Bôk Bơthô 10:12 - Sơ̆p Hlabơar Nơ̆r 'Bok Kei-Dei

¹² Nơ̆r bơngai hơgei pơma pơm ăn kơ đe pơyom; mă-lei nơ̆r bơngai kơtul pơma ba tơdrong răm kơdih akâu.

Bôk Bơthô 10:12 ပူးပေါင်းရင်းမြစ်များ

II Sam 1:16

Đawit khan: “Pham ih tuh plơ̆ kơpal kơ̆l ih! Nơ̆r ih roi kơdih tơdrong noh, yua kơ ih khan: ‘Kơdih inh pơlôch bơngai mă Kră Yang rơih.’ ”

Jop 16:5

Mă-lei inh gô pơma pơhiôk jơhngơ̆m iĕm, pơlung iĕm wă kơ jĭ jăn iĕm rai dă 'biơ̆.

Horiso 140:9

Ăn tơdrong kơnê̆ đơ̆ng 'bơ̆r lu bơngai pơm kơnê̆ mă wang inh, huŏng klơ̆p tơ kơ̆l lu sư kơdih.

Horiso 37:30

'Bơ̆r lu bơngai tơpăt pơma lĕch gơh hơgei, Păng hơpiĕt sư roi tơdrong tơpăt.

Horiso 64:8

Kră Yang gô pơlôch lu sư, hơpiĕt lu sư gô blah plơ̆ lu sư kơdih; Đĭ-đăng lu bơngai 'bôh lu sư gô tơtreh kơ̆l.

Tơdrông Pơđơk 10:10

Bơngai bu gơ'mreh măt wă pơm kơnê̆ kơ đe, Păng hơkŭng 'bơ̆r bơngai kơhlôh 'bôh tơdrong răm.

Tơdrông Pơđơk 10:8

Bơngai bu đei đon gơh hơgei đei chu nơ̆r tơtă. Mă-lei 'bơ̆r lu bơngai kơwao gô hiong tôch.

Tơdrông Pơđơk 12:18

Bơngai kư̆ kă chă pơma han thoi 'bet klĕch hăm đao. Mă-lei hơpiĕt lu bơngai hơgei đei hơmet klaih.

Tơdrông Pơđơk 15:2

Hơpiĕt lu bơngai hơgei đei pơma hlôh wao; Mă-lei đei 'bơ̆r lu bơngai kơhlôh rai 'bôh kơtul.

Tơdrông Pơđơk 15:23

Nơ̆r tơl trŏ pơm kơ đe hiôk chơt; Nơ̆r pơma lăp kiăp trŏ 'lơ̆ng dêh.

Tơdrông Pơđơk 19:5

Bơngai kơdranh hơlĕnh ưh kơ gơh klĕnh ôh đơ̆ng tơdrong phak; Bơngai pơma hơlĕnh kư̆m ưh kơ gơh klĕnh klaih.

Tơdrông Pơđơk 22:11

Bơngai bu chă wă 'mêm kơ jơhngơ̆m 'lơ̆ng rơgoh noh pơma nơ̆r băt mơnat. Gô pơm buăl juăt hăm pơtao.

Tơdrông Pơđơk 26:9

Nơ̆r pơđơ̆k lăm 'bơ̆r lu bơngai kơtul kơwao. Thoi jơla trŏ ti bơngai suai sik.

Tơdrông Pơđơk 31:26

Sư pơih nơ̆r 'bơ̆r pơma hơgei đei đon hlôh wao; Đơ̆ng hơpiĕt sư bơtho nơ̆r phep đep yom.

Bôk Bơthô 12:11

Nơ̆r bơngai hơgei đei tơdrong pơdrŭt pơm kơ đe 'maih đŏk; sư rơih pơrĕng lu nơ̆r pơđơ̆k 'lơ̆ng kơjăp thoi pơ̆ng kơđĭnh tơ jrăng nơ̆r noh đơ̆ng Tơ'ngla wei triu ră roi.

Bôk Bơthô 4:5

Bơngai kơtul sư kuăr ti ngôi đĕch, noh pơrăm sư kơdih.

Bôk Bơthô 5:2

'Nĕ kơ hăt pơma păng jơhngơ̆m ih 'nĕ kơ hăt hot lĕch nơ̆r pơkă 'bơ̆t anăp Kră Yang 'Bok Kei-Dei, yua kơ Kră Yang 'Bok Kei-Dei oei tơ kơpal plĕnh ti, na ih oei tơ ala teh. Lei ih athei wei 'bơ̆r rim nơ̆r pơma mă 'lơ̆ng.

Bôk Bơthô 5:6

'Nĕ ăn kơ 'bơ̆r ih pơm kơ akâu ih yoch na athei năm khan kơ 'bok soi, inh pơkă 'bơm glăi boih. Liơ ih pơm kơ Kră Yang 'Bok Kei-Dei yua kơ đơ̆ng nơ̆r ih pơkă, na mah Kră Yang pơrăm lê̆ đĭ tơdrong đêl ti ih pơm!

Bôk Bơthô 9:17

Nơ̆r bơngai hơgei pơma đei pơyom hloh kơ nơ̆r bơngai pơm yŏng kơtul ôr hơdrăi.

Mathiơ 12:35

Bơngai 'lơ̆ng, sư đei jơhngơ̆m 'lơ̆ng, sư pơma kiơ̆ 'lơ̆ng. Bơngai kơnê̆, sư đei jơhngơ̆m kơnê̆, sư pơma kiơ̆ kơnê̆.

Luka 19:22

Na yŏng sư khan: ‘Ơ dăm, ih bơngai ưh kơ chu dêh. Ih jô̆ kơ inh iŏk jên đơ̆ng iĕm mơdro thoi lĕ bơngai kĕch iŏk 'ba đơ̆ng đêl đe pơtăm hă?

Luka 4:22

Na đĭ-đăng kơ lu sư lăp đon kơ Yêsu păng lu sư kư̆m sơleng kơ đon mơ̆n yua kơ Yêsu bơtho kơ lu sư 'bơ̆r đon hơgei tơpă. Na lu sư khan: “Bơngai âu kon Yôsep dah kiơ?”

Êphêsô 4:29

Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Kôlôsê 4:6

Bơ̆n athei pơma pơhiôk lu sư ling-lang, wă kơ bơ̆n gơh drơ̆ng lu sư mă trŏ.