Bl 50:18 - Sơ̆p Hlabơar Nơ̆r 'Bok Kei-Dei

¹⁸ Kơdih kâu lu 'nhŏng oh sư năm drap bon tơ teh 'bơ̆t anăp Jôsep păng khan: Lu 'nhŏng oh 'nâu jing đĭch đam oh boih.

Bl 50:18 ပူးပေါင်းရင်းမြစ်များ

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

Bl 41:43

Na athei hao gre đơ̆ng rŏng kơ gre pơtao, đei bơngai yak adrol ôr khan thoi âu: Drap kơkuh bĕ! Âu đei jao kơ Jôsep wă pơgơ̆r đĭ dêh char Êyiptơ boih.

Bl 42:6

Na kơplah 'nâu, trŏ kơ Jôsep pơgơ̆r lăm dêh char Êyiptơ noh păng kư̆m tĕch ăn 'ba kơ đĭ-đăng kon pơlei. Lu đe 'nhŏng Jôsep truh, drap bon kơkuh 'bơ̆t anăp sư;

Bl 44:14

Juđa hăm đĭ-đăng 'nhŏng oh sư mơ̆t dơ̆ng tơ lăm hnam Jôsep; sư oei lăm hnam noh; lu sư drap bon tơ teh kơkuh 'bơ̆t anăp sư.

Bl 45:3

Jôsep khan kơ lu 'nhŏng oh sư thoi âu: Inh boih Jôsep. 'Bă inh oei arih ưh? Mă-lei 'bơ̆t anăp sư lu 'nhŏng oh sư kơdih rŭng răng ưh kơ đei bu gơh pơma.

Bl 50:17

Năm pơma bĕ hăm Jôsep thoi âu: Ơ Jôsep apinh ih mơnat ăn kơ tơdrong yoch glăi đêl lu 'nhŏng pơm yoch glăi păng ih, lu sư đei pơm yoch păng ih boih ră; mă-lei 'bă apinh ih 'nĕ pă jô̆ yo kơ đĭch đam Kră Yang 'Bok Kei-Dei 'bă. Kơtơ̆ng dôm nơ̆r noh Jôsep nhơ̆m.

Bl 50:19

Jôsep tơl lu sư thoi âu: Ơ lu 'nhŏng oh 'nĕ kơ hli kơ minh tơdrong kiơ, yua kơ inh ưh kơ gơh tơplih măt Kră Yang 'Bok Kei-Dei ôh!