Bl 38:17 - Sơ̆p Hlabơar Nơ̆r 'Bok Kei-Dei

¹⁷ Sư tơl: Inh gô ăn kơ ih minh pôm bơbe lăm khŭl inh noh. Duch ei khan ih đei tơmam kiơ wă pơkăm, mă dĭng layơ bơbe noh truh?

Bl 38:17 ပူးပေါင်းရင်းမြစ်များ

Bl 38:16

Juđa năm jê̆ păng khan: Ăn bĕ kơ inh năm tơ ih, yua kơ Juđa ưh kơ băt adruh noh mŏ mai sư. Duch ei khan: Ih wă ăn kơ inh kiơ ih wă năm tơ inh?

Bl 38:18

Sư tơl: Inh đei tơmam kiơ wă pơkăm hăm ih dang ei? Duch ei tơl: Tơmam tơdra pơsĭt, tơlei păng 'long jra mă ih chĕp tơ ti noh wă pơm kong kơnol pơsĭt. Juđa ăn hloi, na năm 'bĭch hơdai, duch ei anăp hloi đơ̆ng măr sư. Đơ̆ng noh, duch ei iung brŏk.

Bl 38:20

Juđa gơnang kơ buăl sư bơngai Ađulam chĕp ba bơbe kon wă năm iŏk dôm lu tơmam đêl pơkăm đơ̆ng duch ei hei; mă-lei chă duch ưh kơ 'bôh.

Tơdrông Pơđơk 20:16

Rôp ao wă pơkơ̆ng tơdah sư drơ̆ng wă dŏng bơngai tơmoi; Sư athei đei tơmam pơdơ̆ng, dah sư drơ̆ng wă huai iŏk bơngai drŏ-kăn tơmoi.

Êsêkiên 16:33

Lu bơngai drŏ-kăn đi juăt kơ lu drŏ-nglo ăn tơmam, mă-lei ih ăn tơmam kơ đĭ-đăng lu bơngai ih hưch, iŏk răt lu sư năm đơ̆ng jơ̆p tơring wă kơ lu sư pơm pơyô kư̆ kă hăm ih.

Luka 16:8

Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

Lu 15:1

Đunh 'biơ̆ dơ̆ng 'noh, kơplah lăm bơyan yuă 'ba mi, Samsơn năm apong kơ akăn sư, chĕp ba minh pơm kon bơbe. Sư khan: Apinh ih ăn kơ inh mơ̆t tơ'bơ̆p akăn inh lăm anih sư tep. Mă-lei 'bă drŏ-kăn noh ưh kơ ăn sư mơ̆t.