Bl 46:5 - Sơ̆p Hlabơar Nơ̆r 'Bok Kei-Dei

⁵ Jakôp pơtơm yak; đơ̆ng Bêrsêba, lu kon drŏ-nglo Jakôp 'bă lu sư hăm kon akăn lu sư hao gre đơ̆ng Pharaôn mă gơih năm iŏk lu sư ei.

Bl 46:5 ပူးပေါင်းရင်းမြစ်များ

Bl 21:14

Abraham iung đơ̆ng hrôih, iŏk 'bĕng păng minh pôm get đak ăn kơ Hagar; tơ'băk lu tơmam noh 'bơ̆t hơngiĕng sư păng jao ăn kơ sư kon drŏ-nglo sư noh, na puh tơweh. Hơgar sư weh, yak trong ataih wih rok thŭng Bêrsêba.

Bl 45:19

Na inh kư̆m đei wă pơkă kơ ih dơ̆ng khan kơ lu sư thoi âu: Athei chĕp ba gre đơ̆ng dêh Êyiptơ wă chơ lu hơ'lơ̆p păng akăn lu sư păng kư̆m chơ ba 'bă jur oei tơ âu.

Bl 45:21

Lu kon drŏ-nglo 'bok Isơrael pơm kiơ̆ thoi noh Jôsep chu nơ̆r Pharaôn ăn gre păng tơmam sa rok trong kơ đe 'nhŏng oh sư.

Bl 45:27

'Nhŏng oh sư ră roi đei tôm nơ̆r mă đơ̆ng Jôsep pơma; Jakôp 'bôh gre đơ̆ng Jôsep wă sơng iŏk sư, lei na jơhngơ̆m sư 'blŏk,

Le 10:24

Pharaôn krao hloi Môis păng khan: Lu iĕm năm kơkuh bĕ kơ Kră Yang: Chông ba lu kon hơ'lơ̆p lu iĕm năm hơdai; oei pă khŭl kon triu, kon rơmo đĕch lê̆ tơ âu.

Le 10:26

Lu khŭl sem dơrong kư̆m gô kiơ̆ lu nhôn mơ̆n, ưh kơ đei wă lê̆ minh kơchôp jơ̆ng ayơ; yua kơ lu nhôn wă iŏk pơyơ̆r sem dơrong 'noh wă kơkuh kơ Kră Yang 'Bok Kei-Dei lu nhôn; lu nhôn băt rơih iŏk kiơ wă yua kơkuh kơ Kră Yang, mưh lu nhôn truh tơ noh.

Jang 7:15

Na Jakôp năm oei tơ dêh char Êyiptơ. Sư lôch tơ ei hloi păng đĭ-đăng kon sư lu kơdră bơ̆n kư̆m lôch tơ ei mơ̆n.

I Sam 12:8

Đơ̆ng rŏng kơ Jakôp truh tơ Êyiptơ, yă 'bok lu iĕm đei krao apinh Kră Yang; Kră Yang wơh Môis păng Arôn chông anhăk yă 'bok iĕm sơ̆ lĕch đơ̆ng dêh char Êyiptơ, na ăn kơ lu sư oei tơ dêh char âu.