Bl 47:27 - Sơ̆p Hlabơar Nơ̆r 'Bok Kei-Dei

²⁷ Thoi noh, Isơrael oei tơ tơring Gôsen lăm char Êyiptơ, bơ̆jang sa tơ noh, pơjing hơ'lơ̆p rai lơ hloh.

Bl 47:27 ပူးပေါင်းရင်းမြစ်များ

Bl 13:16

Inh gô pơm ăn kơ adrĕch adrung ih lơ thoi 'mui teh; kơna dah bu kĕ jô̆ 'mui teh, lei sư kư̆m kĕ jô̆ adrĕch adrung ih.

Bl 17:6

Inh gô pơm ăn kơ ih pơjing hơ'lơ̆p rai lơ; wă kơ đơ̆ng ih jing đei lơ dêh char păng lu pơtao gô lĕch đơ̆ng ih mơ̆n.

Bl 26:4

Inh gô ăn thim kơ adrĕch adrung ih lơ thoi sơnglŏng tơ plĕnh ti: Gô ăn kơ lu sư dêh char âu đĭ-đăng kon bơngai jơ̆p pơlei pơla lăm teh đak gô đei tơdrong pŭn hiôk đơ̆ng lu sư,

Bl 28:14

Adrĕch adrung ih gô lơ kơdrâ̆m thoi chuơh tơ lăm teh âu, lanh truh tơ bơmơ̆t hơlĕch, gơal yă-nơ̆m păng lu khŭl kon bơngai a gô đei pŭn hiôk đơ̆ng ih păng đơ̆ng lu adrĕch adrung ih.

Bl 34:10

oei hơdai bĕ hăm nhôn! Tơring âu kư̆m asong ăn kơ lu iĕm; oei bĕ, mơdro mơchan, jang sa pơjing anih-anơ̆m tơ noh.

Bl 35:11

Kră Yang 'Bok Kei-Dei khan dơ̆ng thoi âu: Inh boih Kră Yang 'Bok Kei-Dei mơsêh mơyang, ih athei pơjing kon hơ'lơ̆p mă rai lơ; jing minh adrĕch adrung kơdrâ̆m păng lơ adrĕch adrung gô đơ̆ng ih, kư̆m đơ̆ng adrĕch adrung ih gô đei lu pơtao.

Bl 46:3

Kră Yang 'Bok Kei-Dei khan; Inh jơ̆ Kră Yang 'Bok Kei-Dei, Kră Yang 'Bok Kei-Dei 'bă ih. Jur bĕ tơ dêh Êyiptơ, hli kơ kiơ. Yua kơ tơ noh Inh gô ăn kơ ih jing minh adrĕch adrung tih.

Bl 47:11

Thoi noh, Jôsep chu nơ̆r Pharaôn athei, jao ăn teh kơ 'bă sư păng lu 'nhŏng oh sư oei jang sa, ăn teh mă 'lơ̆ng hloh lăm char Êyiptơ, wă choh jang sa, tơ gah tơring Ramse.

Bl 8:7

Sư achăng minh pôm ak, ak păr gơling jur tŏk dĭng truh tơ đak hrơ̆ đĭ kơpal teh.

Bl 8:9

Mă-lei sem kơtơp păr chă lăng ưh tam đei teh hrĕng wă jruh, na sư păr brŏk tơ duk dơ̆ng, yua kơ đak oei jơ̆p-jang kơ teh. Nôê jrơng ti sư sơng iŏk sem kơtơp rôp tơmơ̆t lăm duk hơdai hăm sư.

Ne 9:23

Ih kư̆m thim ăn đei kon sâu hrôh ngôh lơ thoi lu sơnglŏng tơ kơpal plĕnh, ba lu sư mơ̆t tơ dêh mă Ih đei pơkă hăm 'bok lu sư sơ̆: Lu iĕm gô mơ̆t tơ noh na iŏk asong băl dêh noh.

Horiso 105:24

Kră Yang ăn kơ kon pơlei pơla sư rai hrôh, ăn kơ lu sư pran hloh kơ lu đe mă pơjuă pơđep lu sư.

Horiso 107:38

Kră Yang 'Bok Kei-Dei ăn tơdrong pŭn hiôk kơ lu sư, lu kon pơlei rai hrôh. Sư ưh kơ đei ăn kơ kon sem dơrong lu sư hrŏ hiong,

Le 1:12

Mă tơpă lu bơngai Êyiptơ rai wă rôp pơgŏ pơmat lu sư, kon pơlei Isơrael rai lơ rai jơ̆p-jang kơ dêh char, lăm jơhngơ̆m lu bơngai Êyiptơ hli kơ kon pơlei Isơrael.

Le 1:7

Mă-lei kon sâu Isơrael pơjing rai lơ, rai kơdrâ̆m hlĭch chrơp tơpă, rai đunh jing mơdrŏng pran kơtang, oei 'bĕnh-'bang jơ̆p-jang kơ dêh 'noh.

Sa 10:8

Inh wă krao pơpôi lu sư, yua kơ Inh huai iŏk lu sư boih; lu sư đei thim rai lơ thoi sơ̆.

Jang 7:17

“Hơdrol sơ̆ 'Bok Kei-Dei pơkă wă ăn kơ Abraham păng lu kon sâu sư oei tơ dêh bơ̆n âu. Na năr 'Bok Kei-Dei pơkă ei wă jê̆ truh boih, na lu bơngai Isơrael sơ̆ mă oei tơ dêh char Êyiptơ rai lơ tơpă,

Both 10:22

Kơplah 'bok lu iĕm jur tơ dêh Êyiptơ, đei lăp tơpơh-jĭt 'nu đĕch; mă dang ei, Kră Yang 'Bok Kei-Dei ăn kơ iĕm lơ thoi sơnglŏng tơ kơpal plĕnh ti.

Both 26:5

Đơ̆ng noh, lu iĕm roi 'bơ̆t anăp Kră Yang 'Bok Kei-Dei lu iĕm: 'Bă inh bơngai Aram thông mang, kơplah năm jur tơ dêh Êyiptơ oei tơ noh tŏ sĕt bơngai đĕch, mă-lei dang ei jing minh adrĕch adrung tih, pran păng lơ kơdrâ̆m.