Bl 37:10 - Sơ̆p Hlabơar Nơ̆r 'Bok Kei-Dei

¹⁰ Sư roi tơdrong apo noh kơ 'bă sư păng lu 'nhŏng oh sư mơ̆ng; 'bă sư hil păng khan thoi âu: Tơdrong e apo noh wă khan thoi yơ? Hăm trŏ kơ inh hăm mĕ e păng lu 'nhŏng oh e gô drap kơkuh 'bơ̆t anăp e hă?

Bl 37:10 ပူးပေါင်းရင်းမြစ်များ

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

Bl 37:7

Lu bơ̆n oei lăm mir chô̆ 'ba hơchô̆ 'ba inh oei dơ̆ng, mă lu hơchô̆ 'ba iĕm năm drap tăp dăr kơ hơchô̆ 'ba inh, drap pơđĭ 'bơ̆t anăp hơchô̆ 'ba inh.

Bl 37:9

Jôsep tep apo dơ̆ng, roi dơ̆ng kơ lu 'nhŏng oh sư thoi âu: Inh oei đei apo pă minh dơ̆ng: 'Nâu đei măt 'năr, măt khei păng mơjĭt-mônh tŏ sơnglŏng đĭ-đăng tă kơ drap kơkuh 'bơ̆t anăp inh!

Bl 43:26

Wă Jôsep brŏk truh tơ hnam lu sư pơyơ̆r ăn kơ Jôsep tơmam mă đơ̆ng lu sư chĕp ba đơ̆ng hnam, na lu sư drap bon tơ teh kơkuh 'bơ̆t anăp Jôsep.

Bl 43:28

Lu sư tơl: Đĭch đam ih, 'bă lu nhôn, sư oei liĕm akâu mơ̆n păng oei arih đơ̆ng noh sư kŭp kơ̆l kơkuh.

Bl 44:14

Juđa hăm đĭ-đăng 'nhŏng oh sư mơ̆t dơ̆ng tơ lăm hnam Jôsep; sư oei lăm hnam noh; lu sư drap bon tơ teh kơkuh 'bơ̆t anăp sư.

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.