Bl 37:27 - Sơ̆p Hlabơar Nơ̆r 'Bok Kei-Dei

²⁷ Thoi âu đĕch! Bĕ bơ̆n tĕch sư tơ lu bơngai Ismael to bơ̆n 'nĕ kơ pơrăm akâu sư, yua kơ sư oh bơ̆n, sĕch akar bơ̆n, na lu 'nhŏng oh sư chu kiơ̆ nơ̆r sư.

Bl 37:27 ပူးပေါင်းရင်းမြစ်များ

Bl 29:14

La'ban drơ̆ng sư: Tơpă boih, mon jơ̆ bơngai mă mih 'mêm. Đơ̆ng noh Jakôp oei hơdai mih sư tơ noh minh khei.

Bl 37:22

Sư khan dơ̆ng lu bơ̆n 'nĕ kơ pơm truh pham lĕch; iŏk rôp klơ̆m lê̆ sư tơ lăm sơlŭng đĕch păng bơ̆n 'nĕ kơ pơrăm lê̆ sư păng ti bơ̆n. Sư pơma thoi noh sư wă pơklaih Jôsep đơ̆ng ti 'nhŏng oh sư, wă kơ tơbrŏk tơ 'bă lu sư.

Bl 42:21

Lu sư khan tơduă lu sư thoi âu: Sĭt tơpă bơ̆n đei pơm yoch hăm oh bơ̆n boih; yua kơ adrol sơ̆ bơ̆n 'bôh jơhngơ̆m sư sơ'ngon, sư apinh bơ̆n mơnat, mă-lei lu bơ̆n ưh kơ mơ̆ng, thoi noh na 'nâu đei tơdrong truh kơ lu bơ̆n thoi âu.

Bl 50:20

Đĭ lu 'nhŏng wă pơrăm inh ră, mă-lei Kră Yang 'Bok Kei-Dei pơm kơ inh đei yua, wă kơ dŏng pơklaih lơ bơngai, thoi noh dôm tơdrong mă đei truh dang ei păng oei wă wei rong tơdrong arih lơlang lơlap kon pơlei.

II Sam 12:9

Liơ ih ưh kơ băt hli yom kơ nơ̆r Kră Yang tơtă, na pơm tơdrong kơnê̆ dêh 'bơ̆t anăp Sư? Ih yua đao pơlôch Uri, bơngai Hêtit, iŏk akăn sư pơm akăn ih, ih yua đao gưm linh bơngai Ammôn pơlôch sư.

Ne 5:5

Akâu akar lu nhôn kư̆m nhen akâu akar lu 'nhŏng oh lu nhôn mơ̆n, kon tơdăm lu nhôn kư̆m nhen kon tơdăm lu sư mơ̆n; na dang ei lu nhôn rôp kon tơdăm păng kon adruh lu nhôn pơm đĭch hă păng kư̆m đei boih kon adruh lu nhôn pơm đĭch boih, mă tơpă lu nhôn pă đei gơh wă huai iŏk dơ̆ng; yua kơ chŭn mir păng pơgar hơmu lu nhôn đĭ tơ lu đe nai iŏk boih.

Ne 5:8

Khan thoi âu: “Kiơ̆ kơ lu bơ̆n gơh đei huai boih 'nhŏng oh lu bơ̆n, bơngai Juđa mă đe tĕch tơ lu adrĕch nai, na dang ei iĕm wă 'maih tĕch lu 'nhŏng oh bơ̆n dơ̆ng hă? Na lu sư wă tĕch tơ lu bơ̆n dơ̆ng hă?” Lu sư ngăn hreh ưh pă gơh wă pơma kiơ dơ̆ng.

Le 21:16

Bơngai bu rôp tơtông bơngai păng tĕch, dah oei rôp bơwei lăm ti sư, đe gô sek pơlôch sư.

Le 21:21

mă-lei tơdah đĭch đam sư oei arih minh 'bar năr, tơ'ngla sư ưh kơ yoch, yua kơ sư noh tơmam yŏng tơ'ngla sư.

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Mathiơ 26:15

Sư khan: “Dah inh đei rôp ăn kơ iĕm Yêsu, iĕm apah inh dôm yơ?” Na đe noh jô̆ ăn kơ sư jên, pêng-jĭt hlak jên hu so sơ̆.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

Tơdrông Tơ'bôh 18:13

bơ̆n kơđoh 'long kuê̆, bơ̆n tơmam 'bâu phu wă pơm kơ tơmam sa, bơ̆n kơđoh 'long tơ'băr đe pơm ŭnh nhang, bơ̆n gơhlâu 'bâu phu; bơ̆n sik, đak rơmă, tơpŭng đe pơm 'bĕng mi, bơ̆n 'ba sa; lu sem dơrong, thoi kơ rơmo, triu, aseh, akâu gre aseh; lu bơngai đĭch đe kư̆m đei tĕch mơ̆n, dang đe tĕch bơhngol kon bơngai.

I Sam 18:17

Sôl pơma dơnuh hăm Đawit: 'Nâu Mêrap kon drŏ-kăn kơdră inh. Inh gô ăn kơ ih oei pơm akăn mă-lei ih athei mă nuih tơblah ăn kơ Kră Yang. Sôl tơchĕng lăm jơhngơ̆m khan: Tơpang ti inh ưh kơ gơh pơrăm sư, mă-lei lê̆ kơ tơpang ti lu kon pơlei Philistin pơrăm sư noh trŏ hloh.