Bl 35:11 - Sơ̆p Hlabơar Nơ̆r 'Bok Kei-Dei

¹¹ Kră Yang 'Bok Kei-Dei khan dơ̆ng thoi âu: Inh boih Kră Yang 'Bok Kei-Dei mơsêh mơyang, ih athei pơjing kon hơ'lơ̆p mă rai lơ; jing minh adrĕch adrung kơdrâ̆m păng lơ adrĕch adrung gô đơ̆ng ih, kư̆m đơ̆ng adrĕch adrung ih gô đei lu pơtao.

Bl 35:11 ပူးပေါင်းရင်းမြစ်များ

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Bl 13:16

Inh gô pơm ăn kơ adrĕch adrung ih lơ thoi 'mui teh; kơna dah bu kĕ jô̆ 'mui teh, lei sư kư̆m kĕ jô̆ adrĕch adrung ih.

Bl 15:5

Na Kră Yang chông sư tơ đaih păng khan: “Ih athei ngoi lăng tơ plĕnh. Dah ih kĕ jô̆ lu sơnglŏng jô̆ bĕ.” Kră Yang khan dơ̆ng: “Adrĕch adrung ih kư̆m gô thoi noh.”

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 17:16

Inh gô ăn pŭn hiôk kơ sư, đơ̆ng sư Inh gô ăn kơ ih minh 'nu kon drŏ-nglo. Inh ăn kơ sư đei pŭn hiôk, sư gô pơm mĕ kơ lơ adrĕch adrung; wă kơ đơ̆ng sư jing đei lơ dêh char păng dôm lu pơtao gô lĕch đơ̆ng sư.”

Bl 17:4

“'Nâu, gah Inh âu, Inh đei pơkă boih hăm ih, thoi noh ih gô jing 'bok kơ ơ adrĕch adrung bơngai,

Bl 18:14

Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”

Bl 18:18

Yua kơ Abraham gô jing minh adrĕch adrung tih păng pran; rim adrĕch kon bơngai kơpal teh gô đei pŭn hiôk yua kơ đơ̆ng sư.

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Bl 28:14

Adrĕch adrung ih gô lơ kơdrâ̆m thoi chuơh tơ lăm teh âu, lanh truh tơ bơmơ̆t hơlĕch, gơal yă-nơ̆m păng lu khŭl kon bơngai a gô đei pŭn hiôk đơ̆ng ih păng đơ̆ng lu adrĕch adrung ih.

Bl 32:12

Na Ih đei khan thoi âu: Sĭt tơpă inh gô ăn pŭn hiôk kơ ih păng ăn kơ adrĕch adrung ih chek lar thoi chuơh đak dơsĭ, ưh kơ đei bu kĕ jô̆ yua kơ lơ tơpă.’ ”

Bl 36:31

Adrol kơ kon pơlei Isơrael tam mă đei pơtao pơgơ̆r, na 'nâu boih lu pơtao mă pơgơ̆r char Eđôm:

Bl 43:14

Apơi kơ Kră Yang 'Bok Kei-Dei, mơsêh mơyang tơgŭm ăn kơ sư đei mơnat kơ iĕm păng achăng 'nhŏng ki, hăm Bênjamin ăn kơ iĕm, bĕ gah 'bă, tơdah hiong kon, 'bă kư̆m chu đĕch boih.

Bl 46:3

Kră Yang 'Bok Kei-Dei khan; Inh jơ̆ Kră Yang 'Bok Kei-Dei, Kră Yang 'Bok Kei-Dei 'bă ih. Jur bĕ tơ dêh Êyiptơ, hli kơ kiơ. Yua kơ tơ noh Inh gô ăn kơ ih jing minh adrĕch adrung tih.

Bl 47:27

Thoi noh, Isơrael oei tơ tơring Gôsen lăm char Êyiptơ, bơ̆jang sa tơ noh, pơjing hơ'lơ̆p rai lơ hloh.

Bl 9:1

Kră Yang 'Bok Kei-Dei ăn pŭn hiôk kơ Nôê păng lu kon drŏ-nglo sư, Sư khan thoi âu: “Athei pơjing adrĕch adrung hrôh ngôh rai lơ dĭng 'bĕnh-'bang kơpal teh.

Bl 9:7

Gah lu iĕm athei pơjing adrĕch adrung rai lơ 'bĕnh-'bang jơ̆p-jang kơpal teh đak.”

I Ho 16:16

Tơdrong Sư pơgơ̆p hăm Abraham, tơdrong sư pơkăm bơih hăm Isăk.

I Ho 16:17

Tơdrong juăt Sư pơkăm pơkă bơih hăm Jakôp, tơdrong pơgơ̆p Sư ling-lang hăm Isơrael.

I Ho 16:18

Sư khan: “Inh gô ăn kơ lu iĕm char Kanaan. Jing teh lu iĕm jang sa.”

Le 1:7

Mă-lei kon sâu Isơrael pơjing rai lơ, rai kơdrâ̆m hlĭch chrơp tơpă, rai đunh jing mơdrŏng pran kơtang, oei 'bĕnh-'bang jơ̆p-jang kơ dêh 'noh.

Le 2:24

Kră Yang 'Bok Kei-Dei kơtơ̆ng tơdrong ơh sơ'ngon pơmat-tat lu sư, 'blŏk hơdơ̆r tơdrong pơgơ̆p hăm Abraham, Isăk păng Jakôp.

Le 6:3

Inh pơdah tơ'bôh ăn kơ Abraham kơ Isăk păng Jakôp, Inh boih Kră Yang 'Bok Kei-Dei mơsêh mơyang;a mă-lei Anăn Inh Kră Yang,b Inh ưh tam đei layơ tơbăt kơ lu sư.

Lêwi 26:42

Lei Inh gô 'blŏk kơ tơdrong Inh pơgơ̆p hăm Jakôp, 'blŏk kơ tơdrong pơgơ̆p hăm Isăk đơ̆ng noh 'blŏk kơ tơdrong Inh pơgơ̆p hăm Abraham păng Inh gô 'blŏk hơdơ̆r kơ dêh char.

II Kor 6:18

Thoi noh na Inh trŏ kơ pơm 'Bă iĕm, iĕm jing kon tơdăm kon adruh Inh. 'Noh tơdrong Kră Yang tơm rơh tih hloh khan kơ bơ̆n.”