Bl 35:19 - Sơ̆p Hlabơar Nơ̆r 'Bok Kei-Dei

¹⁹ Đơ̆ng noh Rachel sư lôch, na 'bŭ 'bơ̆t cheng trong brŏk tơ Êphrat. Êphrat wă khan Betlehem.

Bl 35:19 ပူးပေါင်းရင်းမြစ်များ

Bl 35:16

Oei đơ̆ng Bethel năm wă jê̆ Êphrat dang minh 'bar măng kơ trong, na Rachel hơiơch kơ Bênjamin, gah tơdrong sư hơiơch noh sư đei jĭ pơmat dêh.

Bl 35:18

Kơplah Rachel wă kơtĕch jơhngơ̆m, lap săi kơ lai na sư anăn kon sư noh Bên Ônid 'bă sư krao anăn Bênjamin.e

Bl 48:7

Kơplah inh brŏk đơ̆ng Phadan tơ Kanaan na mĕ e lôch rok trong tơm măt inh, jê̆ Êphrat; inh 'bŭ sư jê̆ trong brŏk tơ Êphrat. Wă khan Betlehem.

II Sam 23:14

Lu sư blah iŏk boih pơlei Betlehem. Kơplah noh, pơtao Đawit oei tơ lăm anih ôn kơ'nơp.

II Sam 23:15

Pơtao 'blŏk tơ hnam păng khan: “Rŏ kơ đei bơngai bu ăn kơ inh nhă đak sŏ iŏk đơ̆ng 'bơ̆t 'măng jang pơlei Betlehem!

I Ho 2:51

Salma 'bă kơ Betlehem păng Harep 'bă kơ Bêt Gađer.

II Ho 11:6

Sư man pơdơ̆ng pơlei Betlehem, Êtam, Têkôa,

Esơra 2:21

Bơngai pơlei Betlehem, minh-hrĕng 'bar-jĭt pêng;

Horiso 132:6

Lu nhôn đei kơtơ̆ng roi gah hom tơdrong pơgơ̆p tơ Êphratha. Nhôn 'bôh boih Sư tơ lăm mir Jaar.

Mi 5:1

Ơ Betlehem Eprata, ih jing pơlei iĕ hloh lăm rơbâu pơlei lăm char Juđa, Mă-lei đơ̆ng ih gô tơpŭ ăn kơ inh minh 'nu Kră Yang Sư gô pơgơ̆r lu bơngai Isơrael; Sư đei đơ̆ng tơm hmơm blŭng-a sơ̆ boih, đơ̆ng adrol kơ đĭ-đăng.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Mi 6:2

Ơ lu kông păng lu hơnă teh kơjăp ling-lang, mơ̆ng bĕ nơ̆r đơ̆ng Kră Yang pơma hil! Yua kơ Kră Yang pơma chrih dơ̆ng kơ kon pơlei Sư păng Sư gô pơma hil dơ̆ng kơ kon pơlei Sư.

Mathiơ 2:1

Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan:

Mathiơ 2:6

‘Ơ Pơlei Betlehem lăm dêh Juđê! Pơlei iĕm ưh kơ sĭ iĕ hloh kơ pơlei đe ôh, Yua kơ đơ̆ng pơlei iĕm gô đei minh 'nu 'Bok tih tơpă, Sư wă pơgơ̆r lu bơngai Isơrael.’ ”

Jôsuê 19:15

Hăm pơlei Kattat, Nahala, Simrôn, Iđala păng Betlehem, đĭ-đăng mơjĭt-'bar tŏ pơlei tih hăm pơlei iĕ lu sư.

Lu 17:7

Đei minh 'nu tơdăm đơ̆ng pơlei Betlehem lăm dêh Juđa. Tơdăm âu tơpŭ kơ sư wơ̆ 'lŏ hăm kon pơlei Juđa.

Ru 1:2

Bơngai drŏ-nglo anăn Êlimêlek, akăn sư anăn Naômi, 'bar 'nu kon drŏ-nglo anăn Makhlôn păng Kiliôn. Lu sư đơ̆ng bơngai Êphrat, pơlei Betlehem, dêh Juđê. Lu sư năm tơ teh đak Môap păng oei tơ noh.

Ru 4:11

Đĭ-đăng lu kon pơlei păng lu kră 'bơ̆t 'măng jang ei wang tơl thoi âu: Đĭ-đăng lu nhôn pơsĭt tơdrong noh. Hơpơi kơ Kră Yang ăn bơngai drŏ-kăn mơ̆t oei lăm hnam ih nhen thoi bre Rachel păng Lêa, bre sư pơjing boih adrĕch Isơrael. Ăn kơ ih arih jang sa rai tŏk lăm char Êphratha păng anăn ih đei ư-ang lăm Betlehem.

I Sam 10:2

Năr âu adrol wă weh tơklah đơ̆ng inh, ih gô tơ'bơ̆p 'bar 'nu bơngai drŏ-nglo 'bơ̆t bơsat Rachel tơ pơlei Selsa, dêh Bênjamin; bre sư gô khan kơ ih: Lu aseh akăn mă ih chă noh 'bôh bơih; 'nâu 'bă ih ưh pă bơngơ̆t kơ aseh akăn noh dơ̆ng bơih, mă-lei sư bơngơ̆t kơ măr iĕm dơ̆ng na khan: Inh wă pơm liơ kơ kon drŏ-nglo inh âu?

I Sam 16:4

Samuel pơm kiơ̆ dôm tơdrong Kră Yang bơtho khan kơ sư, năm truh tơ pơlei Betlehem. Lu kră pơlei tơkan sơng sư. Lu sư hli na apinh: Ih năm tơ âu ba tơdrong hiôk-hian dah kiơ?

I Sam 17:12

Na, Đawit, kon drŏ-nglo Jese bơngai Êphrat, oei lăm pơlei Betlehem dêh Juđa; sư đei tơhngam 'nu kon drŏ-nglo, lăm chăl Sôl, Jese sư bơngai kră mă đe pơyom.