Bl 37:36 - Sơ̆p Hlabơar Nơ̆r 'Bok Kei-Dei

³⁶ Lu bơngai Madian mơdro noh chông ba Jôsep truh tơ dêh char Êyiptơ, tĕch sư tơ Pôtipha, yŏng linh bơngai wei Pharaôn.

Bl 37:36 ပူးပေါင်းရင်းမြစ်များ

Bl 37:28

Thoi noh, kơplah lu bơngai Madian khŭl mơdro yak rok ei; lu 'nhŏng sư hơtŏk Jôsep đơ̆ng lăm sơlŭng đak, đơ̆ng noh tĕch lê̆ sư 'bar hlak jên hu kơ lu bơngai Ismael chông ba tơ char Êyiptơ.

Bl 40:3

Na kư̆m wang tah bre sư hơdai lăm hnam phak mă đei tah Jôsep lăm noh.

Bl 40:4

Yŏng wei-lăng hnam phak jao kơ Jôsep awih awăn kơ bre noh, bre sư oei tơ lăm hnam phak kư̆m đunh 'biơ̆.

Bl 41:12

Tơ noh kư̆m đei minh 'nu tơdăm bơngai Hêbrơ kư̆m phak hơdai nhi, sư đam 'bok wei-lăng hnam bơnă, nhi roi ăn kơ sư dôm tơdrong nhi apo, na sư tơblang ăn kơ nhi tơdrong apo noh wă khan kiơ truh kơdih kơdih.

II Pot 25:8

Năr tơpơh, khei pơđăm sơnăm mơjĭt-tơsĭn, chăl Nebukatnessar, pơtao đe Babilôn pơgơ̆r, Nêbusarađan, Yŏng linh pơtao đe Babilôn năm tơ Pơlei Jêrusalem.

Esther 1:10

Truh lăm năr mă tơpơh jơhngơ̆m pơtao hiôk dêh đơ̆ng huch tơdrô na sư pơkă kơ Mêhuman, Bistha, Harbôna, Biktha, Abaktha, Sethar păng Karkas. Tơpơh 'nu linh krĕo bơ̆jang lăm hnam pơtao Asêrus,

Horiso 105:17

Sư wơh minh 'nu năm adrol kơ lu sư, Noh jơ̆ Jôsep, đe tĕch boih pơm đĭch.

Êsai 56:3

Bơngai tơmoi pơgơ̆p hăm Kră Yang bơih 'nĕ kơ pơma khan: “Kră Yang sĭt gô lăng inh pha kơ kon pơlei Sư.” 'Nĕ ăn bơngai krĕo kư̆m pơma khan: “Inh jơ̆ tơnơm 'long kro.”

Je 39:9

Nebusaradan yŏng lu linh gak pơtao, athei rôp lu kon pơlei mă oei oei lăm pơlei păng lu bơngai lĕch yơ̆r ti kiơ̆ sư păng lu thơ̆ tuh hling, hơjơ̆m chông ba pơm bơnă tơ char Babilôn.

Da 2:14

Kơplah jơ noh Đaniel kiơ̆ kơ tơdrong gơh hơgei hlôh wao sư na khan kơ Ariok. Bơngai wei-lăng pơtao, bơngai mă năm wă pơlôch lu bơngai hơgei lăm char Babilôn.