Bôk Bơthô 2:6 - Sơ̆p Hlabơar Nơ̆r 'Bok Kei-Dei

⁶ inh sir sơlŭng să pơm dơnâu mong đak wă ruh mir 'long wơ̆ iung.

Bôk Bơthô 2:6 ပူးပေါင်းရင်းမြစ်များ

Ne 2:14

Đơ̆ng noh năm truh tơ 'măng jang Tu đak sơlŭng păng truh tơ đak dơnâu anih pơtao, na aseh inh hao ưh kơ gơh wă yak năm hlôi kơ noh.

Ne 2:8

kư̆m chih tơjur ăn kơ Asap, bơngai mă wei bri kơdrơ̆ng pơtao, roi ăn kơ sư asong inh 'long wă pơm jrăng 'măng jang ming pơdơ̆ng, dur pơlei gah hnam Kră Yang păng hnam inh oei.” Na pơtao ăn kơ inh dôm tơdrong noh, kiơ̆ thoi tơpang ti 'lơ̆ng rơgoh đơ̆ng 'Bok Kei-Dei tơgŭm inh.

Ne 3:15

Sallum kon drŏ-nglo Kôlhôse pơgơ̆r tơring Mispa, hơmet 'măng jang đak Hơlŭng sư man bơbŭng đei tơnang 'măng păng chơkăl kư̆m man dur dơnâu Sêlô jê̆ pơgar pơkao pơtao păng truh tơ jơ̆ng kung jur đơ̆ng pơlei Đawit.

Ne 3:16

Tơtil bơngai noh Nêhêmi, kon drŏ-nglo Asbuk pơgơ̆r minh puăt tơring Bêt Sur, man hơmet dur truh tơ bơsat Đawit, truh tơ đak dơnâu đe pơm păng truh tơ hnam lu bơngai nuih kơtang.

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Hơri Hiôk 7:4

Hơko ih nhen thoi hnam thôt pơm păng bơla. Măt ih hlăng thoi đak dơnâu tơ pơlei Hesbôn, Jê̆ 'măng jang Bat Rabim. Muh ih nhen thoi hnam thôt char Liban. Lăng tơklă pơlei Đamas.

Je 17:8

Bơngai noh nhen thoi tơm 'long pơtăm cheng đak, Chăt rơh cheng đak krong, mă khan tŏ phang ưh kơ hli, hla ưh kơ đei jô kro oei arih 'lơ̆ng. Mă tơ'bơ̆p hĭ bơyan tŏ phang kư̆m huay kơ tơtăm, oei plei hơnơ̆ng ưh kơ pơdơh.”