Bl 49:25 - Sơ̆p Hlabơar Nơ̆r 'Bok Kei-Dei

²⁵ Kră Yang 'Bok Kei-Dei đơ̆ng 'bă gô tơgŭm e; Kră Yang mơsêh mơyang gô ăn pŭn hiôk kơ e, Wă khan tơdrong pŭn hiôk jruh đơ̆ng plĕnh. Hăm tơdrong pŭn hiôk jruh đơ̆ng anih jrŭ. Tơdrong pŭn hiôk đơ̆ng toh păng đơ̆ng lăm klak mĕ.

Bl 49:25 ပူးပေါင်းရင်းမြစ်များ

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 27:28

Apinh Kră Yang 'Bok Kei-Dei ăn kơ kon 'mui tŭk đơ̆ng plĕnh jur, Wă kơ đei mơ̆r kơ teh. Păng đei phe 'ba hăm sik plei hơmu rơkah rơkai.

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Bl 28:21

Păng inh wih brŏk tơ hnam 'bă inh, hiôk-hian, na Kră Yang jing Kră Yang 'Bok Kei-Dei inh.

Bl 28:3

Apơi apinh Kră Yang 'Bok Kei-Dei mơsêh mơyang ăn tơdrong pŭn hiôk kơ e, ăn kơ e pơjing hơ'lơ̆p rai lơ, wă kơ jing minh adrĕch adrung tih kơdrâ̆m.

Bl 32:9

Đơ̆ng noh Jakôp krao khan thoi âu: “Ơ Kră Yang 'Bok Kei-Dei kơ 'bok inh 'bok Abraham. 'Bă inh Isăk, wă khan Kră Yang! Ih đei bơtho pơkă kơ inh thoi âu: ‘Wih brŏk bĕ tơ tơring ih tơ 'nhŏng oh, kơtum kơtŏng ih, na Inh gô ăn pŭn hiôk kơ ih.’

Bl 35:11

Kră Yang 'Bok Kei-Dei khan dơ̆ng thoi âu: Inh boih Kră Yang 'Bok Kei-Dei mơsêh mơyang, ih athei pơjing kon hơ'lơ̆p mă rai lơ; jing minh adrĕch adrung kơdrâ̆m păng lơ adrĕch adrung gô đơ̆ng ih, kư̆m đơ̆ng adrĕch adrung ih gô đei lu pơtao.

Bl 35:3

Klaih kơ noh bơ̆n iung, yak năm tơ Bethel, tơ anih noh inh gô pơm minh pôm chơnang soi kơ Kră Yang 'Bok Kei-Dei, Yang mă đei tơl tơwih kơ inh năr inh đei tơdrong hli krưp păng Yang mă đei tơgŭm inh lăm năr inh oei yak rok trong.

Bl 43:23

Bơngai wei hnam khan; hiôk-hian bĕ iĕm 'nĕ kơ hli minh tơdrong kiơ! Noh đơ̆ng Kră Yang 'Bok Kei-Dei lu iĕm, mă Kră Yang 'Bok Kei-Dei 'bă lu iĕm, đei ăn tơmam gĭt tơ lăm 'bi lu iĕm. Lu jên iĕm inh iŏk boih. Đơ̆ng noh sư ba Simêôn năm tơ 'nhŏng oh lu sư;

Bl 48:3

Jakôp khan kơ Jôsep thoi âu: Kră Yang 'Bok Kei-Dei mơsêh mơyang đei tơ'bôh kơ inh păng ăn kơ inh tơdrong pŭn hiôk tơ Lus, lăm dêh Kanaan.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Horiso 85:12

Sĭt tơpă, Kră Yang gô ăn pŭn hiôk, Păng teh bơ̆n gô đei plei sa.

Le 18:4

păng minh 'nu anăn Êliêser,b yua kơ sư đei khan Kră Yang 'Bok Kei-Dei 'bă inh tơgŭm păng pơklaih inh đơ̆ng đao gưm Pharaôn.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

Both 33:1

'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.

Both 8:17

Kơchăng bĕ, 'nĕ chă pơma lăm jơhngơ̆m khan: Noh yua kơ đơ̆ng tơdrong hơgei păng pran kơtang tơpang ti inh na mă gơh đei dôm mŭk tơmam mơdrŏng 'nâu.

Philip 4:19

Kră Yang bơ̆n 'Bok Kei-Dei mơdrŏng tih tơpă, Sư gô tơgŭm iĕm tôm tơdrong tơmam iĕm kăl yua, kơlih kơ iĕm lui kơ Yêsu Krist.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.