Bl 44:31 - Sơ̆p Hlabơar Nơ̆r 'Bok Kei-Dei

³¹ Na mưh lăng biŏng kơ sư ưh kơ 'bôh oh hơdruch, sĭt sư lôch tơpă. Na thoi ei dang ih pơm ăn kơ 'bă sŏk ko lu nhôn, kư̆m đĭch đam ih jĭ klơm hang nuih lôch.

Bl 44:31 ပူးပေါင်းရင်းမြစ်များ

Bl 37:35

Đĭ-đăng lu kon drŏ-nglo, kon drŏ-kăn ngôi tăp dăr kơ sư, pơlung ngôi apong kơ sư, mă-lei Jakôp 'bă lu sư ưh kơ chu păng khan thoi âu: Inh gô grong sơ'ngon dĭng truh lôch hơdai kon hơ'lơ̆p inh tơ lăm bơsat! Noh boih, 'bă Jôsep nhơ̆m hmoi kơ sư thoi noh.

Bl 42:38

Mă-lei Jakôp tơl sư: Kon hơdruch inh ưh kơ ăn sư kiơ̆ iĕm ôh. Yua kơ 'nhŏng sư đĭ lôch hiong boih, oei lăp pă minh 'nu sư, tơdah đei tơdrong ưh kơ pŭn truh kơ sư rok trong dơ̆ng lei lu iĕm âu wă pơm ăn kơ 'bok sŏk ko âu ơh sơ'ngon blĕk wă jur tơ dêh atâu.

Bl 44:29

Tơdah lu iĕm wă chông ba oh âu dơ̆ng tơklah đơ̆ng inh, dah đei tơdrong kiơ truh kơ sư, thoi iĕm wă pơm kơ 'bă iĕm sŏk ko âu jĭ nuih hang klơm jur tơ dêh atâu.

II Kor 7:10

Tơdrong sơ'ngon yua kơ bơ̆n băt kơ 'Bok Kei-Dei, na 'Bok Kei-Dei pơm kơ bơ̆n tơbral kơdih tơdrong yoch huay kơ sơ'ngon; mă-lei dah bơ̆n sơ'ngon kơ tơdrong ala teh, bơ̆n gô hiong răm đĕch ưh kơ yua kiơ kơ bơ̆n.

I Tes 4:13

Ơ 'nhŏng oh, nhôn roi tơpăt kơ iĕm wă kơ iĕm băt gah lu bơngai lui lôch boih sư gô iung arih dơ̆ng. Apinh iĕm 'nĕ kơ sơ'ngon thoi lu bơngai ưh kơ lui sư khan lôch ưh kơ gơh iung arih dơ̆ng.

I Sam 22:22

Đawit tơl Abiathar: Lăm năr noh, inh băt hơđăl kơ Đôe, bơngai Eđôm, sư kư̆m đei măt tơ noh mơ̆n, rŏ lăng sư roi ăn kơ Sôl. Inh gô pŭ đĭ kơ tơdrong lôch đĭ-đăng hnam 'bă ih.