Bôk Bơthô 2:19 - Sơ̆p Hlabơar Nơ̆r 'Bok Kei-Dei

¹⁹ Bu băt bơngai noh hơgei dah mă kơtul mă khan thoi yơ, sư gô wei pơgơ̆r dôm tơdrong kiơ mă inh đei pơm yua tơdrong gơh hơgei păng jang gleh hrat inh noh kư̆m kơ đei.

Bôk Bơthô 2:19 ပူးပေါင်းရင်းမြစ်များ

I Pot 11:43

Đơ̆ng noh sư lôch sư năm oei hơdai hăm lu 'bok kơdră sư păng đe 'bŭ sư lăm pơlei Đawit, 'bă sư, Rôbôam kon drŏ-nglo sư pơgơ̆r pơtrơp sư.

I Pot 12:13

Pơtao tơl tơwih kơ kon pơlei pơla hăm nơ̆r tơdrăp, sư ưh kơ tơl tơwih kơ kon pơlei pơla kiơ̆ thoi lu đe kră athei ôh.

Bôk Bơthô 2:11

Inh tơchĕng hơlen lăng dôm tơdrong đêl ti inh pơm. Tuh bơuh bơang pă băt dang yơ gleh hrat, inh lăng dôm tơdrong noh jơ̆ tơdrong kơ đei ưh kơ hlôh yua kơ kiơ thoi pơmơ̆ng kơ kial bơbơ̆t sư tơ yơ kiơ̆ tơ noh, kon bơngai ưh kơ đei pơm kiơ mă đei yua lăm ala teh âu.

Bôk Bơthô 2:20

Inh tơtĭnh lăng tơ rŏng lăng dôm tơdrong đêl inh jang pơm pơjing gleh hrat lăm ala teh âu.

Bôk Bơthô 3:22

Na inh 'bôh kon bơngai bơ̆n 'lơ̆ng hloh noh athei hiôk chơt lăm tơdrong jang kơdih; noh boih tơdrong apah kơ sư; yua kơ ưh kơ đei bu gơh ba bơ̆n wơ̆t hơlơ̆k 'bôh dơ̆ng dôm tơdrong truh đơ̆ng rŏng kơ bơ̆n lôch.

Bôk Bơthô 9:13

Inh kư̆m đei 'bôh lăm ala teh âu, Thoi tơdrong hơgei 'bôh sư hơgrih 'biơ̆.

Luka 16:8

Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

I Tim 6:10

Bơngai bu hăt kơ chă jên, sư gô pơm tôm tơdrong kơnê̆. Đei bơngai lu mơ'nah hăt kơ chă jên ling-lang na sư jing achăng tơdrong lui sư păng sư đei lơ tơdrong ơh sơ'ngon.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

Ya 3:17

Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.