Bôk Bơthô 2:8 - Sơ̆p Hlabơar Nơ̆r 'Bok Kei-Dei

⁸ Inh kư̆m mong 'măn hu maih păng dôm tơmam gĭt lu pơtao tơ lăm, lu pơlei tih. Inh kư̆m chă pơlung ăn kơ inh kơdih iŏk bơngai drŏ-nglo drŏ-kăn hơri, hăm tơdrong hiôk bơngai drŏ-nglo, wă iŏk akăn, akăn kơnhŏng lơ.

Bôk Bơthô 2:8 ပူးပေါင်းရင်းမြစ်များ

II Sam 19:35

Dang ei inh đei tơhngam-jĭt sơnăm boih, inh ưh pă băt kơ tơdrong 'lơ̆ng păng tơdrong kơnê̆ dơ̆ng boih Đĭch đam ih kư̆m ưh pă băt kơ tơmam sa, đak nhă nham dah ưh. Kŭm ưh pă gơh mơ̆ng nơ̆r hơri lu khŭl drŏ-nglo, drŏ-kăn hiôk dah ưh Đĭch đam ih pơnĕ pơm pơmat kơ pơtao yŏng tơ'ngla inh đĕch

I Pot 10:10

Yă pơtao ăn kơ pơtao Sôlômôn minh-hrĕng 'bar-jĭt talâng (kĭ) maih, ăn lơ 'long pơgang 'bâu phu păng lu tơmo gĭt. Ưh tam đei bu chĕp 'long pơgang 'bâu phu lơ dang yă pơtao dêh Sêba chĕp ba ăn kơ pơtao Sôlômôn.

I Pot 10:14

Lăm rim sơnăm Sôlômôn sư ra maih đei 'bar-jĭt 'bar-rơbâu pơđăm-hrĕng kĭ.

I Pot 10:21

Đĭ-đăng kơchŏk pơnhan wă nhă tă kơ pơm hăm maih ngăl păng đĭ-đăng dôm tơmam yua lăm hnam pơtao tơ Bri char Liban tă kơ pơm păng maih rơgoh, ưh kơ đei tơmam kiơ pơm păng hu. Lăm chăl pơtao Sôlômôn, hu ưh kơ gĭt ôh.

I Pot 11:3

Sư đei tơpơh-hrĕng akăn oei kơ kon adruh pơtao păng đei pêng-hrĕng akăn kơnhŏng, lu sư pơhlŭ pơlung jơhngơ̆m đon Sôlômôn weh đơ̆ng Kră Yang.

I Pot 14:27

Pơtao Rôbôam wơh bơngai pơm khêl păng kong tơplih kơ khêl 'noh, sư pơjao ăn kơ lu yŏng linh gak 'măng jang hnam pơtao.

I Pot 9:14

Hiram gơih ăn kơ Sôlômôn minh-hrĕng 'bar-jĭt talâng jên maih.

I Pot 9:28

Lu sư năm tơ dêh char Ôphir, lu sư chă chĕp ba puăn-hrĕng 'bar-jĭt talâng maihb đơ̆ng dêh char 'noh năm ăn kơ pơtao Sôlômôn.

I Ho 25:1

Đawit păng lu yŏng pơgơ̆r linh 'măn lê̆ pha mơ'nah lu kon sâu Asap, Hêman păng Jêđuthun wă bơ̆jang, reh brŏ dung, tĭng-nĭng hăm preh chhar wă pơma khan lê̆ adrol. 'Nâu anăn lu bơngai bơ̆jang.

I Ho 25:6

Đĭ-đăng lu bơngai noh tă kơ bơngai Jang ala kơ 'bă lu sư kơdih wei-lăng gah tơdrong hơri wă hơri lăm hnam Kră Yang, hăm chhar brŏ dung păng tĭng-nĭng bơ̆jang tơ lăm hnam Kră Yang 'Bok Kei-Dei. Asap, Jêđuthun păng Hêman kiơ̆ kơ pơtao athei.

II Ho 9:11

Pơtao yua 'long kơte noh pơm kung lăm hnam akŭm Kră Yang păng lăm hnam pơtao, hăm pơm brŏ dung, tĭng-nĭng reh ăn kơ khŭl hơri; đơ̆ng sơ̆ đe ưh tam 'bôh ôh tơ lăm dêh char Juđa đei thoi noh.

Esơra 2:65

ưh kơ jô̆ lu đĭch đam mă drŏ-nglo mă drŏ-kăn; kơsô̆ lu sư noh tơpơh-rơbâu pêng-hrĕng pêng-jĭt tơpơh kư̆m đei 'bar-hrĕng 'nu bơngai drŏ-nglo drŏ-kăn hơri kiơ̆ lu sư mơ̆n.

Bôk Bơthô 1:2

'Bok mă bơtho noh khan: “Đĭ-đăng dôm tơdrong ưh kơ yua kiơ̆ hloi, tơdrong kơđei ngăl. Ưh kơ đei bu kĕ hlôh tôm tơdrong lăm chăl arih bơ̆n.”

Da 3:15

Na dang ei, dah iĕm kơtơ̆ng jơwa keng, brŏ, 'lal păng đĭ lu tơmam reh, na iĕm athei drap bon tơ teh wă kơkuh kơ rup yang mă inh đei man, lei huay mă-lei dah iĕm ưh kơ drap bon kơkuh, jơ noh hloi boih đe gô klơ̆m lu iĕm tơ lăm ŭnh kơdơ̆r to. Na yang kiơ gơh pơklaih iĕm đơ̆ng ti inh?

Da 3:5

Tơdah iĕm kơtơ̆ng keng, brŏ, tơgiĕp, 'lal, lillul đe hlôm re, lei lu iĕm athei drap bon kơkuh kơ rup man mă pơtao pơdơ̆ng âu:

Da 3:7

Thoi noh, na mưh lu kon tơring kơtơ̆ng keng, brŏ, tơgiĕp, 'lal re, đĭ-đăng teh đak, rim kơ nơ̆r pơma, drap đĭ wă kơkuh kơ rup man mă pơtao Nebukatnessar đei pơm noh.

Am 6:5

Tơpă, lu iĕm hơri nơ̆r kư̆ kă chă pơlăp kiơ̆ kơ brŏ chă pơm brŏ kơdih khan rok thoi pơtao Đawit.