Bôk Bơthô 2:11 - Sơ̆p Hlabơar Nơ̆r 'Bok Kei-Dei

¹¹ Inh tơchĕng hơlen lăng dôm tơdrong đêl ti inh pơm. Tuh bơuh bơang pă băt dang yơ gleh hrat, inh lăng dôm tơdrong noh jơ̆ tơdrong kơ đei ưh kơ hlôh yua kơ kiơ thoi pơmơ̆ng kơ kial bơbơ̆t sư tơ yơ kiơ̆ tơ noh, kon bơngai ưh kơ đei pơm kiơ mă đei yua lăm ala teh âu.

Bôk Bơthô 2:11 ပူးပေါင်းရင်းမြစ်များ

Bl 1:31

Kră Yang 'Bok Kei-Dei 'bôh dôm tơdrong đơ̆ng Sư pơjing 'lơ̆ng tơpă. Đơ̆ng noh đei kơsơ̆ păng pơgê noh năr mă tơdrâu.

Horiso 89:47

Apinh Ih 'blŏk kơ măng năr inh kơđeh dêh. Ih pơjing boih kon bơngai tơdrong kơ đei.

Le 39:43

Môis lăng lăng tôm tơdrong jang, 'bôh lu sư pơm kiơ̆ thoi nơ̆r Kră Yang khan pơkă boih, thoi noh na Môis bơnê sơkat ăn tơdrong pŭn hiôk kơ lu sư.

Bôk Bơthô 1:14

Inh 'bôh boih dôm tơdrong đei jang tơ ala teh âu; đĭ-đăng tơdrong kơ đei ngăl, mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 1:17

Inh kư̆m nŏng kơ hŏk wă kơ băt tơdrong hơgei păng wă kơ băt tơdrong kơtul bơlŭk; inh băt kơnăl tơdrong noh kư̆m mơ̆ng kơ kial bơbơ̆t tơ yơ, sư kiơ̆ tơ noh.

Bôk Bơthô 1:3

Dôm tơdrong kon bơngai jang gleh hrat lăm ala teh 'nâu, hăm đei yua kiơ̆ ưh!

Bôk Bơthô 3:9

Hăm đei yua kơ lu bơngai mă nŏng kơ jang gleh hrat?

Bôk Bơthô 5:10

Lu bơngai ham kơ jên đei jên lơ kư̆m khan ưh kơmah; lu bơngai ham kơ mŭk tơmam đei lơ dôm yơ kư̆m ưh kơ hrăp. Tơdrong noh kư̆m tơdrong kơ đei.

Bôk Bơthô 5:16

'Nâu kư̆m minh tơdrong kơnê̆ dêh tơpă. Bơ̆n lĕch đơ̆ng klak mĕ thoi yơ kư̆m gô brŏk tơ teh thoi 'noh mơ̆n. Lu bơngai mă jang gleh hrat wă hiong ngôi mơ̆ng kơ kial bơbơ̆t, hăm đei lơi yua kiơ ưh?

Habakuk 2:13

Lăng, noh hăm trŏ đơ̆ng Kră Yang mă tih hloh? Mă kon pơlei jang gô ăn đĕch kơ ŭnh sa păng mă lu dêh char gleh hrat jing tơdrong ưh kơ đei.

I Tim 6:6

Dah bơ̆n lui tơpă hăm đĭ jơhngơ̆m, noh kư̆m dang bơ̆n mơdrŏng mơ̆n yua kơ jơhngơ̆m bơ̆n hiôk 'lơ̆ng păng Sư boih.