Bl 41:14 - Sơ̆p Hlabơar Nơ̆r 'Bok Kei-Dei

¹⁴ Pharaôn athei krao hloi Jôsep; lu sư plôh tơlĕch hloi Jôsep đơ̆ng hnam phak, sư hơkôih sŏk kang tơplih hơbĕn ao tai sư, na năm 'bơ̆t anăp Pharaôn.

Bl 41:14 ပူးပေါင်းရင်းမြစ်များ

II Sam 19:24

Mephibôset sâu drŏ-nglo Sôl, kư̆m năm jur sơng pơtao, sư ưh kơ đei ôp jơ̆ng, yuă sŏk kang dah pih hơbĕn ao sư iŏk đơ̆ng năr pơtao yak năm truh tơ năr pơtao wih brŏk hiôk-hian.

II Pot 25:29

Na Jêhôiachin plôh lê̆ ao bơnă sư păng rim năr oei sŏng sa pôm gơ'bang hăm pơtao dĭng đĭ chăl arih sư.

Esther 5:1

Lăm năr mă pêng Esther hrŭk ao yă pơtao sư klaih kơ noh sư năm dơ̆ng 'bơ̆t anăp 'măng tơklă anih tang-dŏ pơtao hơ-oei, pơtao sư hơ-oei tang-dŏ tơklă 'măng mơ̆t anih pơtao sư.

Le 10:16

Thoi noh Pharaôn hăt hot krao Môis păng Arôn na khan: Inh pơm yoch hăm Kră Yang 'Bok Kei-Dei lu iĕm păng hăm măr iĕm hai.

Bôk Bơthô 4:14

Bơngai 'lơ̆p 'nao tŏk đơ̆ng sơlŭng đe phak wă pơm pơtao, mă khan đe tơpŭ kơ sư dơnuh hin lăm dêh char sư.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Da 2:25

Đơ̆ng noh Ariok hăt hot hloi năm ba Đaniel tơ pơtao păng khan kơ pơtao thoi âu: Inh đei chă 'bôh minh 'nu lăm lu kon sâu Juđa mă bơ̆n rôp pơm bơnă, bơngai noh gô tơblang tơbăt ăn kơ ih pơtao.