Bôk Bơthô 10:1 - Sơ̆p Hlabơar Nơ̆r 'Bok Kei-Dei

¹ Minh pôm roi lôch pơm kơ đak 'bâu phu jing 'bâu ôm; wơnh 'bơm tŏ sĕt đĕch pơm ăn kơ anăn bơngai hơgei đe ưh pă ư-ang.

Bôk Bơthô 10:1 ပူးပေါင်းရင်းမြစ်များ

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

Ne 13:26

Ưh kơ trŏ kơ Sôlômôn, pơtao Isơrael, đei pơm yoch kơ tơdrong noh hă? Đei lơ adrĕch adrung kon bơngai ưh kơ đei minh 'nu pơtao ayơ nhen thoi sư; sư bơngai mă Kră Yang 'Bok Kei-Dei 'mêm, na Kră Yang 'Bok Kei-Dei pôk ăn kơ sư jing pơm pơtao kơ bơngai Isơrael. Mă-lei lu drŏ-kăn tơmoi adrĕch nai pơdrŭt pơhlŭ sư pơm yoch!

Ne 6:13

Yua kơ tơ noh. Đe apah jên wă pơm kơ inh hli, wă pơhlŭ inh pơm yoch, wă gơh roi tơdrong kơnê̆ păng wă pơm kơnê̆ kơ inh.

Jop 6:3

Tơdrong noh trăp hloh kơ chuơh đak dơsĭ! Yua kơ noh bơih na inh pă kĕ ĕnh pơma.

Le 30:25

Ih athei iŏk dôm lu tơmam 'bâu phu 'noh, pơm đak rơmă 'bâu phu yua wă pơm pơgang pik 'lơ̆ng, rơgoh. Thoi đak 'bâu phu lŭk hrâu hơbĭ kiơ̆ thoi đe juăt kơ pơm rơmă 'bâu phu, sư jing đak 'bâu phu wă yua pik hling lăm tơdrong rơgoh.

Bôk Bơthô 9:18

Tơdrong hơgei đei pran hloh kơ đao hơlă, mă-lei lăp minh 'nu bơngai đĕch pơm glăi đĕch, sư pơrăm đĭ tơdrong 'lơ̆ng.

Hagai 2:12

Tơdah đe 'nŭng 'nhĕm rơgoh lăm mum ao păng kơnhŏng ao sư 'bơm tơ 'bĕng, dah tơmam kiơ mă pai sĭn, đak sik, dah đak rơmă, dah tơmam sa kiơ, na dôm tơmam noh hăm pă rơgoh ưh?’ ” Lu 'bok soi tơl thoi âu. “Ưh.”

Hagai 2:13

Hagai khan dơ̆ng: “Tơdah bu mă 'mê̆-'mach yua kơ pel akâu bơngai lôch na hơtŭt 'bơm dôm tơmam noh, na dôm lu tơmam noh hăm tơ 'bơm hơpoh 'mê̆-'mach ưh?” Lu 'bok soi tơl thoi âu: “Lu tơmam noh gô kơnê̆ 'mê̆-'mach.”