Bôk Bơthô 2:17 - Sơ̆p Hlabơar Nơ̆r 'Bok Kei-Dei

¹⁷ Lei, inh đĭ areh kơ chăl arih inh, yua kơ dôm tơdrong truh tơ ala teh âu pơm kơ inh pơmat, đĭ-đăng tơdrong ưh kơ đei ưh kơ yua kiơ, thoi gô mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 2:17 ပူးပေါင်းရင်းမြစ်များ

I Pot 19:4

Gah Êli, sư năm tơ char glă dang minh năr kơ trong, sư hơ-oei ngôi 'bơ̆t yơ̆p tơm 'long hơngo, sư apinh 'maih wă kơ jah lôch. “Hrăp bơih, dang ei ơ Kră Yang! Jah iŏk bĕ tơdrong arih inh, yua kơ inh ưh kơ đei kiơ 'lơ̆ng hloh kơ lu 'bok kơdră inh.”

Jop 14:13

Hơpơi rŏ kơ Ih ôn inh tơ lăm bơsat klơ̆p ôn inh dĭng truh tơblĕk Ih ngach 'mơ̆i, Truh jơ 'năr đêl hơgăt kơ inh, apinh Ih 'blŏk kơ inh dơ̆ng!

Horiso 89:47

Apinh Ih 'blŏk kơ măng năr inh kơđeh dêh. Ih pơjing boih kon bơngai tơdrong kơ đei.

Bôk Bơthô 1:14

Inh 'bôh boih dôm tơdrong đei jang tơ ala teh âu; đĭ-đăng tơdrong kơ đei ngăl, mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 1:17

Inh kư̆m nŏng kơ hŏk wă kơ băt tơdrong hơgei păng wă kơ băt tơdrong kơtul bơlŭk; inh băt kơnăl tơdrong noh kư̆m mơ̆ng kơ kial bơbơ̆t tơ yơ, sư kiơ̆ tơ noh.

Bôk Bơthô 2:11

Inh tơchĕng hơlen lăng dôm tơdrong đêl ti inh pơm. Tuh bơuh bơang pă băt dang yơ gleh hrat, inh lăng dôm tơdrong noh jơ̆ tơdrong kơ đei ưh kơ hlôh yua kơ kiơ thoi pơmơ̆ng kơ kial bơbơ̆t sư tơ yơ kiơ̆ tơ noh, kon bơngai ưh kơ đei pơm kiơ mă đei yua lăm ala teh âu.

Bôk Bơthô 2:22

Lei, hăm đei yua kiơ kơ bơngai gleh pơmat, hrat jơhngơ̆m nŏng kơ bơ̆jang lăm ala teh âu?

Bôk Bơthô 3:16

Inh oei 'bôh dơ̆ng lăm teh đak âu. Lăm tơdrong tơpăt kư̆m đei tơdrong kơnê̆ lăm tơdrong khan tơpăt mă-lei oei đei tơdrong ưh kơ tơpăt.

Bôk Bơthô 4:2

Inh hiôk kơ lu bơngai lôch, yua kơ sư lôch boih lu sư noh hiôk hloh kơ lu bơngai mă oei arih.

Bôk Bơthô 4:3

Lu bơngai mă hiôk hloh kơ 'bar khŭl bơngai noh bơngai mă đe tam mă tơpŭ kơ sư, lu sư tam mă lah 'bôh tơdrong kơnê̆ lăm chăl arih âu.

Bôk Bơthô 6:9

Tơdrong kiơ măt 'bôh sư 'lơ̆ng, sư hloh kơ chă hơpơi rŏ. Noh kư̆m tơdrong kơđei.

Êsêkiên 3:14

Yang Bơhngol hơtŏk inh tơ kơpal păng anhăk inh năm, inh năm hăm jơhngơ̆m chhŭr nuih blĕk dêh tơpang ti Kră Yang kơtĭt kơpal inh trăp dêh.

Jôna 4:3

Ơ Kră Yang, dang ei, inh krao apinh Ih iŏk lê̆ tơdrong arih inh bĕ! Yua kơ gah inh, lôch 'lơ̆ng hloh kơ arih.

Jôna 4:8

Kơplah lăp 'năr lĕch, Kră Yang 'Bok Kei-Dei ăn kial tơthu dơ̆ng gah hơlĕch păng 'năr tŏ chră tơ kơ̆l sư, na sư mah wing măt, na sư khan thoi âu: Gah inh, lôch 'lơ̆ng hloh kơ arih!

Habakuk 1:3

Kơlih kơ kiơ Ih ăn kơ inh 'bôh tơdrong đe pơm kơnê̆ păng yua kơ kiơ Ih kuăr ti lăng đĕch tơdrong ưh kơ trŏ noh? Tơdrong pơrăm 'bơ̆t anăp inh; đei tơdrong pơjah pơjăng băl.

Jo 11:15

Tơdah Ih pơm kơ inh thoi noh păng dah inh đei tơdrong mơnat 'bơ̆t anăp ih, 'lơ̆ng hloh Ih jah pơlôch inh đĕch, wă kơ inh huay pă 'bôh tơdrong pơmat-tat inh!