Bl 50:19 - Sơ̆p Hlabơar Nơ̆r 'Bok Kei-Dei

¹⁹ Jôsep tơl lu sư thoi âu: Ơ lu 'nhŏng oh 'nĕ kơ hli kơ minh tơdrong kiơ, yua kơ inh ưh kơ gơh tơplih măt Kră Yang 'Bok Kei-Dei ôh!

Bl 50:19 ပူးပေါင်းရင်းမြစ်များ

Bl 30:2

Jakôp hil kơ Rachel păng khan: Inh Kră Yang 'Bok Kei-Dei hă na gơh ăn kơ e tơpŭ kon?

Bl 45:5

Dang ei iĕm lê̆ pă tơchĕng, kư̆m lê̆ pă hmach khan tĕch inh tơ dêh char âu; noh wă kơ wei-lăng tơdrong arih lu iĕm, Kră Yang 'Bok Kei-Dei đei wơh inh năm tơ âu adrol kơ lu iĕm.

Bl 50:18

Kơdih kâu lu 'nhŏng oh sư năm drap bon tơ teh 'bơ̆t anăp Jôsep păng khan: Lu 'nhŏng oh 'nâu jing đĭch đam oh boih.

Bl 50:20

Đĭ lu 'nhŏng wă pơrăm inh ră, mă-lei Kră Yang 'Bok Kei-Dei pơm kơ inh đei yua, wă kơ dŏng pơklaih lơ bơngai, thoi noh dôm tơdrong mă đei truh dang ei păng oei wă wei rong tơdrong arih lơlang lơlap kon pơlei.

II Pot 5:7

Lăp pơtao đe Isơrael đŏk kơthơ noh, na sư hek hloi ao sư kơdih păng khan: “Inh Kră Yang 'Bok Kei-Dei hă na gơh pơlôch păng gơh pơrih? Na bơngai âu gơih nơ̆r sư khan athei inh pơklaih bơngai jĭ chin. Bơ̆n răp lăng inh băt sư 'maih chă tơdrong pơm ayăt kơ inh 'nâu.

Mathiơ 14:27

Mă-lei Yêsu thar khan kơ lu sư: “Iĕm 'nĕ pă hli, Inh âu lah.”

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

Hêbrơ 10:30

Yua kơ 'Bok Kei-Dei khan sơ̆ boih thoi âu: “Lê̆ kơ Inh pơm tơwih kơ lu bơngai pơm kơnê̆.” Sư khan dơ̆ng thoi âu: “Inh gô sek tơlang lu kon pơlei pơla Inh.” Sư khan thoi noh, bơ̆n băt kơ Sư wă pơm tơpă.