Bôk Bơthô 2:21 - Sơ̆p Hlabơar Nơ̆r 'Bok Kei-Dei

²¹ Yua kơ đei bơngai jang yua tơdrong gơh hơgei, hlôh wao jơhngơ̆m pran pơm pơjing lê̆, đơ̆ng noh wă pơsư̆ mŭk tơmam ăn kơ lu bơngai mă ưh kơ đei jang gleh hrat kiơ, noh kư̆m tơdrong kơ đei păng minh tơdrong klai tơpă.

Bôk Bơthô 2:21 ပူးပေါင်းရင်းမြစ်များ

II Ho 34:2

Sư pơm 'lơ̆ng 'bơ̆t anăp Kră Yang, kiơ̆ trong Đawit, 'bok sư, ưh kơ weh gah 'ngiĕo dah gah 'ma.

II Ho 35:18

Đơ̆ng chăl Samuel 'bok khan lê̆ adrol, lăm bơngai Isơrael đe ưh tam đei pơm giĕng Năm Brih tih thoi noh; păng kư̆m ưh kơ đei pơtao ayơ lăm Isơrael mă pơm 'blŏk hơdơ̆r năr giĕng Năm Brih thoi pơtao Jôsia, hăm lu 'bok soi bơngai Lêwi, đĭ kon pơlei Juđa păng Isơrael mă đei tơ noh păng kon pơlei đơ̆ng Jêrusalem đei pơm noh.

Horiso 39:7

Ơ Kră Yang, dang ei inh chang gô yă kiơ? Tơdrong inh chang gô tơ lăm Ih.

Horiso 49:10

Yua kơ sư 'bôh bơngai hơgei lôch, lu bơngai wơnh păng lu kơtul kơwao kư̆m lôch lei-lăi mơ̆n. Mŭk tơmam sư kơ đe nai.

Horiso 49:11

Lu sư tơchĕng khan. Hnam inh gô oei oei ling-lang, Păng anih inh oei oei lăm đĭ jơhnơr. Lu sư kư̆m iŏk anăn lu sư pơm anăn kơ chŭn mir lu sư.

Bôk Bơthô 2:20

Inh tơtĭnh lăng tơ rŏng lăng dôm tơdrong đêl inh jang pơm pơjing gleh hrat lăm ala teh âu.

Bôk Bơthô 4:4

Inh kư̆m 'bôh đĭ-đăng tơdrong kon bơngai jang gleh hrat, yua tơdrong gơh hơgei, noh jơ̆ yua kơ tơdrong sư 'ngeng areh klai dih băl. Tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Bôk Bơthô 9:18

Tơdrong hơgei đei pran hloh kơ đao hơlă, mă-lei lăp minh 'nu bơngai đĕch pơm glăi đĕch, sư pơrăm đĭ tơdrong 'lơ̆ng.

Je 22:15

Hăm trŏ ih tơchĕng ih pơm pơtao, yua kơ ih pơm hnam hăm 'long hơngo 'lơ̆ng hloh kơ đe? Hăm trŏ kơ 'bă ih sơ̆ đei sŏng sa đak nhă? Sư pơm tơdrong 'lơ̆ng tơdrong tơpăt, na đei tơdrong 'lơ̆ng rŏ kơ sư.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.