Bl 46:6 - Sơ̆p Hlabơar Nơ̆r 'Bok Kei-Dei

⁶ Lu sư kư̆m anhăk ba lu sem dơrong păng mŭk tơmam lu sư đei jang sa tơ dêh Kanaan, wă jur tơ dêh Êyiptơ.

Bl 46:6 ပူးပေါင်းရင်းမြစ်များ

Bl 15:13

Na Kră Yang khan kơ Abram thoi âu: “Inh khan kơ ih tơpă lu adrĕch adrung ih gô oei tơ lăm minh pôm char ưh kơ trŏ char lu sư, oei tơ ei thoi tơmoi đĕch păng pơm đĭch đam kơ char noh, na char noh gô pơjuă pơđep lu sư lăm puăn-hrĕng sơnăm.

Bl 46:7

Thoi noh, Jakôp păng đĭ-đăng hnam dơnŏ sư, lu kon drŏ-nglo, lu sâu drŏ-nglo, lu kon drŏ-kăn, lu sư jur đĭ tơ dêh Êyiptơ.

Horiso 105:23

Isơrael mơ̆t oei tơ Êyiptơ; Jakôp oei tơ dêh Cham thoi bơngai tơmoi.

Êsai 52:4

Kră Yang khan thoi âu: “Sơ̆ kon pơlei Inh jur tơ Êyiptơ oei tơ noh; đơ̆ng rŏng kơ noh bơngai Asiri pơjuă pơđep ngôi lu sư tơdrong kơ đei.”

Jo 20:15

tơdrong 'bok yă lu nhôn năm boih tơ dêh Êyiptơ, lu nhôn oei tơ noh kư̆m đunh, mă-lei kon pơlei lăm dêh char noh pơm kơnê̆ kơ nhôn păng 'bok yă lu nhôn.

Jang 7:15

Na Jakôp năm oei tơ dêh char Êyiptơ. Sư lôch tơ ei hloi păng đĭ-đăng kon sư lu kơdră bơ̆n kư̆m lôch tơ ei mơ̆n.

Both 10:22

Kơplah 'bok lu iĕm jur tơ dêh Êyiptơ, đei lăp tơpơh-jĭt 'nu đĕch; mă dang ei, Kră Yang 'Bok Kei-Dei ăn kơ iĕm lơ thoi sơnglŏng tơ kơpal plĕnh ti.

Both 26:5

Đơ̆ng noh, lu iĕm roi 'bơ̆t anăp Kră Yang 'Bok Kei-Dei lu iĕm: 'Bă inh bơngai Aram thông mang, kơplah năm jur tơ dêh Êyiptơ oei tơ noh tŏ sĕt bơngai đĕch, mă-lei dang ei jing minh adrĕch adrung tih, pran păng lơ kơdrâ̆m.

Jôsuê 24:4

Inh ăn Jakôp păng Êsâu kơ Isăk, ăn kông Sêir kơ Êsâu bơ̆jang sa mir 'ba, gah Jakôp hăm lu kon sư jur oei tơ char Êyiptơ.

I Sam 12:8

Đơ̆ng rŏng kơ Jakôp truh tơ Êyiptơ, yă 'bok lu iĕm đei krao apinh Kră Yang; Kră Yang wơh Môis păng Arôn chông anhăk yă 'bok iĕm sơ̆ lĕch đơ̆ng dêh char Êyiptơ, na ăn kơ lu sư oei tơ dêh char âu.