Bl 29:25 - Sơ̆p Hlabơar Nơ̆r 'Bok Kei-Dei

²⁵ Truh pơgê, na băt kơ Lêa, Jakôp jet La'ban dơ̆ng: Lơliơ mih hơlĕnh kơ inh?

Bl 29:25 ပူးပေါင်းရင်းမြစ်များ

Bl 12:18

Pharaôn năm krao Abram na apinh Abram thoi âu: “Ih pơm kiơ kơ inh thoi noh? Liơ ih ưh kơ roi kơ inh bơngai drŏ-kăn noh akăn ih?

Bl 20:9

Đơ̆ng noh pơtao Abimêlek krao Abraham păng khan: “Ih pơm kiơ kơ inh thoi noh? Inh hăm đei pơm kiơ kơ ih ưh kơ hiôk mă ih đei pơm kơ inh păng đĭ lăm char inh đei yoch tih thoi noh? Ih pơm kơ inh mă đe ưh kơ biơh ôh kơ pơm.”

Bl 26:10

Abimêlek apinh: “Ih pơm kiơ kơ lu nhôn thoi noh? Dah đei minh 'nu bu năm 'bĭch hơdai hăm akăn ih, noh ih wă pơm ăn kơ nhôn pơm yoch!”

Bl 29:16

La'ban đei 'bar 'nu kon adruh, kon 'lŏ sư anăn Lêa, kon 'lơ̆p sư anăn Rachel.

Bl 29:24

La'ban kư̆m ăn đam sư Silpa kiơ̆ awih awăn kơ Lêa, kon adruh sư.

Bl 29:26

La'ban tơl: Tơdrong juăt nhôn thoi âu, ưh kơ gơh ăn oh hơdruch đei klo adrol kơ mŏ ôh.

Bl 31:26

La'ban khan kơ Jakôp thoi âu: Mon pơm kiơ thoi noh? Ih đei hơlĕnh kơ mih chông pơđĭ lu kon drŏ-kăn mih thoi bơnă.

Bl 31:7

Gah 'bă măr iĕm ưh kơ lăp, na pơdê inh păng tơplih đei hloh kơ mơjĭt wơ̆t gah mă apah inh jang; mă-lei Kră Yang 'Bok Kei-Dei ưh kơ ăn sư pơrăm inh tŏ sĕt.

Tơdrông Pơđơk 11:31

Bơngai 'lơ̆ng tơpăt, Kră Yang gô apah bơnê kơpal teh. Pơma kiơ kơ lu bơngai pơm kơnê̆ pơm yoch gô phak ngei.

Mathiơ 7:12

Thoi noh na mă dôm tơdrong kiơ iĕm wă kơ đe pơm tơgŭm iĕm, iĕm athei pơm tơgŭm đe lei-lăi thoi noh. 'Noh trŏ kơ tơdrong juăt Môis păng tơdrong lu bơngai pơtruh nơ̆r 'Bok Kei-Dei sơ̆.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

I Kor 3:13

Na mưh truh năr sek tơlang ning-mônh, 'Bok Kei-Dei wă pơlong lăng hnam mă bơ̆n pơm noh hăm kơjăp dah ưh. Tơdrong pơlong noh thoi lĕ kơ ŭnh sa, na sư wă pơlong lăng tơdrong bơ̆n jang kơ Sư hăm yua ưh.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.

Lu 1:7

Kơplah noh Ađôni Bêsek khan: Sơ̆ đei tơpơh-jĭt 'nu pơtao đe chơ̆ng hơnglâu yŏng ti păng hơnglâu Yŏng jơ̆ng boih, lu sư chă dônh sa tơmam sa huŏng ala kơ 'bang inh. Tơdrong mă đêl inh pơm Kră Yang 'Bok Kei-Dei pơm tơwih kơ inh. Lu sư chông ba sư truh tơ pơlei Jêrusalem păng sư lôch tơ noh.

Ru 4:11

Đĭ-đăng lu kon pơlei păng lu kră 'bơ̆t 'măng jang ei wang tơl thoi âu: Đĭ-đăng lu nhôn pơsĭt tơdrong noh. Hơpơi kơ Kră Yang ăn bơngai drŏ-kăn mơ̆t oei lăm hnam ih nhen thoi bre Rachel păng Lêa, bre sư pơjing boih adrĕch Isơrael. Ăn kơ ih arih jang sa rai tŏk lăm char Êphratha păng anăn ih đei ư-ang lăm Betlehem.

I Sam 28:12

Wă bơngai drŏ-kăn noh 'bôh Samuel, na ôr hơdrăi 'bơ̆r re dêh pơma khan kơ Sôl: Yua kơ kiơ ih hơlĕnh kơ inh? Ih Sôl!