Bl 41:38 - Sơ̆p Hlabơar Nơ̆r 'Bok Kei-Dei

³⁸ Pharaôn khan kơ lu kuan tih thoi âu: Lu bơ̆n chă bơngai bu dơ̆ng gơh băt thoi bơngai 'nâu, đei jơhngơ̆m đon gơh hơgei đơ̆ng Kră Yang 'Bok Kei-Dei?

Bl 41:38 ပူးပေါင်းရင်းမြစ်များ

Bl 41:37

Dôm nơ̆r âu Pharaôn hăm kuan tih lăp đon.

Esơra 7:25

Gah ih, ơ Esơra, kiơ̆ kơ tơdrong hơgei Kră Yang 'Bok Kei-Dei ih, đei boih lăm ti ih, pơjing bĕ lu 'bok wei-lăng, 'bok sek tơlang, jĭ lu bơngai hlôh băt tôm khôi juăt Kră Yang 'Bok Kei-Dei ăn kơ ih, wă kơ lu sư sek tơlang ăn đĭ kon pơlei oei gah bơmơ̆t kơ đak krong; na lu đe bu mă ưh kơ băt khôi juăt, ih athei bơtho lu sư wă kơ băt.

Jop 32:8

Mă-lei đei Yang bơhngol 'lơ̆ng oei lăm kon bơngai, Păng hơyuh kial dui jơhngơ̆m Kră Yang Tih Hloh ăn kơ sư tơdrong hlôh gơh hơgei.

Tơdrông Pơđơk 14:35

Pơtao bơnê kơ đĭch đam tơpăt băt đon hlôh wao. Mă-lei đei hil mĭl kơ đĭch đam mă pơm kơ đe mơlâu.

Tơdrông Pơđơk 22:29

Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

Êsai 19:11

Lu kră pơlei Sôan ngăl kơtul, lu bơngai hơgei oei jang hăm Pharaôn lu sư chă đon kơhlôh kơwao, liơ iĕm gơh khan kơ Pharaôn khan: “Inh jơ̆ minh lăm lu bơngai hơgei, kon sâu lu đe pơtao adrol sơ̆?”

Da 4:18

Inh âu pơtao Nebukatnessar, đei apo 'bôh boih tơdrong noh. Thoi noh, Beltơsatsar, ih athei tơblang kơ inh, yua kơ đĭ-đăng bơngai hơgei lăm dêh char bơ̆n ưh kơ đei bơngai bu gơh tơblang ăn kơ inh; mă-lei ih gơh tơblang, yua kơ Yang 'lơ̆ng rơgoh oei tơ lăm ih.

Da 4:6

Thoi noh inh chih roi tơbăt, athei ba đĭ-đăng lu bơngai hơgei lăm char Babilôn năm truh tơ inh, wă kơ lu sư tơblang tơdrong inh apo 'bôh.

Da 5:11

Tơ lăm dêh char đei minh 'nu bơngai, đei Yang Bơhngol 'Lơ̆ng oei, lăm chăl 'bă ih đe đei 'bôh tơ lăm sư đei tơdrong hơdah, đei tơdrong hơgei, đei đon hlôh wao, tơdrong gơh hơgei nhen thoi Yang. Thoi noh pơtao Nebukatnessar, 'bă ih, kơdih akâu 'bă ih đei pôk boih sư noh pơm yŏng jing kơ̆l kơ đĭ-đăng lu bơngai hơgei păng lu bơngai pơjâu, lu bơngai hơgei gơh tơwir lăm adrĕch Kalđê.

Da 5:14

Inh đei kơtơ̆ng đe roi khan ih đei Yang Bơhngol 'Lơ̆ng lu Yang oei lăm ih păng đe đei 'bôh tơ lăm ih đei hơdah, gơh hơgei, hlôh wao păng gơh băt phara kơ đe.

Da 6:3

Na Đaniel pơm yŏng tih hloh 'biơ̆ kơ bre 'bar 'nu noh păng kư̆m tih hloh kơ lu yŏng pơgơ̆r tơring, yua kơ sư đei tơdrong gơh hơgei; na pơtao pôk ăn kơ sư pơm tih hloh kơ đĭ-đăng lăm char sư.

Da 6:4

Bre kơiĕng pơtao păng lu yŏng pơgơ̆r tơring chă đon wă 'maih pơrăm, kêng Đaniel lăm tơdrong pơgơ̆r teh đak. Mă-lei lu sư chă ưh kơ đei tơdrong kiơ wă kơ gơh kêng, kư̆m ưh kơ đei minh tơdrong kơnê̆ kiơ sư pơm, yua kơ sư jing minh 'nu bơngai tơnăp tơpăt ưh kơ đei tơdrong hơlĕnh păng kư̆m ưh kơ đei minh tơdrong kơnê̆ kiơ.

Jo 27:18

Kră Yang khan kơ Môis thoi âu: Iŏk bĕ Jôsuê kon drŏ-nglo Nun, bơngai đei Yang Bơhngol 'lơ̆ng lăm sư; pel bĕ kơ̆l sư.