Bôk Bơthô 2:3 - Sơ̆p Hlabơar Nơ̆r 'Bok Kei-Dei

³ Inh pơlong et tơdrô wă kơ akâu inh kơdih chơt hiôk, mă-lei tơdrong hơgei oei chông anhăk inh, inh wă lăng lăng tơdrong kiơ 'lơ̆ng 'biơ̆ ăn kơ kon bơngai kơplah 'bơ̆t bơ̆n oei arih 'biơ̆ năr lăm teh đak âu.

Bôk Bơthô 2:3 ပူးပေါင်းရင်းမြစ်များ

Bl 47:9

Jakôp tơl thoi âu: Lăm lu sơnăm inh arih oei tơ to tơ âu đei đĭ-đăng minh-hrĕng pêng-jĭt sơnăm, lăng lăm sơnăm inh oei arih kơđeh tơpă păng pơmat-tat, ưh kơ đei hơtŏ dang 'bok 'bă inh arih mă năm tơ jơ̆p-jang.

Jop 14:14

Bơngai lôch, hăm gơh iung arih dơ̆ng? Đĭ-đăng năr jang gleh glăn inh, inh răp gô tơ̆p mă inh gơh lĕch.

Horiso 104:15

Sik hơmu tơmam pơhiôk jơhngơ̆m kon bơngai. Đak rơmă ôliwơ pơm ăn kơ muh măt hơdah hơdong, Por sŏng wă ăn kơ jơhngơ̆m kon bơngai pran.

Tơdrông Pơđơk 20:1

Sik hơmu pơm kơ đe suai jing bơngai blei hiap. Sik hơmu et suai pơm kơ bơngai ôr tơkĕch. Bu et hloh kơ ai suai jing pă đei đon tơchĕng hơgei.

Bôk Bơthô 1:17

Inh kư̆m nŏng kơ hŏk wă kơ băt tơdrong hơgei păng wă kơ băt tơdrong kơtul bơlŭk; inh băt kơnăl tơdrong noh kư̆m mơ̆ng kơ kial bơbơ̆t tơ yơ, sư kiơ̆ tơ noh.

Bôk Bơthô 10:19

Đe pơih et sa wă kơ chơt hiôk; et tơdrô pơthim ăn kơ chăl arih chơt; đei jên kăk gơh răt tôm tơdrong.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Bôk Bơthô 2:24

Tơdrong 'lơ̆ng hloh mă kon bơngai gơh pơm noh sŏng sa, nhă đak păng chơt hiôk lăm tơdrong jang. Inh 'bôh boih tơdrong noh Kră Yang 'Bok Kei-Dei ăn.

Bôk Bơthô 5:18

Inh 'bôh tơdrong mă 'lơ̆ng kơ kon bơngai noh sŏng sa păng hiôk chơt lăm tơdrong jang gleh hrat tơ ala teh mă bơ̆n đei pơm noh, đĭ khei sơnăm lăm chăl arih âu mă Kră Yang 'Bok Kei-Dei đei ăn boih, noh tơdrong mă đei 'măn lê̆ kơ bơ̆n.

Bôk Bơthô 6:12

Yua kơ dôm lu năr lăm chăl arih kon bơngai ưh kơ yua kiơ păr hiong thoi yơ̆p thoi ngôi, hăm đei bu băt tơdrong kiơ 'lơ̆ng đei lơi yua kơ bơ̆n? Hăm đei bơngai bu gơh khan lê̆ adrol tơdrong kiơ wă truh kơ bơngai 'nâu, đơ̆ng rŏng kơ sư lôch?

Bôk Bơthô 7:18

'Lơ̆ng hloh kơ ih athei 'nĕ kơ pơư kơdih akâu 'lơ̆ng tơpăt, gơh hơgei păng athei areh kơ tơdrong kơnê̆. Yua kơ bơngai bu hli yom kơ Kră Yang 'Bok Kei-Dei sư gơh weh đơ̆ng 'bar tơdrong noh.

Bôk Bơthô 7:25

Inh adrin chơchă đĭ jơhngơ̆m wă kơ băt, hơlen wă kơ 'bôh tơdrong hơgei, wă kơ gơh tơlang tôm tơdrong, inh đei 'bôh tơdrong kơnê̆ noh lĕch đơ̆ng tơdrong kơtul kơwao na jing wơnh.

Bôk Bơthô 8:15

Inh pơư hloi tơdrong hiôk chơt noh 'lơ̆ng, yua kơ lăm ala teh 'nâu ưh kơ đei tơdrong kiơ 'lơ̆ng hloh kơ kon bơngai bơ̆n sŏng sa, nhă đak păng hiôk chơt; noh boih tơdrong mă apah 'mong ăn kơtơ̆ng tơdrong bơ̆n bơ̆jang arih gleh hrat, đơ̆ng Kră Yang 'Bok Kei-Dei đei ăn kơ bơ̆n tơ ala teh âu.

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

Lu 9:13

Mă-lei tơm 'long hơmu tơl: Inh gô hŭt lê̆ đak sik băt 'ngam inh, noh sik mă ăn kơ lu Yang păng kon bơngai chơt hiôk na năm hơtŭt 'bơm wă pơgơ̆r lu 'long hă?

I Sam 25:36

Wă Abigail brŏk truh tơ Nabal, na 'bôh Nabal oei et sa tih lăm hnam sư, et sa tih nhen thoi pơtao mơ̆n. Nabal đei jơhngơ̆m hiôk chơt păng suai dêh. Abigail ưh kơ đei roi ăn kơ sư băt dôm tơdrong kiơ tih dah iĕ, gô truh kơ pơgê.