Bôk Bơthô 2:22 - Sơ̆p Hlabơar Nơ̆r 'Bok Kei-Dei

²² Lei, hăm đei yua kiơ kơ bơngai gleh pơmat, hrat jơhngơ̆m nŏng kơ bơ̆jang lăm ala teh âu?

Bôk Bơthô 2:22 ပူးပေါင်းရင်းမြစ်များ

Horiso 127:2

Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep.

Tơdrông Pơđơk 16:26

Tơdrong băt pơngot pơdrŭt sư bơ̆jang. Đơ̆ng hơlŏng hrơ-hrŏk tơ'blŏk kơ chă jang sa.

Bôk Bơthô 1:3

Dôm tơdrong kon bơngai jang gleh hrat lăm ala teh 'nâu, hăm đei yua kiơ̆ ưh!

Bôk Bơthô 2:11

Inh tơchĕng hơlen lăng dôm tơdrong đêl ti inh pơm. Tuh bơuh bơang pă băt dang yơ gleh hrat, inh lăng dôm tơdrong noh jơ̆ tơdrong kơ đei ưh kơ hlôh yua kơ kiơ thoi pơmơ̆ng kơ kial bơbơ̆t sư tơ yơ kiơ̆ tơ noh, kon bơngai ưh kơ đei pơm kiơ mă đei yua lăm ala teh âu.

Bôk Bơthô 3:9

Hăm đei yua kơ lu bơngai mă nŏng kơ jang gleh hrat?

Bôk Bơthô 4:6

Kơtrơ̆m jah đei đăi 'bĕnh hơya minh pah tơpang ti đĕch mă-lei đei tơdrong hiôk rơnŭk, noh sư hloh kơ đei 'bĕnh 'bar pah tơpang ti, mă-lei gleh pơmat, mơ̆ng kơ kial bơbơ̆t sư tơ yơ kiơ̆ tơ noh.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Bôk Bơthô 5:17

Ih sa rai oei arih tơ lăm măng mu, đei lơ tơdrong ơh sơ'ngon chhŭr nuih, gleh lap, jĭ jăn.

Bôk Bơthô 8:15

Inh pơư hloi tơdrong hiôk chơt noh 'lơ̆ng, yua kơ lăm ala teh 'nâu ưh kơ đei tơdrong kiơ 'lơ̆ng hloh kơ kon bơngai bơ̆n sŏng sa, nhă đak păng hiôk chơt; noh boih tơdrong mă apah 'mong ăn kơtơ̆ng tơdrong bơ̆n bơ̆jang arih gleh hrat, đơ̆ng Kră Yang 'Bok Kei-Dei đei ăn kơ bơ̆n tơ ala teh âu.

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Mathiơ 6:11

Apinh Ih ăn kơ nhôn năr 'nâu đei sŏng sa mah.

Mathiơ 6:25

“Yua kơ thoi noh na Inh wă khan kơ iĕm, 'nĕ tơchĕng kơ tơmam sŏng sa, 'nĕ tơchĕng kơ hơbĕn ao hrŭk. 'Bok Kei-Dei gơh pơjing iĕm arih, Sư kư̆m băt ăn kơ iĕm tơmam sa mơ̆n, Sư kư̆m băt ăn kơ iĕm hơbĕn ao hrŭk mơ̆n.

Mathiơ 6:34

Thoi noh na đơ̆ng âu tơ anăp, iĕm 'nĕ pă tơchĕng minh tơdrong kiơ kiơ. Năr dơning măk ai kơ năr dơning, năr âu măk ai kơ năr âu, yua kơ tơdrong kơ'bah bơ̆n rim năr đĕch.

Luka 12:22

Na Yêsu khan kơ lu bơngai pơhrăm păng Sư: “Yua kơ thoi noh na Inh wă khan kơ iĕm: 'Nĕ tơchĕng gah tơmam sŏng sa, 'nĕ kơ tơchĕng kơ hơbĕn ao hrŭk.

Luka 12:29

“Iĕm 'nĕ pă tơchĕng khan: Bơ̆n wă sa kiơ, nhă kiơ? Iĕm 'nĕ kơ mah hăt kơ tơdrong noh.

I Kor 16:16

Ơ 'nhŏng oh, inh athei iĕm chu yom kơ sư păng đĭ-đăng lu bơngai mă gơh jang thoi sư noh.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

I Tim 6:8

Kơplah bơ̆n oei arih, đei tơmam sa păng hơbĕn ao hrŭk, dôm noh đĕch 'lơ̆ng boih.

I Pet 5:7

Bơ̆n athei pơjao kơ Sư dôm tơdrong bơ̆n sơ'ngon jơ̆l hăt phăt-ol, yua kơ Sư wei-lăng bơ̆n.