Bôk Bơthô 11:2 - Sơ̆p Hlabơar Nơ̆r 'Bok Kei-Dei

² Ih athei chă asong kơ tơpơh 'nu, tơhngam 'nu, truh tơ lơ bơngai, yua ưh kơ băt năr ayơ gô đei tơdrong truh kơ ih.

Bôk Bơthô 11:2 ပူးပေါင်းရင်းမြစ်များ

Ne 8:10

Nêhêmi pơma khan kơ lu sư thoi âu: Năm sa bĕ tơmam kiơ bek, huch nhă bĕ sik hơmu 'ngam păng tơgŭm lu bơngai ưh kơ đei hơmet sa tơmam kiơ; yua kơ 'năr 'nâu jơ̆ năr 'lơ̆ng rơgoh, 'măn kơ Kră Yang lu bơ̆n. 'Nĕ kơ sơ'ngon, yua kơ tơdrong hiôk chơt đơ̆ng Kră Yang pơm kơ jơhngơ̆m lu iĕm pran.

Esther 9:19

Yua kơ noh lu bơngai Juđa oei lăm pơlei iĕ, iŏk năr mơjĭt-puăn khei Adar pơih minh năr pơm sŏng sa tih chơt hiôk 'blŏk hơdơ̆r pơm năr giĕng pơdơh, lăm năr noh lu sư gơih băl tơmam lăng jơ̆ng ti tơduă lu sư.

Esther 9:22

yua kơ lăm năr păng khei ei lu bơngai Juđa klaih rơngei đơ̆ng lu bơngai ayăt kơ lu sư păng lu sư gơh đei rơnŭk rơnua. Tơdrong ơh sơ'ngon tơplih boih jing tơdrong chơt hiôk, tơdrong pơmat-tat tơplih boih jing năr sŏng sa chơt hiôk. Sư pơkă kơ lu sư pơm năr noh jing năr giĕng sŏng sa chơt hiôk tơăn băl tơmam lăng jơ̆ng ti păng tơgŭm bơngai dơnuh hin.

Jop 5:19

Ih đei tơ'bơ̆p tơdrong pơmat-tat tơdrâu tơpơh 'măng, Sư oei dŏng pơklaih ih.

Horiso 112:9

Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư

Tơdrông Pơđơk 19:17

Bơngai bu băt mơnat kơ bơngai dơnuh hoh, noh thoi ăn kơ Kră Yang mơng; Kră Yang pơkă wă tơwih ăn thoi tơdrong 'lơ̆ng sư pơm.

Tơdrông Pơđơk 6:16

Đei tơdrâu tơdrong mă Kră Yang areh, Tơpơh tơdrong Kră Yang lăng krưp dêh.

Bôk Bơthô 11:3

Mưh đei hơmơ̆l găm noh wă đei 'mi jur; mưh 'long păk tơ gah gơal dah păk tơ gah yă-nơ̆m, mă păk 'bơ̆t yơ, 'bơ̆t yơ sư oei 'bơ̆t dei.

Bôk Bơthô 11:8

Dah bơngai arih sot 'bôh hơdah đunh sơnăm, lei athei chơt hiôk bĕ tôm dôm lu sơnăm noh; mă-lei athei 'blŏk gô đei năr măng mu kơnê̆ păng gô đei lơ tơdrong tơ anăp bơ̆n ưh tam băt hơđăl thoi yơ tơpă.

Bôk Bơthô 12:1

'Blŏk bĕ kơ Tơ'ngla mă pơjing ih kơplah ih oei hơmuh hơmŏng, 'blŏk adrol kơ lu năr kơnê̆ wă truh, adrol kơ lu sơnăm mă ih khan: Inh pă hiôk lu sơnăm 'nâu;

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Mi 5:5

Lu sư gô yua đao blah pơrăm dêh Asiri păng lu 'măng jang Nimrôt; păng Sư gô dŏng pơklaih bơ̆n đơ̆ng lu bơngai Asiri, tơdah lu sư mơ̆t lăm teh đak bơ̆n păng teh pơjuă lăm anih noh.

Mathiơ 18:22

Yêsu khan: “Ưh ôh. Inh wă kơ ih huay kơ jô̆ yo truh tơ dôm hrĕng 'măng.

Mathiơ 5:42

Bu apinh tơmam iĕm, iĕm athei asong; bu apinh mơng, iĕm athei ăn 'bônh.

Luka 17:4

Dah sư pơm yoch kơ iĕm tơpơh 'măng lăm minh năr, na rim 'măng sư yoch kơ iĕm sư kư̆m năm hơlêm iĕm, lei iĕm 'nĕ pă jô̆ yo kơ sư dơ̆ng.”

Galati 6:1

Ơ 'nhŏng oh, dah iĕm 'bôh lu 'nhŏng oh bơ̆n bơngai lui pơm tơdrong yoch, na lu iĕm mă lui kơjăp, iĕm athei tơgŭm sư pơm mă 'lơ̆ng hŏ. Iĕm tơgŭm sư, iĕm kư̆m athei 'mêm mơnat kơ sư mơ̆n, 'nĕ hil kơ sư păng iĕm athei kơchăng akâu iĕm kơdih mơ̆n, hli kơ yang Satan kư̆m wă pơhlŭ pơlung iĕm.

Êphêsô 5:16

Bơ̆n athei adrin pơm 'lơ̆ng hăm adrin ră roi kơ đe tơdrong Yêsu Krist yua kơ dang ei đei lơ bơngai kơnê̆ tơpă.

Hêbrơ 13:3

Iĕm athei mơnat kơ lu bơngai mă đe phak, kư̆m dang đe phak iĕm mơ̆n. Păng iĕm athei băt mơnat kơ lu bơngai mă đe pơmat sư, yua kơ bơ̆n kư̆m hơdai minh sĕch akar thoi sư.

I Sam 25:8

Ih apinh bĕ lu đĭch đam ih, lu sư gô roi ăn kơ ih. Apinh ih ăn kơ lu tơdăm mơlôh inh đei mơnat 'bơ̆t anăp ih, yua kơ lu nhôn năm tơ âu trŏ kơ năr giĕng 'lơ̆ng rŏ. Đah lăm tơpang ti ih đei tơmam kiơ, asong bĕ kơ lu đĭch đam ih păng ăn kơ kon ih Đawit.