Bl 38:26 - Sơ̆p Hlabơar Nơ̆r 'Bok Kei-Dei

²⁶ Juđa lăng kơnăl dôm lu tơmam noh na sư khan: Sư tơpăt hloh kơ inh, yua kơ inh ưh kơ ăn Sêla, kon tơdăm inh kơ sư, wă oei hơdai hăm sư. Đơ̆ng noh Juđa ưh pă oei hơdai hăm Tamar dơ̆ng.

Bl 38:26 ပူးပေါင်းရင်းမြစ်များ

Bl 37:33

Jakôp lăng păng khan: Trŏ boih noh ao kon drŏ-nglo inh kon sem bri hek sa boih! Sĭt tơpă akâu sư răm boih!

Bl 38:14

Na Tamar plôh hloi ao adro sư iŏk hloi hơdrao klơ̆p hloi muh măt sư păng pơ̆n lê̆ akâu, đơ̆ng noh tơoei 'bơ̆t 'măng jang pơlei Ênaim, trong mă năm tơ Thimna; pơm thoi noh yua kơ 'bôh Sêla 'lŏ boih, mă-lei Juđa ưh tam mă ăn oei kơ sư.

Bl 4:1

Ađam oei hơdai hăm akăn sư Ewơ, đơ̆ng noh akăn sư anăp na tơpŭ hĭ Kain păng khan: “Đơ̆ng Kră Yang tơgŭm na inh gơh tơpŭ kơ minh 'nu kon.”

II Sam 16:22

Đe pơm ăn kơ Apsalôm minh pôm bơsŭn tơ kơpal bơbŭng hnam pơtao, Apsalôm năm 'bĭch hơdai hăm lu akăn kơnhŏng 'bă sư. Đĭ-đăng bơngai Isơrael băt tơdrong noh.

II Sam 20:3

Lăp Đawit brŏk tơ hnam pơtao sư tơ pơlei Jêrusalem boih pơtao wơh bơngai chă mơjĭt 'nu akăn kơnhŏng pơtao lê̆ kơ lu sư wei-lăng hnam pơtao ki, pơtao ăn kơ lu sư oei minh pôm hnam đei bơngai wei-lăng; pơtao ăn kơ lu sư tơmam sa mă-lei ưh kơ đei oei hơdai hăm lu sư. Lu sư oei adro adrô̆ klo lu sư oei arih ră; păng chĭt lu sư lăm anih hrĕp truh kơ năr lôch.

II Sam 24:17

Lăp pơtao Đawit 'bôh linh jang 'lơ̆ng pơlôch pơrăm kon pơlei pơla, na pơtao apinh Kră Yang khan: “Inh boih mă bơngai yoch, inh boih mă bơngai glăi dêh! Na mă lu kon triu 'nâu lu sư ưh kơ đei pơm tơdrong kiơ ôh? Apinh ti Kră Yang pơrăm inh hăm 'nhŏng oh hnam 'bă inh đĕch.”

Jop 4:5

Mă-lei dang ei đei tơdrong gleh truh kơ ih, mă ih kư̆m ưh kơ kĕ chu iŏk; Ih tơ'bơ̆p tơdrong pơmat-tat, na ih hli tơrơ.

Jop 40:5

Inh hơch 'bơm pơma minh 'bar wơ̆t bơih, mă-lei ưh pă pơ̆n tơl dơ̆ng.

Êsêkiên 16:52

Ih jing pŭ iŏk tơdrong mơlâu yua kơ ih pơm kơ đe mŏ oh ih nhen thoi lu sư tơpăt, yua kơ tơdrong yoch ih pơm kơnê̆ hloh kơ lu sư, đe lăng lu sư tơpăt hloh kơ ih. Thoi noh ih pŭ iŏk bĕ tơdrong mơlâu, yua kơ ih pơm kơ đe mŏ oh ih nhen thoi lu sư jing tơpăt hloh kơ ih.

Habakuk 1:13

Măt Kră Yang 'lơ̆ng rơgoh ưh kơ wă lăng ôh tơdrong kơnê̆, kư̆m ưh kơ wă lăng dôm tơdrong ưh kơ trŏ. Liơ Ih lê̆ kơ lu bơngai hơlĕnh. Tơdah lu bơngai kơnê̆ luăn sa lu bơngai mă tơpăt hloh kơ lu sư, yua kơ kiơ Ih ĕnh thoi noh?

Mathiơ 3:8

Iĕm athei tŭk lê̆ đĭ dôm tơdrong kơnê̆, na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih.

Yo 8:9

Lu sư kơtơ̆ng Yêsu khan kơ lu sư thoi noh, na lu sư lĕch brŏk pơtoi, đơ̆ng lu kră hơdrol truh tơ lu bơngai tơdăm đơ̆ng rŏng. Na oei pă Yêsu păng duch ei đĕch oei lăm ei.

Rom 13:12

Dang ei oei măng mu, ưh pă đunh 'năr gô lĕch. Yua kơ thoi noh na bơ̆n 'nĕ pă oei tơ lăm măng mu, bơ̆n athei oei tơ hơdah ling-lang wă kơ gơh tơblah păng yang kơnê̆.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

I Sam 24:17

Sôl khan kơ Đawit: Kon pơm tơpăt hloh kơ 'bă, yua kơ iŏk tơdrong 'lơ̆ng, na pơm 'mong tơdrong kơnê̆ 'bă hlôi pơm ăn kơ kon.

I Sam 24:18

Năr 'nâu, kon tơ'bôh kon iŏk tơdrong 'lơ̆ng pơm hăm 'bă; yua kơ Kră Yang hlôi pơjao boih 'bă lăm tơpang ti kon, mă-lei kon ưh kơ đei pơlôch 'bă,