Bôk Bơthô 2:14 - Sơ̆p Hlabơar Nơ̆r 'Bok Kei-Dei

¹⁴ Bơngai hơgei sư đei măt hơdah trong sư yak, na bơngai kơtul bơlŭk sư yak chơjơ̆ lăm măng mu. Mă khan lei, inh kư̆m băt 'bar trong noh kư̆m gô tơdrong răm lei-lăi.

Bôk Bơthô 2:14 ပူးပေါင်းရင်းမြစ်များ

Horiso 19:10

Dôm tơdrong noh gĭt hloh kơ maih, gĭt hloh kơ ling maih; Kŭm 'ngam hloh kơ đak sut đơ̆ng hơkoh sư.

Horiso 49:10

Yua kơ sư 'bôh bơngai hơgei lôch, lu bơngai wơnh păng lu kơtul kơwao kư̆m lôch lei-lăi mơ̆n. Mŭk tơmam sư kơ đe nai.

Horiso 49:11

Lu sư tơchĕng khan. Hnam inh gô oei oei ling-lang, Păng anih inh oei oei lăm đĭ jơhnơr. Lu sư kư̆m iŏk anăn lu sư pơm anăn kơ chŭn mir lu sư.

Tơdrông Pơđơk 14:8

Tơdrong hơgei lu bơngai đei đon kơchăng lăng băt nhen trong kơdih; Tơdrong bơlŭk lu bơngai kơtul pơma hơlĕnh kơ jơhngơ̆m sư kơdih.

Tơdrông Pơđơk 17:24

Bơngai hlôh 'bôh tơdrong hơgei 'bơ̆t anăp sư; Mă-lei đei măt lu kơwao lăng tơ tôch teh đak.

Bôk Bơthô 2:16

Tơpă đe kư̆m ưh kơ 'blŏk kơ bơngai hơgei dah bơngai kơtul ling-lang khŏm khŏm ôh, yua kơ bơ̆n băt lăm năr hơtuch kơnh bơngai hơgei dah bơngai kơtul đe kư̆m hiơt đĭ. Ơ! Bơngai hơgei dah bơngai kơtul kư̆m lôch lei-lăi.

Bôk Bơthô 3:19

Yua kơ tơdrong kon bơngai đei thoi yơ, kon sem brem đei thoi noh mơ̆n; kon bơngai lôch, kon sem brem kư̆m lôch; 'bar khŭl noh tă kơ dui jơhngơ̆m ngăl, kon bơngai ưh kơ đei kiơ hloh kơ kon sem brem; đĭ-đăng tă kơ tơdrong kơđei ngăl.

Bôk Bơthô 6:6

Mă khan bơngai bu arih sot kră truh tơ 'bar-rơbâu sơnăm mă-lei ưh kơ đei arih hiôk chơt lăm chăl arih âu. Kŭm ưh kơ đei hiôk dang nge lôch rơngăt. Hăm trŏ kơ đĭ-đăng bơngai tă kơ wă brŏk tơ minh anih đĕch?

Bôk Bơthô 6:8

Bơngai hơgei đei yua kiơ hloh kơ bơngai kơtul bơngai dơnuh băt đei đon arih sa 'lơ̆ng hăm đei yua kiơ ưh?

Bôk Bơthô 7:2

Năm tơ hnam đe lôch, 'lơ̆ng hloh kơ năm tơ hnam đe et sa tih; yua kơ lei bơngai arih athei 'blŏk dah đei jơ wă tơchĕng kơ tơdrong noh.

Bôk Bơthô 8:1

Bu kiơ̆ tam lu bơngai hơgei? Bu gơh tơblang dôm tơdrong dôm tơmam? Tơdrong hơgei pơm kơ măt kon bơngai hơdah hơdong, đêl muh măt ưh kơ praih, tơplih jing praih.

Bôk Bơthô 9:11

Inh 'bôh dơ̆ng đei tơ lăm ala teh 'nâu. Bơngai kơdâu hrĕnh kư̆m ưh kơ jei sư ling-lang lăm năr kơdâu pơjei, bơngai pran kư̆m ưh kơ kĕ tơblah jei ngăl, bơngai hơgei kư̆m ưh kơ đei tơmam sa phĭ mah ngăl, bơngai hlôh wao kư̆m ưh kơ mơdrŏng ngăl, bơngai đei 'bơ̆r đon kư̆m ưh kơ đei pŭn hiôk, yua kơ jơ lăp gô truh kơ đĭ-đăng rim bơngai lei-lăi.

Bôk Bơthô 9:16

Inh khan bơngai hơgei hloh kơ tơdrong kơtang. Mă-lei tơdrong hơgei bơngai dơnuh hin đe pơjăm. Păng sư pơma ưh kơ đei bu wă mơ̆ng.

I Yo 2:11

Na dah bơngai bu hil areh kơ 'nhŏng oh sư, bơngai 'noh sư oei lăm măng mu khŏm khŏm. Sư yak nơnăm lăm măng mu. Sư ưh kơ băt trong sư wă năm tơ yơ kơlih kơ măng mu klơ̆p măt sư.