Bôk Bơthô 2:23 - Sơ̆p Hlabơar Nơ̆r 'Bok Kei-Dei

²³ Rim năr tơ'bơ̆p tơdrong chhŭr nuih, tơdrong jang ơh klai; mă kơmăng kơ̆l đon sư kư̆m pă đei pơdơh hiôk. Tơdrong noh kư̆m tơdrong kơ đei.

Bôk Bơthô 2:23 ပူးပေါင်းရင်းမြစ်များ

Bl 3:17

Kră Yang khan kơ Ađam thoi âu: “Yua kơ ih chu nơ̆r akăn ih na sa plei 'long mă Inh khă ưh kơ ăn sa, ‘thoi noh teh gô pŭ hơngiap yua kơ ih,’ lăm chăl arih ih athei chu gleh lap na đei tơmam sa kơ ih lĕch đơ̆ng teh.

Bl 47:9

Jakôp tơl thoi âu: Lăm lu sơnăm inh arih oei tơ to tơ âu đei đĭ-đăng minh-hrĕng pêng-jĭt sơnăm, lăng lăm sơnăm inh oei arih kơđeh tơpă păng pơmat-tat, ưh kơ đei hơtŏ dang 'bok 'bă inh arih mă năm tơ jơ̆p-jang.

Esther 6:1

Lăm măng noh pơtao ưh kơsŭk tep, na athei đe iŏk sơ̆p hla bơar đe chih răk hơ'mon tơdrong lu pơtao pơgơ̆r na đŏk 'bơ̆t anăp sư.

Jop 14:1

Kon bơngai đơ̆ng bơngai drŏ-kăn rơneh, arih 'nao tŏ sĕt năr đĕch ră, mă-lei 'bĕnh kơ tơdrong pơmat-tat.

Jop 5:7

Mă-lei đơ̆ng năr đe tơpŭ kơ kon bơngai sư đei tơdrong pơmat-tat. Tơpă gô thoi ŭnh đeh đông tơ kơpal.”b

Horiso 127:2

Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep.

Horiso 32:4

Kơmăng kơ'năr ti Kră Yang kơtĭt inh trăp dêh.a Tơdrong pran kơtang inh hrĕng krob thoi tŏ bơyan phang,

Horiso 90:15

Apinh Ih ăn kơ lu nhôn đei jơhngơ̆m chơt hiôk hơtŏ hơnơ̆ng kiơ̆ kơ năr mă Ih đei ăn kơ nhôn pơmat, Păng hơtŏ hơnơ̆ng kiơ̆ kơ sơnăm mă lu nhôn đei tơdrong hơnat hơnot

Bôk Bơthô 1:13

Inh nŏng kơ yua tơdrong gơh hơgei wă tơchĕng pơwao dôm tơdrong jang tơ ala teh âu; noh jơ̆ minh tơdrong gleh hrat mă 'Bok Kei-Dei pơjao boih kơ kon bơngai wă kơ jang.

Bôk Bơthô 1:18

Yua kơ tơdah đei tơdrong gơh hơgei lơ, tơdrong ơh sơ'ngon kư̆m lơ, bu hlôh băt roi lơ, bơngai noh gô chhŭr nuih rai lơ.

Bôk Bơthô 2:11

Inh tơchĕng hơlen lăng dôm tơdrong đêl ti inh pơm. Tuh bơuh bơang pă băt dang yơ gleh hrat, inh lăng dôm tơdrong noh jơ̆ tơdrong kơ đei ưh kơ hlôh yua kơ kiơ thoi pơmơ̆ng kơ kial bơbơ̆t sư tơ yơ kiơ̆ tơ noh, kon bơngai ưh kơ đei pơm kiơ mă đei yua lăm ala teh âu.

Bôk Bơthô 5:12

Lu bơngai jang gleh hrat, mă sŏng sa tŏ sĕt dah lơ tep hiôk kơmăng; mă-lei lu bơngai mơdrŏng, đei sa rơkah rơkai, mă-lei tep ưh kơ hiôk.

Bôk Bơthô 5:17

Ih sa rai oei arih tơ lăm măng mu, đei lơ tơdrong ơh sơ'ngon chhŭr nuih, gleh lap, jĭ jăn.

Bôk Bơthô 8:16

Kơplah jơhngơ̆m inh adrin nŏng kơ tơchĕng chơchă wă kơ băt tơdrong gơh hơgei, măng năr măt pă đei pơdơh. Tơchĕng liơ tơdrong jang mă gleh hrat pơmat-tat dêh lăm teh đak âu.

Da 6:18

Đơ̆ng rŏng kơ noh, pơtao wih brŏk tơ hnam pơtao sư, ưh kơ sŏng sa, kư̆m ưh kơ đei iŏk lu brŏ reh 'bơ̆t anăp sư păng pơtao ưh kơ gơh tep.

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.