tih kư̆m đei bơngai tih hloh kơ sư oei răp lăng, đơ̆ng noh oei đei 'bok mă tih hloh đĭ kơ bre noh dơ̆ng.

Bôk Bơthô 8:9

Inh chă lăng hơlen tôm tơdrong đei pơm ala teh âu, inh 'bôh lu bơngai pơgơ̆r ngăl pơjuă pơđep đe.

Êsai 59:14

Tơdrong tơpăt rai kơdŭn, tơdrong 'lơ̆ng dơ̆ng tơ ataih. Tơdrong trŏ pơ̆k bơih 'bơ̆t trong tih pơlei păng tơdrong pơm tơpăt ưh kơ gơh mơ̆t.

Mi 2:2

Lu sư 'ngeng kơ mir chŭn na tơgar iŏk. 'Ngeng kơ hnam đe păng tơgar iŏk hloi mŭk tơmam sư.

Mi 7:3

Ti lu sư hrăn nŏng kơ pơm kơnê̆. Yŏng pơgơ̆r chă apinh mŭk tơmam, 'bok sek tơlang kư̆m hrăn chă sa pơgâm, gah bơngai pran kơtang 'maih pơm kơnê̆ kiơ̆ kơ jơhngơ̆m kơdih; thoi noh na lu sư pơđâu hơdai.

Jêphania 3:3

Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Mathiơ 26:59

Lu 'bok soi tih păng đĭ-đăng lu kră sek tơlang, lu sư chă bơngai mă gơh hơlĕnh, khan sư 'bôh Yêsu pơm yoch, wă kơ lu sư gơh pơlôch Yêsu.

Jang 23:3

Pôl pơma kơ 'bok soi tơm ei khan: “Ih athei đe tap inh, na 'Bok Kei-Dei gô tap ih mơ̆n, ih bơngai 'bơ̆r đak klak ŭnh. Ih sek tơlang tơdrong inh kiơ̆ kơ tơdrong juăt bơ̆n ră, mă-lei ih athei đe tap inh; ih pơm thoi noh ưh kơ trŏ kơ tơdrong juăt bơ̆n ôh. 'Noh ih dơ̆ng pơm yoch kơ tơdrong juăt bơ̆n.”

Ya 2:6

Mă-lei iĕm pơjăm pơjuă lu bơngai dơnuh hin, ưh kơ băt mơnat kơ lu sư. Bu pơjăm pơjuă wă kơtĭt sa iĕm păng dui anhăk iĕm tơ lu kră sek tơlang? Lu bơngai mơdrŏng boih pơm kơ iĕm kơnê̆ thoi noh.