Bôk Bơthô 11:5 - Sơ̆p Hlabơar Nơ̆r 'Bok Kei-Dei

⁵ Kon bơngai ưh kơ băt trong kial tơthu năm tơ yơ, sư kư̆m thoi ưh kơ băt kon nge lăm klak mĕ pơjing thoi yơ, na kư̆m lei-lăi thoi noh mơ̆n, ih ưh kơ hlôh ôh tơdrong jang Kră Yang 'Bok Kei-Dei, Tơ'ngla pơjing kơ tôm tơmam.

Bôk Bơthô 11:5 ပူးပေါင်းရင်းမြစ်များ

Jop 37:23

Kră Yang Kră Yang Tih Hloh, lu bơ̆n ưh kơ gơh năm jê̆. Tơdrong mơsêh Sư tih krưp dêh, tơdrong 'lơ̆ng tơpăt Sư sĭt tơpă ưh kơ đei layơ wă pơjuă bơngai bu.

Jop 38:4

Kơplah Inh dan hơnă plei teh, ih oei tơ yơ? Tơdah ih hlôh hơdah, roi ăn kơ Inh bĕ.

Jop 5:9

Sư pơm dôm tơdrong tih-tin, ưh kơ đei bu hlôh, Tơdrong hlĭch chrơp ưh pă kĕ jô̆.

Horiso 104:24

Ơ Kră Yang, tơdrong jang Ih lơ tơpă. Hăm tơdrong gơh hơgei Ih pơjing tôm tơmam. Kơpal teh 'bĕnh-'bang kơ tơmam Ih.

Horiso 40:5

Ơ Kră Yang, 'Bok Kei-Dei inh, tơdrong jang hlĭch chrơp Ih đei pơm boih, Păng lu tơdrong Ih tơchĕng kơ lu nhôn. Ưh kơ gơh pơting bu hăm Ih.b Tơdah inh wă ră roi dah tơbăt. Tơpă lơlap dêh ưh kơ kĕ kơ jô̆,

Horiso 92:5

Ơ Kră Yang, tơdrong jang Ih tih tơpă. Tơdrong tơchĕng Ih jrŭ dêh.

Bôk Bơthô 1:13

Inh nŏng kơ yua tơdrong gơh hơgei wă tơchĕng pơwao dôm tơdrong jang tơ ala teh âu; noh jơ̆ minh tơdrong gleh hrat mă 'Bok Kei-Dei pơjao boih kơ kon bơngai wă kơ jang.

Bôk Bơthô 1:6

Kial tơthu tơ gah gơal, wơ̆t tơ gah yă-nơ̆m, sư wơ̆t wih ưh kơ pơdơh, đơ̆ng noh wơ̆t tơ đêl trong sư blŭng-a dơ̆ng.

Bôk Bơthô 11:4

Bu lăng kơ kial bơngai noh gô ưh kơ rei; bu lăng kơ hơmơ̆l, sư noh gô ưh kơ năm kĕch yuă.

Bôk Bơthô 3:10

Inh 'bôh boih tơdrong Kră Yang 'Bok Kei-Dei pơjao ăn kơ kon bơngai.

Bôk Bơthô 3:11

Kră Yang 'Bok Kei-Dei pơjing bơih Sư 'lơ̆ng rŏ ngăl lăm jơ 'năr Sư. Sư kư̆m đei ăn kơ kơ̆l 'ngok kon bơngai băt kơ chăl đơ̆ng rŏng. Mă-lei ưh kơ đei bu kĕ băt hlôh kơ Kră Yang 'Bok Kei-Dei pơm đơ̆ng blŭng-a truh tơ ning-mônh.

Bôk Bơthô 7:24

Dôm, tơdrong hơgei tă kơ ataih jrŭ dêh, kơ̆l 'ngok kon bơngai.

Bôk Bơthô 8:17

Inh kư̆m 'bôh tôm tơdrong jang Kră Yang 'Bok Kei-Dei, inh băt kon bơngai ưh kơ kĕ hlôh đĭ kơ dôm tơdrong đei truh tơ ala teh âu, mă khan nŏng hĭ tôch bơneh kư̆m ưh kơ kĕ hlôh kiơ; păng mă khan bơngai hơgei ngeh khan gô băt, kư̆m ưh kơ kĕ kơ băt 'mơ̆i.

Êsai 40:28

Lơliơ iĕm ưh kơ băt hă? Ưh tam kơtơ̆ng hă? Kră Yang arih ling-lang Sư bơih, Tơ'ngla pơjing plĕnh teh, ưh kơ gleh lap ôh; păng tơdrong hlôh băt Sư ưh kơ đei bu gơh hlôh.

Yo 3:8

Kial sư thu gô mơ̆ng kơ sư wă, bơ̆n kơtơ̆ng jơwa sư, mă-lei bơ̆n ưh kơ băt sư thu đơ̆ng yơ wă năm tơ yơ. Na Yang Bơhngol 'Lơ̆ng Sư kư̆m pơm kơ bơ̆n thoi noh mơ̆n; bơ̆n ưh kơ băt Sư pơm thoi yơ mă-lei bơ̆n băt kơ Sư ăn kơ bơ̆n tơpŭ ming 'nao tơpă.”

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.