Bl 49:24 - Sơ̆p Hlabơar Nơ̆r 'Bok Kei-Dei

²⁴ Đơ̆ng ti Kră Yang mơsêh Jakôp, Thoi noh hră sư huay kơ pơpơ̆; Đơ̆ng Kră Yang wei-lăng triu brĕ, noh tơmo kŭk Isơrael. Na 'bar pah ti sư jing pran.

Bl 49:24 ပူးပေါင်းရင်းမြစ်များ

Bl 45:11

Tơ noh inh gô wei-lăng 'bă, yua kơ oei pơđăm sơnăm pơngot rơwĕt hli kơnh 'bă, hnam dơnŏ 'bă păng đĭ-đăng mŭk tơmam gô hiong hiach.

Bl 45:5

Dang ei iĕm lê̆ pă tơchĕng, kư̆m lê̆ pă hmach khan tĕch inh tơ dêh char âu; noh wă kơ wei-lăng tơdrong arih lu iĕm, Kră Yang 'Bok Kei-Dei đei wơh inh năm tơ âu adrol kơ lu iĕm.

Bl 45:7

Kră Yang 'Bok Kei-Dei wơh inh năm tơ âu adrol, wă kơ lu iĕm oei đei ioi adrĕch kơpal teh âu, wă gơnang kơ minh tơdrong pơklaih tih wă oei bơwei tơdrong arih ăn kơ 'nhŏng oh.

Bl 47:12

Jôsep asong kiơ̆ kơ kơ̆l bơngai, asong tơmam sa kơ 'bă sư, lu 'nhŏng oh sư păng đĭ-đăng hnam dơnŏ 'bă sư.

Bl 48:15

Đơ̆ng noh sư sơkat ăn kơ Jôsep đei pŭn hiôk. Apơi apinh Kră Yang 'Bok Kei-Dei 'bok inh Abraham păng 'bă inh Isăk chu yom Kră Yang 'Bok Kei-Dei mă wei rong inh đơ̆ng oei nge sơ̆ khơ̆ dang ei.

Bl 49:23

Lu bơngai chĕp hră pơgreh sư. Prah 'brơ̆m tơ sư păng drŭt blah.

Bl 50:21

Thoi ei, 'nĕ kơ hli, inh gô 'me rong lu iĕm păng lu kon akăn iĕm. Đơ̆ng noh Jôsep pơlung lu 'nhŏng oh sư pơma iŏk nơ̆r rơngơp hăm lu 'nhŏng oh sư.

II Sam 5:2

Adrol sơ̆ kơplah Sôl oei pơm pơtao, ih boih pơgơ̆r lu linh Isơrael năm tơblah. ‘Kră Yang đei khan kơ ih’ ‘Ih boih gô wei rong kon pơlei pơla Isơrael Inh, păng pơgơ̆r lu sư.”

II Pot 13:16

Êlisê khan dơ̆ng kơ pơtao Isơrael: “Gŭt bĕ hră ih.” Na pơtao gŭt hĭ hră hloi. Đơ̆ng noh Êlisê dan ti sư kơpal ti pơtao ei,

Ne 6:9

Yua kơ lu sư wă tơhli lu nhôn; inh păng đĭ-đăng nhôn hli; lu sư khan: Ti lu sư gô gleh lap, ưh pă gơh jang dơ̆ng, na dang ei hloi, ơ Kră Yang pơm bĕ kơ ti inh jing pran.

Jop 29:20

Inh đei ư-ang 'nao ling-lang, Jơhngơ̆m pran inh 'bĕnh-'bang thoi hră 'nao lăm ti inh.

Horiso 118:22

Tơmo mă thơ̆ mam hnam hŭt lê̆, jing tơmo man 'bơ̆t mum hnam

Horiso 132:1

Ơ Kră Yang! Apinh Ih 'blŏk kơ Đawit, Păng tơdrong gleh pơmat sư pŭ.

Horiso 132:2

Sư đei pơkăm hăm Kră Yang. Păng pơkă hăm Kră Yang mơsêh mơyang Jakôp:

Horiso 132:5

Dĭng truh tơ inh mă chă đei anih ăn kơ Kră Yang. Minh anih oei ăn kơ Kră Yang mơsêh mơyang Jakôp!”

Horiso 18:1

Ơ Kră Yang, inh 'mêm kơ Ih boih jơhngơ̆m inh pran.

Horiso 18:30

Gah Kră Yang 'Bok Kei-Dei rim trong Sư 'lơ̆ng tơpăt ngăl; Nơ̆r Kră Yang hlôi hơmet rơgoh boih. Sư boih khêl kơ đe bu wă kơ'nơp tơ Sư.

Horiso 23:1

Kră Yang Tơ'ngla wei-lăng inh, inh ưh kơ khăi kơ kiơ.

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Horiso 28:8

Kră Yang jơ̆ tơdrong pran kơtang kơ kon pơlei pơla Sư, Kơđông kơjăp dŏng pơklaih bơngai mă sư hling boih đak rơmă 'bâu phu.

