Bl 50:13 - Sơ̆p Hlabơar Nơ̆r 'Bok Kei-Dei

¹³ Chơ ba atâu 'bă lu sư wih brŏk tơ Kanaan 'bŭ lăm hơgơp tơmo tơ bri Makbêla jê̆ Mamrê mă đêl Abraham răt hloi hăm mir chŭn Êphrôn, đơ̆ng bơngai Hêtit, wă pơm bơsat.

Bl 50:13 ပူးပေါင်းရင်းမြစ်များ

Bl 23:20

Mir păng gơp tơmo đơ̆ng lu bơngai Hêtit pơjao, noh wă khan Abraham yua teh noh pơm bơsat.

Bl 23:9

Wă kơ sư asong ăn kơ inh gơp tơmo tơ Makbêla, 'bơ̆t tơklă kơ̆l mir sư, tĕch mă trŏ, wă kơ inh gơh đei teh kơdih pơm bơsat wă 'bŭ.”

Bl 25:8

Sơnăm sư đĭ lơ, akâu đĭ kră, arih kư̆m hrăp boih, đơ̆ng noh sư kơtĕch jơhngơ̆m, brŏk kiơ̆ yă 'bok.

Bl 25:9

'Bar 'nu bre kon drŏ-nglo sư, Isăk păng Ismael, 'bŭ 'bă bre sư lăm gơp tơmo Makbêla tơ anih bri Êphrôn kon drŏ-nglo Sôhak, bơngai Hêtit, jê̆ Mamrê.

Bl 35:27

Jakôp truh tơ Isăk, 'bă sư, tơ Mamrê jê̆ pơlei Kiriat, wă khan Hêbrôn, anih pơlei mă bre Abraham păng Isăk oei.

Bl 35:29

Sư arih sot, sư arih hrăp boih lăm chăl arih sư, na kơtĕch jơhngơ̆m kiơ̆ yă 'bok. Êsâu păng Jakôp 'bar 'nu kon drŏ-nglo sư 'bŭ 'bă bre sư.

Bl 46:4

Kơdih kâu Inh gô jur oei hơdai ih tơ noh păng Inh kơdih gô chông ih brŏk dơ̆ng. Jôsep gô prot măt ih.

Bl 47:30

Mưh 'bă pơdơh kiơ̆ 'bok yă boih, athei tơlĕch 'bă đơ̆ng dêh char Êyiptơ âu, 'bŭ hơdai bơsat 'bok. Jôsep drơ̆ng 'bă sư thoi âu: Kon gô pơm kiơ̆ nơ̆r 'bă đei bơtho khan.

Bl 50:12

Thoi noh lu kon drŏ-nglo Jakôp pơm kiơ̆ thoi nơ̆r 'bă lu sư hơpơi.

Bl 50:14

'Bŭ 'bă sư đang boih, Jôsep hăm đĭ-đăng lu 'nhŏng oh păng lu kon pơlei mă đêl kiơ̆ 'bŭ wih jur brŏk tơ dêh Êyiptơ.

II Pot 21:18

Manase lôch thoi tep hiôk hăm lu 'bok kơdră sư, đe 'bŭ sư tơ lăm pơgar pơkao Usa. Pơgar pơkao lăm anih pơtao. Ammôn kon drŏ-nglo sư pơgơ̆r pơtrơp sư.

Jang 7:16

Đe tung atâu lu sư tơ Pơlei Sichem 'bŭ sư jê̆ bơsat Abraham. Abraham răt teh bơsat noh đơ̆ng đe Emmor. Lu sư oei tơ Pơlei Sichem.