Bl 49:28 - Sơ̆p Hlabơar Nơ̆r 'Bok Kei-Dei

²⁸ Lu bơngai noh jing kơ̆l kơ mơjĭt-'bar adrĕch Isơrael; păng noh boih nơ̆r 'bă lu sư pơma 'bơ̆t kơplah 'bă sư sơkat wă kơ đei pŭn hiôk, hơpơi sơkat ăn pŭn hiôk kơdih kơdih rim 'nu kơ lu kon sư.

Bl 49:28 ပူးပေါင်းရင်းမြစ်များ

Bl 35:22

Kơplah, lu đe Isơrael oei tơ dêh noh, na Rubên đei năm 'bĭch hơdai Bila, akăn kơnhŏng 'bă sư; Isơrael băt tơdrong noh.

Bl 49:27

Bênjamin thoi kŏ-so ngăl kăp hek, Pơgê hrôih drôih chă kăp sa sem bri. Gơsơ̆ klah asong sem bri mă đei boih.

Bl 49:29

Đơ̆ng noh, sư đei pơma pơkă kơ lu kon drŏ-nglo sư thoi âu: 'Bă gô brŏk kiơ̆ 'bok yă, lu đe kon gô 'bŭ 'bă hơdai 'bok yă, tơ anih trôm tơmo lăm mir Êphrôn, bơngai Hêtit.

I Pot 18:31

Êli iŏk mơjĭt-'bar tŏ tơmo kiơ̆ kơsô̆ mơjĭt-'bar adrĕch kon drŏ-nglo Jakôp, bơngai mă nơ̆r Kră Yang khan: “Anăn ih gô krao Isơrael.

Esther 8:11

Lăm hla bơar chih noh pơtao ăn lu bơngai Juđa lăm rim pơlei gơh akŭm băl hơdai wă dŏng tơdrong arih lu sư kơdih wă pơrăm pơlôch wă pơtôch tơhiong lu linh lu pơlei dah mă lu char wă pơrăm lu sư, hăm lu kon akăn lu sư, kư̆m ăn kơ lu sư gơh blah tơgar iŏk mŭk tơmam lu đe ayăt kơ lu sư.

Esther 8:7

Pơtao Asêrus khan kơ yă pơtao Esther păng Morđêkai bơngai Juđa thoi âu: 'Nâu inh jao boih hnam Haman kơ yă pơtao Esther, đe hrek atol boih Haman tơ kơpal gơ̆ng, yua kơ sư wă pơrăm bơngai Juđa.

Esther 8:9

Lăm năr noh hloi, năr 'bar-jĭt pêng khei pêng wă khan khei Siwan, kơplah noh bre Esther păng Morđêkai krao akŭm thây chih hla bơar lu sư chih kiơ̆ kơ nơ̆r Morđêkai pơtă chih ăn kơ adrĕch Juđa, gơih ăn kơ lu kuan tih lu kră pơgơ̆r char, kră pơgơ̆r tơring iŏk đơ̆ng Ânđô̆ truh tơ Êthiôpi, wă khan minh-hrĕng 'bar-jĭt tơpơh tŏ tơring char. Lu sư chih ăn tơring ayơ kiơ̆ kơ chư păng nơ̆r sư kơdih, chih ăn kơ lu adrĕch ayơ kiơ̆ kơ nơ̆r pơma lu sư kơdih, ăn kơ adrĕch Juđa kiơ̆ kơ chư păng nơ̆r pơma lu sư kơdih.

Le 28:21

Gô đei đĭ-đăng mơjĭt-'bar găr, kiơ̆ kơ lu anăn kon drŏ-nglo Isơrael; tơ kơpal rim kơ găr tơmo rang 'noh đe chrek anăn minh 'nu lăm mơjĭt-'bar adrĕch adrung lu kon drŏ-nglo Isơrael, nhen thoi đe pơm tơmam tơdra kơtĭt 'noh.

Jo 23:24

To, đei minh khŭl kon pơlei iung thoi dăm-brang akăn, Păng iung dang dơ̆ng thoi dăm-brang tơno; Dĭng truh tơ đei rôp sa kon sem na mă drum, Păng huch sa pham lu kon sem mă đêl lu sư rôp sa.

Jang 26:7

Đĭ-đăng mơjĭt-'bar khŭl adrĕch bơngai Juđê bơ̆n chang gô 'Bok Kei-Dei ăn tơdrong Sư pơkă 'noh. Yua kơ thoi noh lu bơ̆n ling-lang oei kơkuh kơ 'Bok Kei-Dei hăm đĭ jơhngơ̆m bơ̆n. Ơ 'bok pơtao, yua kơ inh kư̆m chang gô tơdrong pơkă 'noh mơ̆n, lu bơngai Juđê jâu inh.

Both 33:1

'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.

Tơdrông Tơ'bôh 7:4

Inh kơtơ̆ng đe khan sư wă chơ̆m đŏng yâu tơ klĕng rim kơ adrĕch adrung lu bơngai Isơrael truh kơ minh-hrĕng puăn-jĭt puăn-rơbâu 'nu đĭ-đăng.