Bôk Bơthô 2:16 - Sơ̆p Hlabơar Nơ̆r 'Bok Kei-Dei

¹⁶ Tơpă đe kư̆m ưh kơ 'blŏk kơ bơngai hơgei dah bơngai kơtul ling-lang khŏm khŏm ôh, yua kơ bơ̆n băt lăm năr hơtuch kơnh bơngai hơgei dah bơngai kơtul đe kư̆m hiơt đĭ. Ơ! Bơngai hơgei dah bơngai kơtul kư̆m lôch lei-lăi.

Bôk Bơthô 2:16 ပူးပေါင်းရင်းမြစ်များ

II Sam 3:33

Pơtao hmoi jô̆ hơdrĭ kơ Apner: “Liơ Apner ih lôch thoi bơngai kơhlôh kơwao.

Horiso 103:16

Mưh kial tơthu tơ pơkao, sư hiong hloi, anih sư chăt ưh pă 'blŏk kơ sư boih.

Horiso 49:10

Yua kơ sư 'bôh bơngai hơgei lôch, lu bơngai wơnh păng lu kơtul kơwao kư̆m lôch lei-lăi mơ̆n. Mŭk tơmam sư kơ đe nai.

Horiso 88:12

Tơdrong mơsêh Ih gô tơbăt tơ anih măng mu mơ̆n hă? Păng hăm trŏ tơdrong tơpăt Ih gô tơ'bôh tơ lăm dêh mă đĭ pă 'blŏk?

Le 1:6

Jôsep lôch păng 'nhŏng oh sư hăm lu bơngai arih lăm jơhnơr 'noh lu sư kư̆m lôch đĭ-đăng.

Le 1:8

Tơ char Êyiptơ, đei minh 'nu pơtao 'nao pơgơ̆r, sư ưh kơ băt kơ Jôsep.

Tơdrông Pơđơk 14:8

Tơdrong hơgei lu bơngai đei đon kơchăng lăng băt nhen trong kơdih; Tơdrong bơlŭk lu bơngai kơtul pơma hơlĕnh kơ jơhngơ̆m sư kơdih.

Bôk Bơthô 1:11

Đe ưh pă 'blŏk boih lu chăl adrol sơ̆, lu bơngai truh đơ̆ng rŏng kư̆m ưh kơ 'blŏk lu chăl adrol noh mơ̆n.

Bôk Bơthô 2:14

Bơngai hơgei sư đei măt hơdah trong sư yak, na bơngai kơtul bơlŭk sư yak chơjơ̆ lăm măng mu. Mă khan lei, inh kư̆m băt 'bar trong noh kư̆m gô tơdrong răm lei-lăi.

Bôk Bơthô 2:15

Na inh khan: “Tơdrong mă truh kơ bơngai kơtul, kư̆m gô truh kơ inh thoi noh mơ̆n; thoi noh, hơgei hloh thoi inh âu đei yua kiơ?” Inh khan kơdih akâu: “Noh tơdrong kơ đei mơ̆n.”

Bôk Bơthô 6:8

Bơngai hơgei đei yua kiơ hloh kơ bơngai kơtul bơngai dơnuh băt đei đon arih sa 'lơ̆ng hăm đei yua kiơ ưh?

Bôk Bơthô 7:2

Năm tơ hnam đe lôch, 'lơ̆ng hloh kơ năm tơ hnam đe et sa tih; yua kơ lei bơngai arih athei 'blŏk dah đei jơ wă tơchĕng kơ tơdrong noh.

Bôk Bơthô 8:10

Inh kư̆m đei 'bôh lu bơngai pơm kơnê̆ lôch, đei kon pơlei 'bŭ hơmet pơ'lơ̆ng; yua kơ sư juăt kơ năm tơ hnam akŭm. Na lu bơngai pơm 'lơ̆ng, oei kơtă lăm pơlei tih đe 'bônh kơ hiơt, noh kư̆m jơ̆ tơdrong kơ đei.

Bôk Bơthô 9:15

Lăm pơlei đei minh 'nu bơngai dơnuh hin mă-lei hơgei, sư yua tơdrong hơgei sư pơklaih pơlei noh; mă-lei đơ̆ng rŏng kơ 'noh ưh kơ đei bu 'blŏk hơdơ̆r kơ bơngai dơnuh hin.

Bôk Bơthô 9:5

Bơngai arih sư băt kơdih sư gô lôch; mă-lei bơngai lôch ưh pă băt kiơ boih, kư̆m ưh kơ đei tơmam apah bơnê kiơ mơ̆n, yua kơ đe gô hiơt ưh pă đei bu 'blŏk kơ lu sư dơ̆ng.

Malachi 3:16

Dang ei lu bơngai hli yom kơ Kră Yang pơma tơduă lu sư thoi noh Kră Yang kơtơ̆ng păng mơ̆ng; păng sơ̆p hla bơar đei chih 'bơ̆t anăp Sư wă kơ tơ'blŏk ăn kơ lu bơngai mă hli yom kơ Kră Yang păng 'blŏk kơ anăn Sư.

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.