Bôk Bơthô 2:1 - Sơ̆p Hlabơar Nơ̆r 'Bok Kei-Dei

¹ Inh pơma lăm to: “Inh pơlong hiôk chơt 'nă hal lăng 'mơ̆i, lăng lăng hăm đei kiơ hiôk. “Mă-lei inh 'bôh tơdrong noh kư̆m jơ̆ tơdrong kơ đei mơ̆n.

Bôk Bơthô 2:1 ပူးပေါင်းရင်းမြစ်များ

Bl 11:7

Bĕ, lu bơ̆n jur pơm bơlŭ lê̆ nơ̆r pơma lu sư ưh pă hlôh băl dơ̆ng kơ nơ̆r pơma bơngai âu pơma kơ bơngai to.”

II Pot 5:5

Na pơtao đe Aram tơl: “Năm bĕ, inh gô gơih ăn kơ pơtao đe Isơrael kơthơ.” Thoi noh, Naaman năm hĭ, chĕp ba mơjĭt hlak talâng jên hu, tơdrâu-rơbâu hlak maih păng mơjĭt blah ao.

Horiso 10:6

Sư tơchĕng lăm jơhngơ̆m khan: “Inh ưh pă tơdrŏ tơdrĕnh; Lăm chăl inh ưh kơ đei tơdrong kiơ truh gleh.”

Horiso 14:1

Lu bơngai kơtul khan lăm jơhngơ̆m; “Ưh kơ đei Kră Yang 'Bok Kei-Dei.”* Lu sư ôm răm, pơm dôm tơdrong kơnê̆.

Horiso 27:8

Jơhngơ̆m inh khan kơ Ih, “chơchă bĕ muh măt Sư,”a Na inh khan! Inh gô chơchă muh măt Ih.

Tơdrông Pơđơk 14:13

Mă khan kơplah oei hiĕk chơt, kư̆m đei lăm jơhngơ̆m ơh sơ'ngon. Păng tuch-luch tơdrong chơt hiôk noh jing tơdrong ơh sơ'ngon tih.

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Bôk Bơthô 2:10

Inh ưh kơ lê̆ minh tơdrong kiơ mă măt inh 'maih wă, kư̆m ưh kơ sơngah kơ tơdrong kiơ mă jơhngơ̆m hiôk lăp jơhngơ̆m inh hiôk chơt kơ tơdrong đêl inh jang gleh lap păng noh bơih jơ̆ tơdrong mă apah inh đêl tơdrong inh jang gleh.

Bôk Bơthô 2:15

Na inh khan: “Tơdrong mă truh kơ bơngai kơtul, kư̆m gô truh kơ inh thoi noh mơ̆n; thoi noh, hơgei hloh thoi inh âu đei yua kiơ?” Inh khan kơdih akâu: “Noh tơdrong kơ đei mơ̆n.”

Bôk Bơthô 2:25

Tơpă dah ưh kơ đei đơ̆ng Kră Yang ăn bu gơh đei sŏng sa, gơh hiôk lăm tơdrong jang sư.

Bôk Bơthô 7:4

Bơngai hơgei ling-lang tơchĕng kơ tơdrong lôch, bơngai kơtul nŏng kơ tơchĕng kơ tơdrong hiôk chơt đĕch.

Bôk Bơthô 8:15

Inh pơư hloi tơdrong hiôk chơt noh 'lơ̆ng, yua kơ lăm ala teh 'nâu ưh kơ đei tơdrong kiơ 'lơ̆ng hloh kơ kon bơngai bơ̆n sŏng sa, nhă đak păng hiôk chơt; noh boih tơdrong mă apah 'mong ăn kơtơ̆ng tơdrong bơ̆n bơ̆jang arih gleh hrat, đơ̆ng Kră Yang 'Bok Kei-Dei đei ăn kơ bơ̆n tơ ala teh âu.

Êsai 5:5

'Nâu, Inh roi kơ lu iĕm. Tơdrong Inh wă pơm kơ pơgar hơmu Inh. Inh gô yuih lê̆ dur war, na đe gô phĕ sa plei sư đĭ, Inh gô tơlơ̆ lê̆ dur noh na đe gô pơjuă pơrăm sư.

Êsai 50:11

'Nâu, đĭ-đăng lu iĕm bơngai tơkuh ŭnh păng tơ̆k ŭnh hơchô̆ hơpaih. Năm rok bĕ gah hơdah ŭnh hơchô̆ hơpaih mă iĕm tơ̆k, Tơdrong 'nâu lu iĕm gô pŭ iŏk đơ̆ng ti Inh, lu iĕm gô 'bĭch lăm tơdrong pơmat-tat!

Êsai 50:5

Kră Yang Tih Hloh pơih đon inh, inh ưh pă kơchu, kư̆m ưh kơ đei kơdŭn.

Luka 12:19

Lăp inh pơm đang boih, inh wă khan kơ inh kơdih thoi âu: Inh đei mŭk drăm lơ wă 'măn lê̆ kơ đunh sơnăm. Inh pơdơh bĕ, sŏng sa nhă đak phĭ mah rơkah rơkai, hiôk boih inh.’

Luka 16:19

Yêsu khan dơ̆ng thoi âu: “Sơ̆ đei minh 'nu bơngai mơdrŏng, sư juăt kơ hrŭk ao 'lơ̆ng rŏ păng sŏng sa jơnap ling-lang.

Luka 16:23

Sư oei lăm dơnâu ŭnh tŏ hang tơpă. Na sư ngoi 'bôh Abraham tơ plĕnh ti păng kư̆m 'bôh Lasarơ oei jê̆ Abraham mơ̆n.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Ya 4:13

Mơ̆ng bĕ lu iĕm mă juăt kơ pơma lê̆ hơdrol khan: “Năr âu dah năr dơning bơ̆n năm tơ pơlei to chă mơdro sa, kơtĕch kơ minh sơnăm bơ̆n đei lơi dêh.”

Ya 5:1

Ơ lu bơngai mơdrŏng, mơ̆ng bĕ. Trŏ kơ iĕm nhơ̆m hmoi bĕ, mă iĕm nhơ̆m hmoi lê̆ hơdrol lăp boih, yua kơ dôm tơdrong gleh pơmat wă truh kơ iĕm.

Ya 5:5

Iĕm oei tơ ala teh âu hiôk jơnap tơpă. Sŏng sa phĭ mah rơkah rơkai bek lơluĭnh thoi rơmo, na đe wă rơih rơmo bek noh boih 'buh sa.