Bôk Bơthô 1:11 - Sơ̆p Hlabơar Nơ̆r 'Bok Kei-Dei

¹¹ Đe ưh pă 'blŏk boih lu chăl adrol sơ̆, lu bơngai truh đơ̆ng rŏng kư̆m ưh kơ 'blŏk lu chăl adrol noh mơ̆n.

Bôk Bơthô 1:11 ပူးပေါင်းရင်းမြစ်များ

Horiso 9:6

Lu ayăt tôch đĭ boih, hiong răm đĭ ling-lang hlŏng hloi Ih pơrăm lê̆ boih pơlei lu sư, Ưh pă đei bu 'blŏk kơ lu sư dơ̆ng.

Bôk Bơthô 1:10

Dah đei minh pôm tơmam kiơ mă đe khan: “Lăng bĕ, tơmam 'nâu 'nao,” mă tơpă tơmam noh sư hlôi đei đơ̆ng lu chăl adrol kơ lu bơ̆n sơ̆ boih.

Bôk Bơthô 2:16

Tơpă đe kư̆m ưh kơ 'blŏk kơ bơngai hơgei dah bơngai kơtul ling-lang khŏm khŏm ôh, yua kơ bơ̆n băt lăm năr hơtuch kơnh bơngai hơgei dah bơngai kơtul đe kư̆m hiơt đĭ. Ơ! Bơngai hơgei dah bơngai kơtul kư̆m lôch lei-lăi.

Bôk Bơthô 8:10

Inh kư̆m đei 'bôh lu bơngai pơm kơnê̆ lôch, đei kon pơlei 'bŭ hơmet pơ'lơ̆ng; yua kơ sư juăt kơ năm tơ hnam akŭm. Na lu bơngai pơm 'lơ̆ng, oei kơtă lăm pơlei tih đe 'bônh kơ hiơt, noh kư̆m jơ̆ tơdrong kơ đei.

Bôk Bơthô 9:5

Bơngai arih sư băt kơdih sư gô lôch; mă-lei bơngai lôch ưh pă băt kiơ boih, kư̆m ưh kơ đei tơmam apah bơnê kiơ mơ̆n, yua kơ đe gô hiơt ưh pă đei bu 'blŏk kơ lu sư dơ̆ng.

Êsai 42:9

'Nâu tơdrong adrol đei truh 'blep trŏ bơih, dang ei Inh roi ăn kơ iĕm tơdrong 'nao dơ̆ng; adrol kơ Sư wă truh, Inh roi ăn kơ iĕm băt adrol.