Bl 32:30 - Sơ̆p Hlabơar Nơ̆r 'Bok Kei-Dei

³⁰ Jakôp krao anăn anih noh Phênielc Yua kơ sư khan thoi âu: Inh 'bôh boih Kră Yang 'Bok Kei-Dei 'bơ̆t tơm măt inh păng inh gơh oei arih.

Bl 32:30 ပူးပေါင်းရင်းမြစ်များ

Bl 16:13

Hơgar anăn Kră Yang mă đei pơma hăm sư thoi âu: “Ih boih Kră Yang 'Bok Kei-Dei mă 'bôh inh,” yua kơ sư khan: “Inh 'bôh boih Kră Yang 'Bok Kei-Dei mă 'bôh inh.”

Bl 28:19

na sư krao anăn anih âu Bethel;b tơplih anăn pơlei Lus.

Bl 35:9

Kơplah lu sư truh đơ̆ng Phadan Aram. Kră Yang 'Bok Kei-Dei tơ'bôh akâu Sư kơ Jakôp dơ̆ng păng ăn tơdrong pŭn hiôk kơ sư.

I Pot 12:25

Jêrôbôam pơjing hnam tơ Pơlei Sechem kơjăp tơ kơpal groi Êphraim, sư oei hloi tơ noh, sư lĕch đơ̆ng noh năm pơm Pơlei Pênuel.

Le 33:14

Kră Yang khan: Inha gô năm hơdai hăm Ih păng Inh gô ăn kơ ih jơhngơ̆m hơđơ̆ng hiôk.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Êsai 9:5

Đei tơpŭ ăn kơ lu bơ̆n minh 'nu kon nge, ăn kơ bơ̆n minh 'nu kon drŏ-nglo, tơdrong pơgơ̆r tơ kơpal hơngiĕng Sư, đe gô krao Sư Kră Yang pơlung tơgŭm Kră Yang 'Bok Kei-Dei Mơsêh Mơyang, 'Bă Arih Ling-Lang Kră Yang kon Pơtao Hiôk-Hian.

Jo 12:8

Inh pơma dơnuh hăm sư 'bơ̆r păng 'bơ̆r, hơđăl hơdah, ưh kơ đei tơdrong pơpơn ôn ôh; păng sư 'bôh boih rup Kră Yang. Thoi noh, liơ lu iĕm ưh kơ hli pơ̆n pơma 'bơm kơ đĭch đam Inh Môis?

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

I Kor 13:12

Dang ei bơ̆n băt tơdrong 'Bok Kei-Dei ưh kơ nhên ôh, mă-lei ning-mônh bơ̆n gô băt nhên tơpă, kư̆m thoi bơ̆n lăng muh măt đe tơ lăm amĭl mam ưh kơ gan nhên, mă-lei dah bơ̆n lăng tơklă muh măt sư bơ̆n gô băt nhên tơpă yơh. Tơdrong 'Bok Kei-Dei dang ei inh kư̆m ưh kơ hlôh tôm ôh, mă-lei ning-mônh inh gô hlôh tôm, kư̆m thoi 'Bok Kei-Dei hlôh tôm tơdrong inh dang ei mơ̆n.

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Galati 1:6

Inh sơleng kơ đon yua kơ kiơ iĕm lui kơ nơ̆r đe pơlung wă achăng lê̆ nơ̆r 'Bok Kei-Dei 'bônh đĕch. 'Bok Kei-Dei krao bơ̆n wă kơ bơ̆n jing kon Sư, yua kơ Yêsu Krist lôch tang bơ̆n. Mă-lei dang ei iĕm wă kiơ̆ tơdrong 'nao 'lơ̆ng nai dơ̆ng.

Êphêsô 1:17

'Bok Kei-Dei 'Bă Yêsu Krist Yŏng bơ̆n, Sư 'Bă tơm kơ đĭ-đăng păng Sư Yang tih tơpă, na inh ưh kơ hiơt krao khan apinh Sư tơgŭm iĕm hơgei, hăm tơhlôh ăn kơ iĕm tôm tơdrong Sư.

Both 34:10

Đơ̆ng năr noh, lăm lu bơngai Isơrael ưh kơ đei bơngai bu khan lê̆ adrol nhen thoi Môis, mă Kră Yang băt juăt kơ tơ'bơ̆p pơma dơnuh,

Both 5:24

Na khan: Kră Yang 'Bok Kei-Dei lu nhôn tơ'bôh boih tơdrong rang mơnhal păng tơdrong krưp tih Sư kơ lu nhôn păng lu nhôn đei kơtơ̆ng boih nơ̆r Sư đơ̆ng lăm ŭnh; năr âu lu nhôn 'bôh boih Kră Yang 'Bok Kei-Dei pơma dơnuh hăm kon bơngai mă-lei lu nhôn oei arih.

Kôlôsê 1:15

Sư hơbŏ thoi 'Bă Sư 'Bok Kei-Dei Kră Yang mă bơ̆n ưh kơ gơh 'bôh. Kon Sư đei đơ̆ng blŭng-a sơ̆ adrol kơ đĭ-đăng tôm tơdrong.

II Tim 1:10

Na dang ei Sư wơh Kon Sư Yêsu Krist dŏng pơklaih bơ̆n boih, na bơ̆n băt Sư 'mêm mơnat kơ bơ̆n tơpă. Yêsu Krist ăn kơ bơ̆n arih ling-lang. Bơ̆n huay kơ lôch răm ôh. 'Bok Kei-Dei tơbăt ăn kơ bơ̆n tơdrong arih ling-lang lăm tơdrong 'nao 'lơ̆ng Sư.

Hêbrơ 11:27

Yua kơ sư đei đon lui, na sư jăk achăng lê̆ dêh Êyiptơ. Sư ưh kơ hli kơ 'bok pơtao hil kơ sư ôh, sư kư̆ kơ năm hloi, yua kơ sư dang lĕ 'bôh akâu 'Bok Kei-Dei mă bơ̆n ưh kơ 'bôh.

Jôsuê 5:13

Kơplah Jôsuê năm jê̆ pơlei Jêrikô, wă sư ngơk lăng, blư 'bôh hloi minh 'nu bơngai chĕp đao dơ̆ng tơklă 'bơ̆t anăp sư, Jôsuê năm tơ sư păng jet: Ih bơngai gah nhôn dah gah bơngai ayăt kơ nhôn?

Lu 13:17

Manôa jet apinh jang 'lơ̆ng Kră Yang: Anăn Ih bu, wă kơ lu nhôn pơyom mưh nơ̆r ih khan âu trŏ 'blep?

Lu 13:18

Linh jang 'lơ̆ng Kră Yang khan: Liơ mă ih jet anăn inh, anăn inh jing hlĭch dêh.

Lu 8:17

Sư kư̆m pơrăm hnam thôt pơlei Pênuêl păng pơlôch lu bơngai drŏ-nglo lăm pơlei noh.

Lu 8:8

Đơ̆ng noh sư năm tơ pơlei Pênuêl kư̆m apinh lu sư. Kon pơlei Pênuêl tơl sư lei-lăi thoi bơngai pơlei Sukôt đei khan.