Bl 37:26 - Sơ̆p Hlabơar Nơ̆r 'Bok Kei-Dei

²⁶ Juđa khan kơ lu 'nhŏng oh sư thoi âu: Pơlôch oh bơ̆n na ôn pham sư đei yua kiơ kơ bơ̆n?

Bl 37:26 ပူးပေါင်းရင်းမြစ်များ

Bl 25:32

Êsâu tơl: “Âu 'nhŏng jao kơ oh tơdrong gơh jing 'nhŏng kơdră lê̆ kơ 'nhŏng wă pơm kiơ?”

Bl 37:20

Dang ei thoi âu: Bĕ lu bơ̆n pơlôch sư, na gô klơ̆m lê̆ lăm sơlŭng đak ayơ ayơ na lu bơ̆n gô khan thoi âu: Đei lu sem bri châu sa sư, đơ̆ng noh bơ̆n gô lăng tơdrong apo sư noh gô jing thoi yơ?

Bl 4:10

Kră Yang jet dơ̆ng: “Ih pơm kiơ thoi noh? Inh 'bôh pham oh ih ôr đơ̆ng teh păng nơ̆r sư krao kơtơ̆ng truh tơ Inh.

Bl 4:9

Kră Yang jet Kain thoi âu: “Oh ih Abel tơ yơ?” Sư tơl: “Inh ưh kơ băt, inh bơngai wei oh inh ah?”

Bl 40:15

Yua kơ đe rôp ba inh đơ̆ng bơngai Hêbrơ păng tơ âu inh ưh kơ đei pơm yoch kiơ, mă-lei đe kư̆m tah inh lăm hnam pơmat 'nâu.

Bl 42:21

Lu sư khan tơduă lu sư thoi âu: Sĭt tơpă bơ̆n đei pơm yoch hăm oh bơ̆n boih; yua kơ adrol sơ̆ bơ̆n 'bôh jơhngơ̆m sư sơ'ngon, sư apinh bơ̆n mơnat, mă-lei lu bơ̆n ưh kơ mơ̆ng, thoi noh na 'nâu đei tơdrong truh kơ lu bơ̆n thoi âu.

Bl 50:20

Đĭ lu 'nhŏng wă pơrăm inh ră, mă-lei Kră Yang 'Bok Kei-Dei pơm kơ inh đei yua, wă kơ dŏng pơklaih lơ bơngai, thoi noh dôm tơdrong mă đei truh dang ei păng oei wă wei rong tơdrong arih lơlang lơlap kon pơlei.

II Sam 1:16

Đawit khan: “Pham ih tuh plơ̆ kơpal kơ̆l ih! Nơ̆r ih roi kơdih tơdrong noh, yua kơ ih khan: ‘Kơdih inh pơlôch bơngai mă Kră Yang rơih.’ ”

Jop 16:18

Ơ bơngai oei lăm teh, 'nĕ kơ 'bŭ klơ̆p lê̆ pham inh hăm teh. Rŏ kơ inh krao ôr rơngei ưh kơ đei pơgăn.

Horiso 30:9

“Hăm đei yua kiơ dah inh lôch, inh jur tơ lăm bơsat. 'Mui teh hăm gô bơnê kơ Ih? Gô pơm kơdranh kơ tơdrong tơpăt Ih hă?e

Je 36:25

Mă khan Êlnathan, Đêlaia păng Gêmaria apinh lung ră 'nĕ kơ soh sơnôm hla bơar noh mă-lei pơtao ưh kơ mơ̆ng.

Je 41:8

Mă-lei mơjĭt 'nu lăm lu sư khan kơ Ismael: “'Nĕ pơlôch lu nhôn yua kơ lu nhôn đei phe 'ba tơmam sa ôn lê̆ tơ lăm mir: 'Ba mi, 'ba tơ'bâu, đak rơmă ôliwơ; đak sut.” Thoi noh Ismael ưh kơ pơlôch lu đe noh hơdai hăm khŭl sư.

Êsêkiên 24:7

Pham oei đom lăm pơlei noh, yua kơ lu sư pơlôch đe tuh pham tơ kơpal tơmo blat; ưh kơ tuh lê̆ pham lăm teh wă kơ 'mui teh klơ̆p lê̆ đĭ.

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Rom 6:21

Tơdrong iĕm pơm yoch sơ̆ ưh kơ đei tơgŭm iĕm minh tơdrong kiơ ôh. Dang ei iĕm băt mơlâu kơ tơdrong yoch iĕm sơ̆ boih; tơdrong bơ̆n pơm yoch bơ̆n gô lôch hiong đĕch.

Both 17:8

Tơdah đei sek tơlang hơnat thoi pơlôch bơngai, sek tơlang tơdrong đe tơgar dih băl dah tơdrong pơm kơ đe rơka, dah đei tơdrong nai, minh tơdrong truh hơnat kơ iĕm tơpă, thoi noh lu iĕm athei chĕp ba tơdrong sek noh tơ anih mă Kră Yang 'Bok Kei-Dei iĕm gô rơih.