Bôk Bơthô 11:1 - Sơ̆p Hlabơar Nơ̆r 'Bok Kei-Dei

¹ Gơih bĕ mŭk tơmam ih tơ kơpal đak, na ning-mônh kơnh ih gô đei sư dơ̆ng.

Bôk Bơthô 11:1 ပူးပေါင်းရင်းမြစ်များ

II Sam 17:29

đak sut, đak toh iŭ, triu păng 'bĕng đak toh rơmo, wă ăn kơ Đawit păng lu linh sư sa, yua kơ lu sư băt kon pơlei ơ̆t ưh kơ đei por ol kơ đak păng gleh glăn pơmat-tat dêh lăm char glă.

Tơdrông Pơđơk 11:18

Bơngai pơm kơnê̆ sa apah đơ̆ng tơdrong hơlĕnh; Mă-lei lu bơngai pơm 'lơ̆ng đei tơdrong apah sĭt.

Tơdrông Pơđơk 19:17

Bơngai bu băt mơnat kơ bơngai dơnuh hoh, noh thoi ăn kơ Kră Yang mơng; Kră Yang pơkă wă tơwih ăn thoi tơdrong 'lơ̆ng sư pơm.

Tơdrông Pơđơk 22:9

Bơngai bu đei măt lăng mơnat sư gô đei pŭn hiôk. Yua kơ sư đei tơgŭm tơmam sa kơ lu bơngai dơnuh hin.

Bôk Bơthô 11:6

Pơgê hrôih, ih athei drôih rei adrĕch mă-lei gah kơsơ̆ 'nĕ kơ kuăr ti pơdơh; yua kơ ih ưh kơ băt ôh găr ayơ gô chăt 'lơ̆ng, găr 'nâu dah găr to dah pơđĭ 'bar tŏ găr adrĕch noh chăt 'lơ̆ng ngăl hloi.

Bôk Bơthô 3:6

Đei năr chơchă, đei năr sư hiong, Đei khei năr răk mong, đei năr hŭt lê̆;

Êsai 32:20

Pŭn dêh kơ lu iĕm rei adrĕch jê̆ tơter đak, achăng rơmo aseh chă sa mơ̆ng kơ wă.

Êsai 32:8

Mă-lei lu bơngai 'lơ̆ng sư chă đon 'lơ̆ng, sư ling-lang jang hăm tơdrong 'lơ̆ng sư.

Lêwi 19:25

Truh lăm sơnăm mă pơđăm lu iĕm gơh sa plei noh, wă kơ plei rai lơ hloh ăn kơ iĕm, inh boih Kră Yang 'Bok Kei-Dei lu iĕm.

Mathiơ 10:13

Dah bơngai lăm hnam ei bơngai 'lơ̆ng tơpă, lei iĕm apinh 'Bok Kei-Dei ăn kơ hnam noh chơt hiôk khŏm khŏm; dah ưh, iĕm lê̆.

Mathiơ 10:42

Bơngai bu asong minh kơchŏk đak nhă kơ lu bôl bơ̆n mă pơm iĕ âu yua kơ bôl bơ̆n kiơ̆ Inh, bơngai 'noh 'Bok Kei-Dei gô apah sư tơpă.”

Mathiơ 25:17

Bơngai mă iŏk 'bar hlak jên maih yŏng sư noh, kư̆m pơm lei-lăi, đei lơi kơ sư 'bar hlak jên maih dơ̆ng.

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Luka 14:14

Na ih gô hiôk yua kơ lu sư ưh kơ gơh wơ̆n hơlơ̆k kơ ih dơ̆ng ôh. Na 'Bok Kei-Dei gô apah ih lăm năr lu bơngai 'lơ̆ng iung arih dơ̆ng ning-mônh.”

II Kor 9:6

Iĕm 'nĕ hiơt kơ tơdrong âu: Bơngai bu rei tŏ sĕt gô kĕch tŏ sĕt; bơngai bu rei lơ, sư gô kĕch lơ.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.