Bl 49:33 - Sơ̆p Hlabơar Nơ̆r 'Bok Kei-Dei

³³ Kơplah sư hơpơi pơma dôm nơ̆r noh kơ lu kon drŏ-nglo sư đang boih, na Jakôp yon jơ̆ng sư tơ giơng dơ̆ng, na kơtĕch jơhngơ̆m, wih brŏk kiơ̆ yă 'bok sư.

Bl 49:33 ပူးပေါင်းရင်းမြစ်များ

Bl 15:5

Na Kră Yang chông sư tơ đaih păng khan: “Ih athei ngoi lăng tơ plĕnh. Dah ih kĕ jô̆ lu sơnglŏng jô̆ bĕ.” Kră Yang khan dơ̆ng: “Adrĕch adrung ih kư̆m gô thoi noh.”

Bl 25:17

Ismael arih đei minh-hrĕng pêng-jĭt tơpơh sơnăm, na kơtĕch jơhngơ̆m lôch; na brŏk kiơ̆ yă 'bok.

Bl 25:8

Sơnăm sư đĭ lơ, akâu đĭ kră, arih kư̆m hrăp boih, đơ̆ng noh sư kơtĕch jơhngơ̆m, brŏk kiơ̆ yă 'bok.

Bl 35:29

Sư arih sot, sư arih hrăp boih lăm chăl arih sư, na kơtĕch jơhngơ̆m kiơ̆ yă 'bok. Êsâu păng Jakôp 'bar 'nu kon drŏ-nglo sư 'bŭ 'bă bre sư.

Bl 49:1

Jakôp krao lu kon drŏ-nglo sư akŭm păng sư khan thoi âu: Akŭm tơ âu bĕ, inh gô roi ăn kơ iĕm tơdrong gô truh kơ lu iĕm ning-mônh.

Bl 49:29

Đơ̆ng noh, sư đei pơma pơkă kơ lu kon drŏ-nglo sư thoi âu: 'Bă gô brŏk kiơ̆ 'bok yă, lu đe kon gô 'bŭ 'bă hơdai 'bok yă, tơ anih trôm tơmo lăm mir Êphrôn, bơngai Hêtit.

Bl 49:32

Mir chŭn păng hơgơp tơmo tơ noh mă đei răt đơ̆ng kon pơlei Hêtit.

Bl 50:1

Jôsep kŭp kơ̆l 'bơ̆t muh măt 'bă sư, chŭm 'bă sư păng hmoi.

II Pot 13:14

Êlisê jĭ, yua kơ jĭ 'noh na sư lôch, Jêhôas, pơtao đe Isơrael năm lăng sư kơplah sư oei jĭ, nhơ̆m 'bơ̆t anăp sư păng khan: “Ơ 'bă inh ơi! Ơ 'bă inh ơi! Gre aseh păng linh hao aseh lu đe Isơrael ơi!”

II Pot 13:20

Na Êlisê lôch, đe 'bŭ sư. Lăm char noh truh lăm sơnăm 'nao đei khŭl linh đe Môap ngăl mơ̆t wă blah dêh char sư.

Jop 14:10

Mă-lei kon bơngai dah lôch bơih, pă đei kiơ, kon bơngai kơtĕch jơhngơ̆m năm tơ yơ?

Jop 30:23

Inh băt tơpă Ih wă ba inh tơ tơdrong lôch. Anih pơkă wă 'măn kơ lu bơngai arih.

Jop 5:26

Ih gô brŏk tơ bơsat kơplah ih 'lŏ kră sot lơ sơnăm thoi hơchô̆ 'ba truh tơ anih preh 'ba lăp bơyan.”

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Luka 2:29

“Ơ Kră Yang, dang ei Ih ăn kơ inh mă đĭch Ih âu lôch achăng lê̆ teh đak âu hiôk-hian. Kiơ̆ thoi Ih khan kơ inh sơ̆,

Jang 7:15

Na Jakôp năm oei tơ dêh char Êyiptơ. Sư lôch tơ ei hloi păng đĭ-đăng kon sư lu kơdră bơ̆n kư̆m lôch tơ ei mơ̆n.

Hêbrơ 11:22

Yôsep kư̆m lui kơjăp, na hơdrol kơ sư wă lôch, sư pơma khan lê̆ hơdrol gah tơdrong ning-mônh 'Bok Kei-Dei wă tơlĕch lu bơngai Isơrael đơ̆ng dêh Êyiptơ păng pơkă athei chĕp ba kơting sư 'bŭ tơ dêh sư kơdih.

Hêbrơ 12:23

Bơ̆n gô tŏk kiơ̆ truh tơ lu kon kơdră 'Bok Kei-Dei mă đe đei chih anăn lu sư tơ Pơlei 'Bok Kei-Dei. Păng bơ̆n gô mơ̆t truh tơ anih 'Bok Kei-Dei tơ'ngla mă sek tơlang đĭ rim 'nu bơngai. Păng bơ̆n gô năm truh tơ bơhngol lu bơngai 'lơ̆ng tơpăt mă 'Bok Kei-Dei ăn hiôk oei hơdai hăm Sư.