Horiso 44:7

Mă-lei Ih pơklaih lu nhôn boih đơ̆ng lu bơngai areh kơ nhôn, Pơm ăn kơ lu ayăt kơ nhôn mơlâu,

Horiso 73:23

Mă-lei, inh oei hăm Ih ling-lang; Ih rôp ti 'ma inh.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Horiso 89:1

Inh gô hơri bơnê kơ tơdrong 'mêm tih Kră Yang ling-lang; 'Bơ̆r inh gô ră roi tơdrong tơpăt Ih lăm đĭ jơhnơr.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Êsai 1:24

Thoi noh bơih na Kră Yang Tih Hloh, Tơ'ngla Mơsêh Mơyang lu bơngai Isơrael khan: “Âu! Inh gô tuh tơdrong hil tơ lu bơngai blah Inh păng pơm 'mong kơ lu bơngai ayăt kơ Inh!

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Êsai 29:24

Lu bơngai đei đon tơchĕng wơ̆l glăi gô jing gơh hlôh, păng lu bơngai juăt kơ tơtok sư gô pơhrăm iŏk tơdrong đe bơtho.”

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsai 60:16

Ih gô mŏm đak toh lu dêh char păng lu pơtao thoi mĕ gô tơmŏm 'me rong Ih. Ih gô băt kơ Inh bơih Kră Yang Tơ'ngla dŏng pơklaih ih Tơ'ngla huai iŏk ih păng Tơ'ngla mơsêh pran kơtang adrĕch Jakôp.

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

Sa 3:9

'Nâu, tơmo mă inh đei dan 'bơ̆t anăp Jôsua noh minh kơtuăl tơmo mă-lei tơpơh tŏ măt. 'Nâu, Inh gô chrek chư tơ noh păng inh gô iŏk hŭt lê̆ tơdrong yoch đơ̆ng teh âu lăm minh năr.’ ” Kră Yang Tih Hloh khan thoi noh:

Mathiơ 21:42

Yêsu jet lu sư: “Tơdrong 'Bok Kei-Dei âu iĕm tam mă đŏk lăng tơpă hă? ‘Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man sư 'bơ̆t mum hnam. Sư pơm thoi noh trŏ tơpă, mă măt bơ̆n lăng kư̆m 'lơ̆ng mơ̆n.’

Markôs 12:10

Mă tơdrong 'noh kư̆m thoi iĕm đŏk boih đe chih lăm sơ̆p hla bơar tơdrong 'Bok Kei-Dei thoi âu: ‘Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man pơklop sư 'bơ̆t mum hnam.

Luka 20:17

Na Yêsu lăng tơ lu sư păng khan: “Tơdrong iĕm kuă kơ Inh noh trŏ thoi đe chih lăm sơ̆p hla bơar 'Bok Kei-Dei sơ̆ thoi âu: Tơmo mă thơ̆ man hnam hŭt lê̆, Jing tơmo man 'bơ̆t mum hnam

Jang 4:11

Yêsu thoi lĕ kơ minh pôm tơmo mă lu bơngai man hnam tŭk lê̆, mă-lei tơmo noh dang ei gĭt tơpă, yua wă man 'bơ̆t mum hnam. Iĕm boih thoi lĕ kơ lu bơngai man hnam noh yua kơ iĕm tŭk lê̆ Yêsu.

Rom 14:4

Dah bơ̆n pơjăm sư, dang bơ̆n sek tơlang đĭch đe, khan bơngai đĭch noh pơm ưh kơ lăp kơ yŏng sư. Bơ̆n gô mơ̆ng kơ yŏng sư sek tơlang kơdih đĕch, gơh jô̆ kơ sư pơm 'lơ̆ng pơm ưh. Yŏng sư noh wă khan Yêsu Krist, Yŏng sư noh gơh tơgŭm sư lui kơjăp khŏm khŏm.

Êphêsô 2:20

Bơ̆n thoi đe pơtăm keh minh pôm hnam. Lu jơ̆ng 'bang Yêsu hăm lu bơngai pơtruh nơ̆r 'Bok Kei-Dei lu sư thoi lu jrăng pơtăm tŏk-bŏk, na Yêsu Sư thoi jrăng mum.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Both 33:27

Kră Yang 'Bok Kei-Dei arih ling-lang noh anih ih kơ'nơp, gah ala kơ ih đei tơpang ti Kră Yang drơng tơgŭm, Sư puh lê̆ lu bơngai ayăt 'bơ̆t anăp ih, Na sư khan: Pơrăm pơlôch lu sư bĕ.

Both 34:9

Jôsuê kon drŏ-nglo Nun, đei 'bĕnh blai kơ tơdrong gơh hơgei, yua kơ Môis đei dan tơpang ti tơ akâu Jôsuê boih; na kon pơlei bơngai Isơrael chu nơ̆r sư păng pơm kiơ̆ dôm tơdrong Kră Yang bơtho pơkă kơ Môis.

Kôlôsê 1:11

Na nhôn apinh tơdrong mơsêh mơyang 'Bok Kei-Dei ăn kơ iĕm jơhngơ̆m pran adrin kiơ̆ tôm tơdrong Sư, wă kơ iĕm huay kơ achăng lê̆ Sư, mă đe pơm pơmat kơ iĕm dang yơ, ăn kơ iĕm oei hiôk oei kơjăp lăm tơdrong lui khŏm khŏm.

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.

Jôsuê 17:18

mă-lei char gah kông noh jing teh lu iĕm mă khan bri kơdrơ̆ng, lu iĕm chong muih jang truh tơ jơ̆p-jang mă să ataih, yua kơ lu iĕm gơh puh tơweh lu kon pơlei Kanaan, mă khan lu sư đei gre aseh mam pran kơtang ră.

Lu 1:22

Na adrĕch adrung Jôsep kư̆m tŏk blah pơlei Bethel păng Kră Yang oei hơdai lu sư.