Bl 44:29 - Sơ̆p Hlabơar Nơ̆r 'Bok Kei-Dei

²⁹ Tơdah lu iĕm wă chông ba oh âu dơ̆ng tơklah đơ̆ng inh, dah đei tơdrong kiơ truh kơ sư, thoi iĕm wă pơm kơ 'bă iĕm sŏk ko âu jĭ nuih hang klơm jur tơ dêh atâu.

Bl 44:29 ပူးပေါင်းရင်းမြစ်များ

Bl 37:35

Đĭ-đăng lu kon drŏ-nglo, kon drŏ-kăn ngôi tăp dăr kơ sư, pơlung ngôi apong kơ sư, mă-lei Jakôp 'bă lu sư ưh kơ chu păng khan thoi âu: Inh gô grong sơ'ngon dĭng truh lôch hơdai kon hơ'lơ̆p inh tơ lăm bơsat! Noh boih, 'bă Jôsep nhơ̆m hmoi kơ sư thoi noh.

Bl 42:36

Jakôp, 'bă lu sư khan thoi âu: Lu iĕm tă kơ pơm tơhiong lê̆ kon inh; Jôsep hiong hloi boih Simêôn kư̆m hiong mơ̆n; na dang ei wă chông anhăk Bênjamin năm dơ̆ng hă? Dôm tơdrong ơh sơ'ngon âu tă tuh kơ inh ngăl.

Bl 42:38

Mă-lei Jakôp tơl sư: Kon hơdruch inh ưh kơ ăn sư kiơ̆ iĕm ôh. Yua kơ 'nhŏng sư đĭ lôch hiong boih, oei lăp pă minh 'nu sư, tơdah đei tơdrong ưh kơ pŭn truh kơ sư rok trong dơ̆ng lei lu iĕm âu wă pơm ăn kơ 'bok sŏk ko âu ơh sơ'ngon blĕk wă jur tơ dêh atâu.

Bl 42:4

Mă-lei Jakôp ưh kơ ăn Bênjamin oh Jôsep năm hơdai lu 'nhŏng sư; yua kơ sư tơchĕng: Inh athei bơwei, kơnh hli kơ đei tơdrong truh kơ sư.

Bl 43:14

Apơi kơ Kră Yang 'Bok Kei-Dei, mơsêh mơyang tơgŭm ăn kơ sư đei mơnat kơ iĕm păng achăng 'nhŏng ki, hăm Bênjamin ăn kơ iĕm, bĕ gah 'bă, tơdah hiong kon, 'bă kư̆m chu đĕch boih.

Bl 44:31

Na mưh lăng biŏng kơ sư ưh kơ 'bôh oh hơdruch, sĭt sư lôch tơpă. Na thoi ei dang ih pơm ăn kơ 'bă sŏk ko lu nhôn, kư̆m đĭch đam ih jĭ klơm hang nuih lôch.

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?