Bôk Bơthô 12:11 - Sơ̆p Hlabơar Nơ̆r 'Bok Kei-Dei

¹¹ Nơ̆r bơngai hơgei đei tơdrong pơdrŭt pơm kơ đe 'maih đŏk; sư rơih pơrĕng lu nơ̆r pơđơ̆k 'lơ̆ng kơjăp thoi pơ̆ng kơđĭnh tơ jrăng nơ̆r noh đơ̆ng Tơ'ngla wei triu ră roi.

Bôk Bơthô 12:11 ပူးပေါင်းရင်းမြစ်များ

Bl 49:24

Đơ̆ng ti Kră Yang mơsêh Jakôp, Thoi noh hră sư huay kơ pơpơ̆; Đơ̆ng Kră Yang wei-lăng triu brĕ, noh tơmo kŭk Isơrael. Na 'bar pah ti sư jing pran.

Esơra 9:8

Mă-lei dang ei lăm minh kơchon kơđeh đĕch Kră Yang 'Bok Kei-Dei lu nhôn đei pơdah boih tơdrong mơnat wă tơgŭm lu nhôn bơngai oei oăi arih brŏk tơ dêh 'lơ̆ng rơgoh păng ăn kơ lu nhôn minh anih kơjăp lăm anih 'lơ̆ng rơgoh Sư; wă kơ Kră Yang 'Bok Kei-Dei lu nhôn pơchrang ăn kơ măt lu nhôn păng ăn kơ lu nhôn hơdah oei arih 'biơ̆ tŏ sĕt kơplah lu nhôn jing đĭch đam đe.

Horiso 23:1

Kră Yang Tơ'ngla wei-lăng inh, inh ưh kơ khăi kơ kiơ.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Tơdrông Pơđơk 1:6

Wă kơ hlôh tơdrong pơđơ̆k păng tơdrong pơtih, Lu nơ̆r bơngai gơh hơgei pơma, hăm nơ̆r lu sư pơpơn.

Tơdrông Pơđơk 10:21

Nơ̆r 'bơ̆r lu bơngai tơpăt rong arih lơ bơngai; Mă-lei lu bơngai kơwao lôch, yua kơ ưh kơ hlôh.

Tơdrông Pơđơk 22:17

Pơgling đon mơ̆ng bĕ lu bơngai hơgei pơma, Na gô pơih jơhngơ̆m ih đih sơng tơdrong hơgei inh.

Bôk Bơthô 10:12

Nơ̆r bơngai hơgei pơma pơm ăn kơ đe pơyom; mă-lei nơ̆r bơngai kơtul pơma ba tơdrong răm kơdih akâu.

Bôk Bơthô 7:5

Mơ̆ng nơ̆r lu bơngai hơgei hil bơtho. Sư 'lơ̆ng hloh kơ mơ̆ng nơ̆r bơngai kơtul hơri chơt.

Êsai 22:23

Inh gô pơ̆ng sư thoi đe pơ̆ng kơđĭnh 'bơ̆t anih kơjăp păng sư gô jing minh 'nu đe ư-ang ăn kơ hnam 'bă sư.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Je 23:29

Nơ̆r Inh hăm trŏ thoi ŭnh? Thoi mut teh tơmo pơchah? Noh Kră Yang khan.

Êsêkiên 34:23

Inh gô ăn đei minh 'nu bơngai wei rong lu sư; bơngai wei lu sư noh Đawit, đĭch đam Inh. Sư boih bơngai rong lu sư.

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Yo 10:14

Gah Inh bơngai wei triu 'lơ̆ng tơpăt păng brĕ tơpă. Inh băt kơ triu Inh, triu Inh băt kơ Inh mơ̆n,

Yo 3:10

Yêsu khan dơ̆ng kơ sư: “Liơ lu bơngai Juđê pôk ih thây bơtho lu sư boih mă ih ưh kơ hlôh tơdrong noh?

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

II Kor 10:4

Khêl đao nhôn tơblah, ưh kơ thoi khêl đao lu bơngai ala teh âu ôh. Khêl đao nhôn wă khan tơdrong 'bơ̆r mơsêh mơyang 'Bok Kei-Dei, wă pơrăm lê̆ dôm tơdrong kon bơngai gơnang sơđơ̆ng,

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

Hêbrơ 4:12

Yua kơ nơ̆r 'Bok Kei-Dei arih ling-lang, jăng dêh păng han hloh kơ đao 'bar pah măt, 'bet han klĕch tơ sĕch huan kơting, hrĕch kơtĕch jơhngơ̆m đơ̆ng bơhngol. Tơdrong Sư sek tơlang bơ̆n thoi noh. Sư băt tôm tơdrong đon tơchĕng kon bơngai 'maih pơm.

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.