Bôk Bơthô 2:13 - Sơ̆p Hlabơar Nơ̆r 'Bok Kei-Dei

¹³ inh 'bôh tơdrong hơgei, sư yua 'biơ̆ kơ tơdrong kơtul, kư̆m thoi hơdah sư yua 'biơ̆ kơ măng mu.

Bôk Bơthô 2:13 ပူးပေါင်းရင်းမြစ်များ

Horiso 119:105

Nơ̆r Ih jing ŭnh kơđeng kơ jơ̆ng inh. Nhơk pơchrang ăn kơ trong inh.

Horiso 119:130

Tơdrong bơtho tơblang nơ̆r Ih pơchrang ăn hơdah. Sư ăn tơdrong hlôh wao kơ lu bơngai tơpăt.

Tơdrông Pơđơk 14:8

Tơdrong hơgei lu bơngai đei đon kơchăng lăng băt nhen trong kơdih; Tơdrong bơlŭk lu bơngai kơtul pơma hơlĕnh kơ jơhngơ̆m sư kơdih.

Tơdrông Pơđơk 16:16

Iŏk tơdrong hơgei noh đei gĭt hloh kơ maih; 'Maih chă tơdrong hlôh wao noh kăl hloh kơ hu!

Bôk Bơthô 10:10

Pla sung kơmŭl ưh kơ pat măt sư, gô huach hiong jơhngơ̆m lơ; mă-lei tơdrong hơgei gô tơgŭm keh đang.

Bôk Bơthô 11:7

Hơdah măt 'năr 'lơ̆ng rŏ dêh, măt lăng 'bôh măt 'năr hiôk pă băt dang yơ.

Bôk Bơthô 7:19

Bơngai hơgei gơh đei jơhngơ̆m pran hloh kơ mơjĭt 'nu bơngai pơgơ̆r lăm pơlei tih.

Bôk Bơthô 9:16

Inh khan bơngai hơgei hloh kơ tơdrong kơtang. Mă-lei tơdrong hơgei bơngai dơnuh hin đe pơjăm. Păng sư pơma ưh kơ đei bu wă mơ̆ng.

Bôk Bơthô 9:18

Tơdrong hơgei đei pran hloh kơ đao hơlă, mă-lei lăp minh 'nu bơngai đĕch pơm glăi đĕch, sư pơrăm đĭ tơdrong 'lơ̆ng.

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”

Mathiơ 6:23

Dah măt bơ̆n hưch hanh tơdrong ala teh đĕch lei măt bơ̆n dang tol, tôm tơdrong akâu bơ̆n jang kư̆m ưh kơ 'lơ̆ng, dang bơ̆n oei lăm măng mu đĕch.

Êphêsô 5:8

Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.